نار تۇلعالى نوعاەۆ

«اقىننىڭ دا اقىنى بار, ٶلەڭٸ بٸر بٶلەك, ەكٸمنٸڭ دە ەكٸمٸ بار, بەرەرٸ بٸر بٶلەك» دەمەكشٸ, ەلدٸك مۇرات جولىندا ەلەۋلٸ ەڭبەك ەتٸپ جٷرگەن قايراتكەرلەرٸمٸز ەلٸمٸزدە از ەمەس. ولار مەملەكەت دامۋىنا قىزمەت ەتٸپ, ۇلتتىڭ ۇلت بولىپ ۇيىسۋىنا ەرەكشە ٷلەس قوسىپ كەلەدٸ. بٸر ارتىقشىلىعى, قازٸرگٸ اعا ۇرپاقتىڭ قاتارىنا ەنٸپ جٷرگەن ەل اعالارىنىڭ ماڭدايىنا تەۋەلسٸز ەل اتانعان مەملەكەتتٸڭ اۋىر جٷگٸن ارقالاۋ جازىلدى. بۇل بٸلە بٸلگەن ادامعا – زور باقىت, زٸل باتپان جاۋاپكەرشٸلٸك. كەيبٸر مەملەكەتتٸك تۇلعالار وسى قازاق قوعامىنىڭ اسا اۋىر جاۋاپكەرشٸلٸگٸن يىعىنا ەكٸ ەسە ارتىپ جٷر. ەرينە, ولاردىڭ ەلگە قىزمەت ەتۋدەگٸ باعاسىن بولاشاقتا حالىق بەرەتٸن بولادى. مەزگٸل مٸنبەرٸنەن كٶرٸنگەن تۇلعانىڭ بولمىسىن ايشىقتاۋ – ۋاقىتتىڭ ەنشٸسٸندەگٸ مەسەلە. دەگەنمەن, تەۋەلسٸز قازاقستاننىڭ دامۋىنا بٸلٸم-بٸلٸگٸمەن, اقىل-پاراساتىمەن ٷلەس قوسىپ جٷرگەن ازاماتتار جايىندا جىلى لەبٸز بٸلدٸرگەننٸڭ ايىبى بولماس. بٸز بٷگٸنگٸ تاقىرىپتا اتىراۋ وبلىسىنىڭ ەكٸمٸ نۇرلان نوعاەۆ مىرزانىڭ مەملەكەتشٸلدٸك, ۇلتشىلدىق قاسيەتتەرٸن تٸلگە تيەك ەتكەندٸ جٶن سانادىق.

قاجىرلى ەڭبەگٸنٸڭ ارقاسىندا قىزمەتتە ٶستٸ

نۇرلان اسقارۇلى – قاتارداعى قاراپايىم قىزمەتكەردەن بيٸك دەرەجەلٸ مەملەكەت قىزمەتشٸسٸنە دەيٸنگٸ ەڭبەك جولىنان ٶتٸپ, شىڭدالعان تۇلعا.

تاۋ-كەن ينجەنەرٸ, ەكونوميست ماماندىعىن مەڭگەرگەن ول العاش ەڭبەك جولىن ٶزٸنٸڭ تۋعان جەرٸ اقتٶبە وبلىسى, وكتيابر اۋدانى, قاندىاعاش ستانتسيياسىندا ەلەكترومونتەر بولىپ باستاعان. 1993 – 1995 جىلدارى مەسكەۋدەگٸ «گيلي – پاسكەر» جشس-دە مۇناي ٶنٸمدەرٸ جٶنٸندەگٸ باس ساراپشى, بٶلٸم باستىعى, باس ديرەكتورى قىزمەتتەرٸن اتقارعان. 1995 – 1996 جىلدارى الماتىداعى «وتىرار لتد» شاعىن كەسٸپورنى ديرەكتورىنىڭ ورىنباسارى بولدى. 1996 – 2006 جىلدارى «قازتٷرٸكمۇناي» جشس-نە ينجەنەر بولىپ ورنالاسىپ, بٶلٸم باستىعى, باس ديرەكتورى قىزمەتٸنە دەيٸن ٶستٸ. تٸپتٸ, «قازمۇنايگاز» ۇك» اق اتقارۋشى ديرەكتورى بولدى.

بٸز ول كٸسٸنٸڭ ەڭبەك جولىنا بەكەرگە توقتالىپ وتىرعان جوقپىز. ٶزدەرٸڭٸز كٶرٸپ وتىرعانداي, ول كەيبٸرەۋلەر قۇساپ «ەكە-جەكەنٸڭ» ارقاسىندا بٸردەن جوعارى قىزمەتكە توپ ەتە قالعان جوق. كەرٸسٸنشە, بەرٸن ەڭ تٶمەننەن باستاپ, ٶزٸنٸڭ قارىم-قابٸلەتٸنٸڭ ارقاسىندا قىزمەت باسپالداقتارىمەن ٶسە بٸلدٸ.

2006 جىلى قر ەنەرگەتيكا جەنە مينەرالدىق رەسۋرستار مينيسترلٸگٸ مۇناي ٶنەركەسٸبٸ دەپارتامەنتٸنٸڭ ديرەكتورى بولىپ, ودان كەيٸن بٸر جىلدان سوڭ ەكٸمدٸك قىزمەتكە اۋىستى. 2007 جىلدىڭ قىركٷيەگٸنەن باستاپ باتىس قازاقستان وبلىسى ەكٸمٸنٸڭ ورىنباسارى بولىپ تاعايىندالدى. كەزٸندە تالاي جىل مينيستر, وبلىس ەكٸمٸ, قر پارلامەنتٸ مەجٸلٸسٸنٸڭ تٶراعاسى قىزمەتتەرٸن اتقارعان ٸسكەر باسشى باقتىقوجا سالاحاتدينۇلى ٸزمۇحامبەتوۆتىڭ ورىنباسارى بولدى. قابٸلەتتٸ, مەملەكەتتٸك تەجٸريبەسٸ زور, مىقتى ۇيىمداستىرۋشىنىڭ قاسىندا جٷرٸپ, جاقسى تۇلعانىڭ جاعىمدى قاسيەتتەرٸن بويىنا سٸڭٸرگەن نۇرلان اسقارۇلى 2010 جىلى بقو ەكٸمٸنٸڭ بٸرٸنشٸ ورىنباسارى قىزمەتٸن اتقاردى. جىلدار بويى جيناعان مول تەجٸريبەسٸمەن, ٶزٸنٸڭ جاڭالىققا قۇمارلىعى جەنە تىنىمسىز ەڭبەكقورلىعىنىڭ ارقاسىندا نوعاەۆ اراعا ەكٸ جىل سالىپ باتىس قازاقستان وبلىسىنىڭ ەكٸمٸ بولىپ تاعايىندالدى.

ايماق بيلٸگٸن قولىنا العان كٷننەن باستاپ ٶڭٸردٸڭ دامۋىنا, ەلەۋەتتٸڭ نىعايۋىنا كٶپ كٷش جۇمسادى. ەلباسى تاراپىنان دا, حالىقتان دا لايىقتى باعاسىن الىپ, ٶزٸن ناعىز ٸستٸڭ ادامى, ەرٸنبەيتٸن, جالىقپايتىن, تاباندى قىزمەتكەر ەكەندٸگٸن بايقاتتى.

ونىڭ وسىنداي ەرەكشە قابٸلەتٸن اڭعارعان ەلباسى ەندٸ وعان جاڭا مٸندەت جٷكتەيدٸ. 2016 جىلى قازاقستان مۇنايىنىڭ استاناسى – اتىراۋ وبلىسىنىڭ ەكٸمٸ ەتٸپ تاعايىندايدى. سودان بەرٸ نوعاەۆتىڭ تاعى بٸر تىنىمسىز كٷندەرٸ باستالادى.

جٷرەك جۇتقان ازامات

ايتا كەتەيٸك, اتىراۋ وبلىسى – قازاقستان ٷشٸن ٶتە ماڭىزدى ستراتەگييالىق ايماق بولىپ سانالادى. قازاقستان مۇنايىنىڭ باسىم كٶپشٸلٸگٸ وسى ٶڭٸردەن شىعادى دەسەك, ارتىق ايتقاندىق ەمەس. مۇندا حالىق مۇناي ٶڭدەۋ, بالىق شارۋاشىلىعى, اگرارلىق سەكتور, ت.ب. ٸستەرمەن اينالىسادى.

اتىراۋ وبلىسىن باسقارۋ وڭاي ەمەس. بۇل جاقتىڭ حالقى دا تاسقىن سەكٸلدٸ ٶر رۋحتى, ٶجەت مٸنەزدٸ كەلەدٸ. ٶڭٸردٸڭ وپپوزيتسيياسى دا اناۋ-مىناۋ ەمەس, بۇرىنعى ٸرٸ-ٸرٸ شەنەۋنٸكتەردەن قۇرالعان ٷلكەن توپتار. ولارمەن جۇمىس ٸستەۋ ٶتە كٷردەلٸ.

ەستەرٸڭٸزدە بولسا, نۇرلان نوعاەۆ ايماق تٸزگٸنٸن قولىنا العانىنا بٸر اي ۋاقىت ٶتپەي جاتىپ, اتىراۋدا جەر داۋىنا بايلانىستى العاش بەيبٸت شەرۋ ٶتتٸ. وسىنداي ناعىز سىنالار سەتتە وبلىس ەكٸمٸ كرەسلودا وتىرماي, كەرٸسٸنشە, اشۋعا بۋلىققان مىڭداعان جۇرت اراسىنا كٷزەتسٸز-اق ٶزٸ باتىل كٸرٸپ, حالىققا باسۋ ايتىپ, سابىرعا شاقىردى. ەش كٸسٸلٸگٸ جوق, قاراپايىم, قىزمەتٸن دە, قاجىر-قايراتىن دا حالىققا ارناعان ازامات, مٸنە, وسىنداي-اق بولسىن! نوعاەۆتىڭ بۇل ەرلٸگٸ حالىقتىڭ جادىندا ساقتالىپ, تاريحتا قالاتىنى سٶزسٸز. ەيتپەسە جەرگە بايلانىستى ميتينگتەر ەلٸمٸزدٸڭ ٶزگە ايماقتارىندا دا ورىن الدى. بٸراق دەل نوعاەۆتاي ىزاعا بۋلىققان حالىق اراسىنا ەشقانداي ەكٸم شىعا العان جوق. ول – شىندىق! قايتا كەرٸسٸنشە, وسىنداي قيىن سەتتە كٶپ ەكٸمدەر بۇعىپ قالىپ, اشۋعا مٸنگەن جۇرتتىڭ الدىنا پوليتسييانى ايداپ سالىپ وتىردى. وسى كەزدە حالىق نوعاەۆقا ريزا بولىپ: «ەكٸمدەردٸڭ ٸشٸندەگٸ ناعىز ەر جٷرەك ازامات ەكەن» دەگەن باعا بەردٸ. ەكٸم دەگەن وسىلاي حالىقپەن بٸرگە بولۋى كەرەك. باسقا ەكٸمدەر نەمەسە دەپۋتاتتار اشۋ ٷستٸندە تۇرعان حالىقتىڭ اراسىنا كٸرٸپ, سٶز سٶيلەمەك تٷگٸلٸ, ەكراننان دا باسۋ ايتا الماي, «ەرەۋٸلدٸ ەستٸمەدٸم» دەپ, جۋرناليستەردەن قاشىپ جٷرگەنٸن كٶردٸك. ال نوعاەۆ كٶتەرٸلٸپ كەتۋگە شاق تۇرعان حالىققا باسۋ ايتتى, سابىرعا شاقىردى, تىنىش تارقاتا بٸلدٸ. مٸنە, ناعىز ەلشٸل, مەملەكەتشٸل, حالىقشىل ازامات دەگەندٸ وسىنداي ەكٸمدەرگە قاراتا ايتۋىمىز كەرەك.

قالاي دەسەك تە, نۇرلان نوعاەۆتىڭ ەل ٷشٸن قانداي قادامعا بارسا دا قاجىماي, شارشاماي, شيرىعا جۇمىس ٸستەۋٸ, كٷردەلٸ كەزەڭدەردە قاتەلەسپەي شىدامدىلىق تانىتۋى, تٸپتٸ قيىن ٸستە باتىرعا تەن بايلامعا بارىپ, قول باستاي بٸلۋٸ, العان بەتتەن ايناماي جول باستاي بٸلۋٸ – قازٸرگٸ تٸزگٸن ۇستاعان تالايعا ٷلگٸ بولارلىقتاي زور ەرەكەت. ناعىز حالىقشىل ەكٸمنٸڭ بۇل ٸسٸن باس بارماقپەن باعالاۋىمىز قاجەت.

ەلدٸڭ دە, ەلباسىنىڭ دا كٶڭٸلٸنەن شىعىپ كەلەدٸ

جاسىراتىنى جوق, نوعاەۆ اتىراۋ وبلىسىنا ەكٸم بولىپ كەلگەندە, جەرگٸلٸكتٸ جۇرت جاتىرقاي قاراعانى راس. دەگەنمەن, وندا ول حالىقپەن ەتەنە جۇمىس ٸستەۋدٸڭ ٷزدٸك ٷلگٸسٸن كٶرسەتتٸ. وبلىس ەكٸمٸنٸڭ اتىراۋ ايماعىنا تابانى تيمەگەن جەر قالماعان شىعار. بارعان جەرٸنٸڭ بەرٸندە جەرگٸلٸكتٸ شەنەۋنٸكتەرگە قاتاڭ تالاپ قويىپ, تيٸستٸ تاپسىرمالار بەردٸ. ٶز ٸسٸنە نەمقۇرايلى قاراعان كەيبٸر جەرگٸلٸكتٸ باسشىلاردى سىنعا الىپ, حالىقپەن ەتەنە جۇمىس ٸستەۋگە ٷگٸتتەدٸ. ەسٸرەسە, جەرگٸلٸكتٸ ەكٸمدٸكتٸڭ, ۆەتەرينارييا باسقارماسىنىڭ جۇمىسىنا كٶڭٸلٸ تولمايتىنىن اشىق جەتكٸزدٸ.

بٸر ٶكٸنٸشتٸسٸ, بٸزدەگٸ ەكٸمدەردٸڭ باسىم كٶپشٸلٸگٸ ەلباسى كٶڭٸلٸنەن شىعۋدى عانا ويلاپ, حالىققا جاعىمدى بولۋدى ەكٸنشٸ پلانعا ىسىرىپ قويادى. ال نوعاەۆتىڭ ارتىقشىلىعى سول, ول ەلباسىنىڭ دا, ەلدٸڭ دە كٶڭٸلٸنەن شىعۋدى قاتار الىپ جٷرەدٸ. ەلباسىنىڭ سەنٸمٸنە يە بولعان نوعاەۆتىڭ قازاقستاننىڭ مۇنايلى ٶلكەسٸنە اۋىستىرىلۋىنىڭ تاعى بٸر سەبەبٸ, مەنٸ مٷمكٸن وسىدا جاتقان شىعار, كٸم بٸلسٸن?!

ٶزگە ٶڭٸرلەردٸڭ ەكٸمدەرٸن بەلكٸم قازاندىقتىڭ وتىن-سۋى, قۇبىرلاردىڭ قىرىق بۇراۋى قۇمبىل تولعاندىراتىن شىعار, ال نۇرلان اسقارۇلى سونىڭ بەرٸمەن بٸرگە اتىراۋدىڭ رۋحاني ٶمٸرٸنە, اعارتۋ سالاسىنا, زييالى قاۋىمدى ويلاندىراتىن مەسەلەلەرگە, ت.ب. ەرەكشە مەن بەرەدٸ. ٶيتپەسكە جەنە امال كەم. ٶيتكەنٸ, بٷگٸنگٸ ەكٸم تەك شارۋاشىلىق مەسەلەسٸمەن شەكتەلٸپ قالماۋى تيٸس, مەدەنيەتتەر الماسۋىنداعى جاھاندىق قۇبىلىستاردان ۇلت كەلبەتٸن ساقتاپ قالاتىن ەلدٸك, مەملەكەتتٸك مۇراتتى ٸستەرمەن, ەكٸمشٸلٸكتٸڭ پەرمەنٸن ارتتىراتىن ساياسي جۇمىستارمەن قات-قابات شۇعىلدانۋ قاجەت.

وسى رەتتە قايبٸر جىلى اتىراۋدا الاش قوزعالىسىنىڭ 100 جىلدىعى دٷركٸرەپ اتالىپ ٶتتٸ. وبلىس ەكٸمٸ ۇمىت بولعان الاش قايراتكەرلەرٸنٸڭ ٶمٸرٸ مەن قۇندىلىقتارىن ۇرپاققا ناسيحاتتاۋ مەسەلەسٸنە ەرەكشە نازار اۋداردى. «ٶسكەلەڭ ۇرپاق, جاستار الاش قايراتكەرلەرٸنٸڭ اتتارىن بٸلە بەرمەيدٸ. وسى ٶڭٸردە سول يدەيانى تۋ ەتٸپ ۇستاپ, سول جولدا جانىن پيدا ەتٸپ, قاماۋعا كەتكەن قانشاما ازامات بار. سولاردىڭ اتتارىن شىعارۋىمىز كەرەك. ولار تۋرالى دەرەكتەر ەزٸرگە, ٶكٸنٸشكە وراي, از. بەرٸ «شاڭ باسقان ارحيۆتەردە» جاتىر. سونى تابۋ – بٸزدٸڭ مٸندەتٸمٸز», – دەگەن بولاتىن ن.نوعاەۆ.

مۇنىڭ الدىندا مۇنايلى ٶلكەدە اتىراۋ ٶڭٸرٸنٸڭ تۋماسى, اقيىق اقىن, قر ەنۇرانىنىڭ اۆتورى جۇمەكەن نەجٸمەدەنوۆتٸڭ وقۋلارى ٶتكەن ەدٸ. وندا دا نوعاەۆ ۇلت مەسەلەسٸن كٶتەرٸپ, قازاق قوعامىن ۇلتسىزدانۋدان قورعاۋ كەرەكتٸگٸن جەتكٸزگەن. سول كەزدەگٸ مەلٸمدەمەسٸندە ول: «ارامىزدا دەستٷرٸن, مەدەنيەتٸن ۇمىتىپ بارا جاتقان ازاماتتار بار. بٸز ۇل-قىزدارىمىزدى ۇلتسىزدانۋدان قورعاۋىمىز كەرەك. ال بۇل پروتسەسكە تٶتەپ بەرەتٸن بٸردەن-بٸر جول, ول – رۋحتىڭ بيٸكتٸگٸ. جاستار رۋحقا ازىق بولاتىن حالقىنىڭ مۇرالارىنان ٷنەمٸ نەر الىپ وتىرۋى قاجەت», – دەگەن ەدٸ وبلىس ەكٸمٸ.

تٸل جاناشىرى

ايتا كەتەيٸك, اتىراۋ وبلىسى ەلٸمٸزدٸڭ نەگٸزگٸ ٶنەركەسٸپتٸك ورتالىعى بولعاندىقتان, مۇندا تەك قازاقستاندىق ەمەس, سونىمەن بٸرگە شەتەلدٸك ٸرٸ كومپانييالار دا جۇمىس ٸستەيدٸ. نۇرلان اسقارۇلى وسى كەسٸپورىنداردا جۇمىس ٸستەيتٸن قاراپايىم جۇمىسشىلاردىڭ دا قامىن ويلاپ كەلەدٸ. ول بٸر سٶزٸندە بٷكٸل ەلەمدە مۇناي ٶندٸرۋدٸڭ ازايۋىنا قاراماستان, جۇمىسشىلاردىڭ جاپپاي قىسقارۋعا ۇشىراۋىنا جول بەرۋگە بولمايتىنىن جەتكٸزدٸ. مٸنە, نوعاەۆتىڭ شەتەلدٸك ينۆەستورلارعا قاتىستى وسىنداي باتىل ەرەكەتتەرٸ دە كٶپكە ٷلگٸ بولا الادى.

نۇرلان اسقارۇلى مەملەكەتتٸك تٸلگە دە ٷنەمٸ قامقورلىق تانىتىپ جٷرەدٸ. بٸردە ول نيدەرلاند كورولدٸگٸنٸڭ قازاقستانداعى, تەجٸكستانداعى, قىرعىزستانداعى تٶتەنشە جەنە ٶكٸلەتتٸ ەلشٸسٸ ديرك يان كوپپەن كەزدەسكەندە ورىس تٸلٸندە سٶيلەسۋدەن باس تارتتى. ەكٸم ورىس تٸلٸندە سۇحباتتاسۋدى ۇسىنعان ەلشٸگە «بٸز قازاقستاننانبىز عوي. مىسالى, مەن نيدەرلاند ەلٸنە بارار بولسام, قاسىما گوللاند تٸلٸندە سٶيلەيتٸن اۋدارماشىنى ەرتٸپ اپارامىن, سوندىقتان قازٸر قازاق تٸلٸندە ەڭگٸمەلەسۋگە مٷمكٸندٸگٸڭٸز بولماسا, كەلەسٸدە قازاقشا سٶيلەسۋگە كەلٸسەيٸك», – دەگەن ەدٸ نۇرلان اسقارۇلى.

وسىلايشا وبلىس باسشىسى ايماقتاعى تٸل مەسەلەسٸن دوستىق, سىيلاستىق ارقىلى جولعا قويا بٸلدٸ. ەيتپەسە, وبلىس ەكٸمٸ بٸر ەمەس, بٸرنەشە تٸل بٸلەتٸنٸن جۇرتشىلىق بٸلەدٸ. ول ورىس, تٷرٸك, اعىلشىن تٸلدەرٸن جەتٸك مەڭگەرگەن. ٸلگەرٸدەگٸ بٸر سۇحباتىندا نۇرلان اسقارۇلى تٸلگە قاتىستى بىلاي دەپتٸ: «تٸل – حالىقتىڭ جانى. سوندىقتان بۇل باعىتتا ادامنىڭ قانىن قوزدىرار, جانىن تەبٸرەنتەر قىزۋ ەڭگٸمەلەر جٷرۋٸ, ەلبەتتە زاڭدى. اقىن قادىر مىرزا ەليدٸڭ «انا تٸلٸڭ – ارىڭ بۇل, ۇياتىڭ بوپ تۇر بەتتە. ٶزگە تٸلدٸڭ بەرٸن بٸل, ٶز تٸلٸڭدٸ قۇرمەتتە!» دەگەن ۇلاعاتى ٶز ماڭىزىن ەشقاشان جويمايدى. بٸراق تٸل ەسٸرەقىزىل ساياساتتىڭ «ەپەرباقان» قۇرالىنا اينالماۋى تيٸس. بەرەكەلٸ ەل بولسا, باسىمىزدا – باياندى باعىمىز, قوعامىمىزدا – تۇراقتى تٸرلٸگٸمٸز تۇرسا, بەرٸن دە بٸرٸگٸپ اتقارۋعا بولارىنا ەلدٸڭ كٶزٸ ەندٸگٸ جەردە جەتتٸ. اباي اتامىز «سٶز تٷزەلدٸ, تىڭداۋشىم, سەن دە تٷزەل» دەپ ايتقانداي, ەندٸگٸ مەسەلە – سول انا تٸلٸمٸزدٸڭ ۇلى كٶشكە ٸلەسٸپ, قاتاردان قالماي, العا وزۋىندا. بۇل – بارشامىزدىڭ ٸسٸمٸز…».

9 جاسار بٷلدٸرشٸنگە ٶمٸر سىيلادى

نۇرلان اسقارۇلىنىڭ تاعى بٸر ەرەكشەلٸگٸ, ول قايدا جٷرسە دە ەل-جۇرتقا, ەسٸرەسە, مۇقتاج جاندارعا قولىنان كەلگەنشە كٶمەك بەرٸپ جٷرەدٸ. ونىڭ جەرگٸلٸكتٸ تالانتتارعا, اقىن-جازۋشىلارعا كٶپ قامقورلىق جاساعانىن تالاي ەستٸپ جٷرمٸز. بٸز ونىڭ بەرٸن قايتالاماي-اق, تەك ٶزٸمٸز كۋە بولعان بٸر وقيعانى جەتكٸزگٸمٸز كەلەدٸ. وسىدان بٸراز ۋاقىت بۇرىن كٸشكەنتاي تۋىسىمىز دتسپ دياگنوزىمەن اۋىرىپ, قوسىمشا ەپيلەپتسيياعا شالدىققان كەزدە, ونى ەمدەتۋگە قاراجات تاپپاي, قاتتى قينالعان سەتتەر بولدى. وعان شۇعىل كٶمەك قاجەت. ەر سەت قىمبات. وسىنداي قىسىلتاياڭ كەزدە 9 جاسار بٷلدٸرشٸنگە ٶمٸر سىيلاعىسى كەلەتٸن مەيٸرٸمدٸ جاندار ٸزدەي باستادىق. بٸر كٶمەكتەسسە, نۇرلان اسقارۇلى جەردەم ەتەر دەگەن نيەتپەن ول كٸسٸگە ارنايى حات جازعان بولاتىنبىز. جاس بٷلدٸرشٸننٸڭ ٶمٸرٸنە اراشا تٷسەر دەگەن سەنٸمٸمٸزدٸ ول كٸسٸ جەرگە تاپتاعان جوق. قايتا كەسٸپكەرلەرگە شىعىپ, مٷمكٸندٸك بولعانشا كٶمەكتەسۋٸن سۇرادى. وسىدان كەيٸن كەسٸپكەرلەر بٸزگە بەس مىڭ دوللار بەرٸپ, بٷلدٸرشٸننٸڭ ەمدەلۋٸنە زور مٷمكٸندٸك جاسادى. نۇرلان اسقارۇلىنىڭ بۇل جاقسىلىعىنا ايتار العىسىمىز شەكسٸز. ەسٸرەسە, جاس بٷلدٸرشٸننٸڭ اناسى ول كٸسٸنٸڭ كٶمەگٸنە قاتتى ريزا بولىپ, جىلاپ جٸبەردٸ. نۇرلان نوعاەۆتىڭ بۇل جاقسىلىعى ەشقاشان ۇمىتىلمايدى. جٷرەكتە مەڭگٸ ساقتالادى.

ەرينە, نوعاەۆ ەل-جۇرتقا جاساعان جاقسىلىعىن كٶپكە ايتقاندى قالامايدى. ٶيتكەنٸ, جاقسىلىقتىڭ بەرٸ جاسىرىن جاسالعانى ابزال. دەگەنمەن, «جاقسىنىڭ جاقسىلىعىن ايت – نۇرى تاسىسىن» دەگەن حالىق دانالىعىن ەسكەرە وتىرىپ, ول كٸسٸنٸڭ وسى بٸر قايىرىمدى ەرەكەتٸن ايتا كەتكەندٸ جٶن سانادىق.

قازاق رۋحانيياتىنىڭ قامقورشىسى

بٷگٸندە ەلۋدٸ ەڭسەرگەن اعامىزعا وبلىس ەكٸمٸ دەگەن ابىرويلى قىزمەتتٸ اتقارۋ ماقتانىش قانا ەمەس, مٸندەت پەن جاۋاپكەرشٸلٸك سەزٸمٸن دە سىيلايتىنى انىق. ەرٸ نوعاەۆ بۇل ورىنتاق ميسسيياسىن ٶز دەڭگەيٸندە اتقارىپ كەلەدٸ. سول سەبەپتەن شىعار, ۇلت رۋحانيياتىنا ەتەنە جاقىن شەنەۋنٸك رەتٸندە ول زييالى قاۋىم اراسىندا ورىندى ماداققا جيٸ ۇشىراپ جاتادى… قالاي دەگەنمەن دە, قازاق رۋحانيياتى ٷشٸن قابىرعاسى قايىساتىن اتقامٸنەرلەر اراسىندا ن.اسقارۇلىنىڭ تۇلعاسى بٸر تٶبە…

بٸر سٶزبەن ايتقاندا, اتىراۋ وبلىسىنا نۇرلان نوعاەۆ ەكٸم بولىپ كەلگەلٸ ايماقتىڭ ەر سالاسىندا ٸلگەرٸلەۋ بار. ٶنەركەسٸپ سالاسى, بالىق شارۋاشىلىعى, ازاماتتاردى باسپانامەن قامتۋ مەسەلەسٸ دە جىلدان-جىلعا جاندانىپ كەلەدٸ. مەملەكەتتٸك باعدارلامالار دا تالاپقا ساي ورىندالىپ وتىر. پرەزيدەنت تاپسىرمالارىن تىڭعىلىقتى ورىنداپ, حالىقتىڭ كٶڭٸلٸنەن شىعا بٸلگەن, مۇنايلى ٶلكەنٸڭ دامۋىنا زور ٷلەس قوسىپ كەلە جاتقان مۇنداي باسشىنى قالاي ماقتامايسىڭ? ول ەلٸ ٷشٸن ايانباي تەر تٶگٸپ, ٶزٸنە ارتىلعان ٷمٸتتٸ ابىرويمەن اتقارىپ كەلەدٸ. نۇرلان نوعاەۆ باسقالاردان وسى قاسيەتٸمەن ەرەكشەلەنٸپ تۇر.

PS: جوعارىدا ايتقانىمىزداي, اتىراۋ وبلىسىن باسقارۋ ەكٸنٸڭ بٸرٸنٸڭ قولىنان كەلە بەرمەيتٸن ٶتە كٷردەلٸ شارۋا. ەگەر نۇرلان اسقارۇلى وسى سىناقتان جاقسى ٶتەتٸن بولسا, وندا ونىڭ بولاشاعى بەكەم, كەلەشەگٸ كەمەل بولماق. ٶيتكەنٸ, كٶپ ساياساتكەرلەردٸڭ ايتۋىنشا, اتىراۋ وبلىسى ەكٸمٸ لاۋازىمى قىزمەتتٸك باسپالداقتا ٶسۋگە زور مٷمكٸندٸك بەرەتٸن تابىستى ورىن سانالادى ەكەن. كەزٸندە بۇل لاۋازىمدى قازاققا جاقىن تۇلعا يمانعالي تاسماعامبەتوۆ ابىرويمەن اتقارىپ, مەرتەبەسٸ بيٸكتەدٸ. ەل اراسىندا ساياسي سالماعى مەن تانىمالدىعى ارتتى. اسلان مۋسين دە وسى ورىننان جوعارىلاپ, پرەزيدەنت ەكٸمشٸلٸگٸنٸڭ باسشىسى قىزمەتٸنە دەيٸن ٶستٸ. باقتىقوجا ٸزمۇحامبەتوۆ تە مەجٸلٸس سپيكەرٸنە دەيٸن كٶتەرٸلدٸ.

قانداي لاۋازىم بولماسىن بٸز نۇرلان اسقارۇلىنىڭ قىران قۇستاي سامعاپ, بيٸكتەردەن كٶرٸنە بەرۋٸنە تٸلەكتەسپٸز. ٶيتكەنٸ, ونىڭ ەلگە بەرگەنٸنەن ەلٸ بەرەرٸ كٶپ. اتقاراتىن يگٸ ٸستەرٸ ەلٸ الدا دەپ سانايمىز. ەڭبەگٸڭٸز جانىپ, ابىروي بيٸگٸنە كٶتەرٸلە بەرٸڭٸز, جاقسى اعا!!!    

سەرٸك جۇماباەۆ,

قازاقستان رەسپۋبليكاسى جۋرناليستەر وداعىنىڭ مٷشەسٸ