ەڭبەك جەنە حالىقتى ەلەۋمەتتٸك قورعاۋ ۆيتسە-مينيسترٸ ناريمان مۇقىشەۆ 42 500 تەڭگە ەلەۋمەتتٸك تٶلەمگە قاتىستى ەلەۋمەتتٸك جەلٸلەردە اتىنا تٷسكەن ساۋالداردىڭ بارلىعىنا بٸردەي نەلٸكتەن جاۋاپ بەرە المايتىندىعىن تٷسٸندٸردٸ, دەپ حابارلايدى قازاقپارات.
«ماعان اشۋ-ىزامەن نەگە جاۋاپ بەرمەيسٸڭ دەپ جازىپ جاتادى. وسىنى تٷسٸندٸرگٸم كەلەدٸ. مەن باسقا مەسەلەگە (تسيفرلاندىرۋ) جەتەكشٸلٸك جاساسام دا 42 500 تەڭگەگە قاتىستى ٶتە كٶپ سۇراق تٷسەدٸ. ولاردى شەشۋ قاجەتتٸگٸن تٷسٸنگەندٸكتەن جاۋاپتارىن بەيٸندٸ بٶلٸمشەلەردەن سۇراپ, ودان كەيٸن جٸبەرەمٸن. Instagram-دا تەۋلٸگٸنە 500, ال Facebook-تە 200-300 حابارلاما الامىن. بۇل جازبانىڭ استىنا قالدىرىلاتىن شامامەن 1-2 مىڭ پٸكٸردٸ قوسپاعاندا. ونىڭ بارلىعىنا جاۋاپ بەرۋ مٷمكٸن ەمەس. كٷندەلٸكتٸ مٷمكٸندٸگٸمشە جاۋاپ بەرەمٸن. بٸراق, سۇراقتار ەلدەقايدا كٶپ تٷسەتٸندٸكتەن ٷلگەرمەيمٸن. سوندىقتان ەلٸ جاۋاپ بەرمەگەندەرٸم تٷسٸنٸستٸك تانىتسا ەكەن», - دەپ جازدى ۆيتسە-مينيستر Instagram پاراقشاسىندا.
ونىڭ اتاپ ٶتۋٸنشە, جازبالارىنا قالدىرىلعان ساۋالدارعا ەڭبەك مينيسترلٸگٸندەگٸ ەرٸپتەستەرٸنە جاۋاپ بەرۋدٸ ٶتٸنگەن. ال ٶزٸ جەكە كەلگەن ساۋالدارعا جاۋاپ بەرۋگە تىرىسىپ كەلەدٸ.
«بٸراق, كٶپتەگەن سۇراقتار قايتالانادى. بارلىعى دا ولاردىڭ جاعدايلارىن جەكە الىپ قاراستىرۋدى تالاپ ەتەدٸ. ەگەر ەربٸر جاعدايدى جەكە الىپ قاراسام, وندا ماعان جٷيەلٸ مەسەلەلەردٸ شەشۋمەن مٷلدەم اينالىسپاۋعا تۋرا كەلەتٸندٸگٸن تٷسٸنۋلەرٸڭٸزدٸ ٶتٸنەمٸن. سول سەبەپتٸ ساۋالداردىڭ باسىم بٶلٸگٸن قامتيتىن جازبا جازىپ جٷرمٸن. ساۋال قويماستان بۇرىن ولاردى وقىپ الۋلارىڭىزدى ٶتٸنەمٸن», - دەدٸ ناريمان مۇقىشەۆ.
سونىمەن قاتار 42500@enbek.kz جەنە 42500@gfss.kz ەلەكتروندى پوشتالارىنا دا تەۋلٸك بويى بٸرنەشە مىڭ ساۋال تٷسەتٸندٸگٸن جەنە ونداعان مامان ٷنەمٸ ولارعا جاۋاپ بەرۋگە تىرىساتىندىعىن اتاپ ٶتەدٸ.
