نارىقتاعى مونوپولييانى بولدىرماۋ ٷشٸن ساتىپ الۋعا قاتىسۋ ليميتٸ بەلگٸلەنەدٸ. بۇل تۋرالى ٷكٸمەت وتىرىسىندا قر قارجى مينيسترٸ ەرۇلان جاماۋباەۆ ايتتى, دەپ حابارلايدى قازاقپارات.
«مەملەكەتتٸك ساتىپ الۋ پروتسەسٸ تولىعىمەن ەلەكتروندى فورماتقا كٶشٸرٸلدٸ. بٷكٸل پروتسەسس ايقىن جەنە بارلىعىنا قولجەتٸمدٸ. قابىلدانعان ٸس-شارالاردىڭ نەتيجەسٸندە سوڭعى جىلدارى بٸر كٶزدەن تٸكەلەي ساتىپ الۋ ٷلەسٸ 64-تەن 39 پايىزعا دەيٸن قىسقاردى. وسى جىلدان باستاپ تٸكەلەي ساتىپ الۋدىڭ تاعى 6 نەگٸزٸ زاڭنان الىنىپ تاستالدى. ساتىپ الۋدى بەسەكەلەستٸك تەسٸلمەن باسىم تٷردە جٷزەگە اسىرۋ تۋرالى تالاپتار, سونداي-اق بٸرٸنشٸ باسشىسىنىڭ بٸر كٶزدەن ساتىپ الۋدى نەگٸزسٸز قولدانعانى ٷشٸن جاۋاپكەرشٸلٸگٸ بەلگٸلەندٸ», - دەدٸ ەرۇلان جاماۋباەۆ.
ونىڭ اتاپ ٶتۋٸنشە, ساتىپ الۋ پروتسەسٸن جەتٸلدٸرۋ ماقساتىندا ەلەكتروندىق دٷكەن تٷرٸندەگٸ جاڭا تەسٸلدەر ەنگٸزٸلدٸ. سونداي-اق نەگٸزدەمەلٸك كەلٸسٸمدەر جەنە كونكۋرستىڭ رەيتينگتٸك-بالدىق جٷيەسٸ ەنگٸزٸلٸپ جاتىر.
«بٸر كٷندٸك فيرمالاردىڭ ساتىپ الۋعا قاتىسۋىن شەكتەيتٸن قارجىلىق تۇراقتىلىق كٶرسەتكٸشٸ بەلگٸلەندٸ. قۇرىلىس سالاسىنداعى جەتكٸزۋشٸلەردٸڭ جۇمىس تەجٸريبەسٸن اۆتوماتتى تٷردە ەسەپتەۋ ٷشٸن ەلەكتروندىق دەپوزيتاريي ەنگٸزٸلدٸ. نارىقتاعى مونوپولييانى بولدىرماۋ, سونداي-اق شاعىن جەنە ورتا بيزنەستٸڭ ٶسۋٸنە مٷمكٸندٸك بەرۋ ماقساتىندا ساتىپ الۋعا قاتىسۋ ليميتٸن بەلگٸلەۋ جوسپارلانۋدا. بٸر كٶزدەن ساتىپ الۋدى ودان ەرٸ قىسقارتۋ جالعاساتىن بولادى», - دەدٸ ول.
مينيستر جەتكٸزۋشٸلەرگە قويىلاتىن جوعارى تالاپتاردى بولدىرماۋ جەنە ساپالى تاۋارلار, جۇمىستار مەن قىزمەتتەردٸ ساتىپ الۋ ٷشٸن بٸرٸزدەندٸرٸلگەن تەحنيكالىق ەرەكشەلٸكتەردٸ كەڭٸنەن قولدانۋ جوسپارلانىپ وتىرعاندىعىن ايتتى.
«بۇدان باسقا, 2023 جىلدان باستاپ ٶمٸرلٸك تسيكل قۇنىن پايدالانا وتىرىپ, ساتىپ الۋدىڭ جاڭا تەسٸلٸ ەنگٸزٸلەتٸن بولادى. بۇل دا ساپالى تاۋارلار, جۇمىستار مەن قىزمەتتەردٸ ساتىپ الۋعا ىقپال ەتەدٸ. تاپسىرىس بەرۋشٸلەرگە قوعامدىق باقىلاۋدى جەنە ساتىپ الۋدى جٷزەگە اسىرۋ ساپاسىن ارتتىرۋ ماقساتىندا مەملەكەتتٸك ورگانداردىڭ تيٸمدٸلٸك رەيتينگٸن جٷرگٸزۋ جەنە ونى جارييالاۋ ۇسىنىلادى», - دەدٸ ەرۇلان جاماۋباەۆ.
