بٷگٸن «قازمەديا» ورتالىعىندا قر اقپارات جەنە كوممۋنيكاتسييالار مينيسترلٸگٸ القا مەجٸلٸسٸنٸڭ كەڭەيتٸلگەن وتىرىسىندا قوعام قايراتكەرٸ مىرزاتاي جولداسبەكوۆ حالىق نازارىنا ۇسىنىلاتىن ٶنەر تۋىندىلارىنىڭ ساپاسىن سىناپ, كٶرەرمەننٸڭ تالعامى تايازدانىپ بارا جاتقانىن ايتتى, دەپ حابارلايدى "ۇلت اقپارات" Baq.kz پورتالىنا سٸلتەمە جاساپ.
«1972 جىلى عابيدەن مۇستافين 70 جاسقا تولدى. سٶيتٸپ, ماعان بٸر تاپسىرما بەرٸلٸپ, «قازاقستان» تەلەۆيدەنيەسٸندە عابيدەن اعامدى قاسىما الىپ, 1 ساعات 15 مينۋت حابار جٷرگٸزدٸم. سوندا اعامىزدىڭ «شىراقتارىم, بٸز ۇلتشىلدىقپەن الىستىق, سەندەر ەندٸ ۇلتسىزدىقپەن كٷرەسەسٸڭدەر!» دەگەن سٶزدەرٸ قۇلاعىمدا قالىپتى. بۇل ٶتە تەرەڭ سٶز. بٸز قانشا دامىدىق دەپ, كٶكٸرەك كەرٸپ, ماقتانعانىمىزبەنەن, ۇلتتىڭ تاريحىن, قاسيەتٸن, دەستٷرٸن, ەدەت-عۇرپىن ساقتاي الماساق, وندا بۇل مەملەكەت كٸمدٸكٸ بولماق?», - دەدٸ جيىن بارىسىندا سٶز العان مىرزاتاي اعا.
وسى ورايدا ول ۇلتتىق قۇندىلىقتارىمىزدى ناسيحاتتاۋ اقپارات جەنە كوممۋنيكاتسييا مينيسترلٸگٸنە جٷكتەلگەن ٷلكەن مٸندەت ەكەنٸن العا تارتتى. جەنە ولاردىڭ ەكراندارىمىزدان, ەفيرلەرٸمٸزدەن شەتتەتٸلۋٸ كٶرەرمەن تالعامىن تٶمەندەتەتٸنٸن باس ايتتى.
«جاسىرىپ-جاباتىنى جوق, كەيٸنگٸ كەزدەرٸ وسى قۇندىلىقتارىمىزدىڭ ٶزٸ ەكراندارىمىزدان, ەفيرلەرٸمٸزدەن شەتتەڭكٸرەپ قالىپ جاتىر. مۇنىڭ ورنىنا, كەيدە ەستٸگەندە قارنىم اشادى, كەشەگٸ ماعجاننىڭ, ٸليياستىڭ, اسقاق قاسىم امانجولوۆ سىندى اعالارىمىزدىڭ ٶلەڭدەرٸنەن گٶرٸ, اقان سەرٸ مەن بٸرجاننىڭ ەندەرٸنەن گٶرٸ, حالىقتىڭ اسىل ەندەرٸنەن گٶرٸ, ميياۋلاعان, ادام نە سٶزٸن, نە ەنٸن تٷسٸنبەيتٸن ەندەردٸڭ قاپتاپ كەلە جاتقانى مەنٸ قاتتى ويلاندىرادى», - دەدٸ قوعام قايراتكەرٸ.
