قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ الماتىدا وتالعان اعاشتارعا قاتىستى پٸكٸر بٸلدٸردٸ, دەپ حابارلايدى "ۇلت اقپارات".
«كەشە بٸز الماتىدا اعاشتاردى جابايىلىقپەن كەسۋ فاكتٸسٸنە كۋە بولدىق. وقيعانىڭ قوعام اشۋىن تۋدىرۋى ورىندى. مۇنداي جاعدايلارعا جول بەرۋگە بولمايدى!
قازٸر ەلٸمٸز بويىنشا اتموسفەرالىق اۋانىڭ احۋالىن جاقسارتۋ بويىنشا ٷلكەن جۇمىس جٷرگٸزٸلٸپ جاتىر, ەكوكودەكس قابىلدانىپ جاتىر, پرەزيدەنت 2 ملرد-تان استام اعاش ەگۋگە تاپسىرما بەردٸ. قاۋىم بولىپ جۇمىلىپ, بٸر ماقسات جولىندا جۇمىس ٸستەپ جاتقاندا, زاڭسىز اعاش كەسۋ جاعدايى تٸپتەن ورىنسىز», - دەدٸ ماعزۇم مىرزاعاليەۆ .
مينيستر بيىل مەملەكەت باسشىسىنىڭ تاپسىرماسىمەن اعاش كەسۋگە قاتىستى جاۋاپكەرشٸلٸكتٸ ارتتىرۋ بويىنشا زاڭعا ٶزگەرٸستەر ەنگٸزٸلگەنٸن اتاپ ٶتتٸ.
«ونىڭ ٸشٸندە, 1 اعاش كەسٸلسە, ورنىنا 10 اعاش ەگۋ ٶتەماقىسى ەنگٸزٸلدٸ, ايىپپۇل كٶلەمٸ ەكٸ ەسە ارتتى. تابيعي رەسۋرستارىمىزعا ۇقىپتى قاراۋعا شاقىرامىن. بٸر اعاش جايقالىپ ٶسۋٸ ٷشٸن ونداعان جىلدار كەرەك. كەلەشەگٸمٸز بٸزدٸڭ ەكولوگييالىق مەدەنيەتٸمٸزدٸڭ دەڭگەيٸنە تٸكەلەي بايلانىستى», - دەدٸ ماعزۇم مىرزاعاليەۆ.
بۇدان بۇرىن پرەزيدەنت قاسىم-جومارت توقاەۆ تا الماتى قالاسى تٶلە بي كٶشەسٸندەگٸ اعاشتاردىڭ وتالعانىنا قاتىستى جاعدايعا نازار اۋدارعان ەدٸ.
ەسكە سالا كەتسەك, 23 قاراشادا تٷندە الماتىدا ساۋدا ٷيٸنٸڭ جانىنداعى جايقالعان ەمەن مەن قاراعاش وتالدى. بۇل تۋرالى تۇرعىندار ەلەۋمەتتٸك جەلٸدە نارازىلىق بٸلدٸردٸ.
«قازٸر اۋدان ەكٸمدٸگٸ مەن پوليتسييا دەپارتامەنتٸ كەسٸلگەن اعاشتاردىڭ تۇقىمى مەن ساپاسىن انىقتاۋ ٷشٸن وقيعا ورنىندا جۇمىس ٸستەپ جاتىر. ايىپتى تۇلعالار انىقتالعان سوڭ پوليتسييا دەپارتامەنتٸ ولاردى جاۋاپكەرشٸلٸككە تارتادى. تولىعىراق اقپاراتتى انىقتاۋ جۇمىستارى اياقتالعان سوڭ جارييالايمىز», - دەپ مەلٸم ەتتٸ قالا ەكٸمدٸگٸ.
كەيٸن الماتى قالالىق جاسىل ەكونوميكا باسقارماسى ساۋدا ٷيٸنٸڭ الدىنداعى اعاشتاردىڭ جاپپاي كەسٸلۋٸنٸڭ مەن-جايىن انىقتادى. Sulpak مەردٸگەرلەرٸ - «ساكۋرا» جك ديرەكتورى ا.چەرتيحيناعا 55 560 تەڭگە ايىپپۇل سالىنىپ, «بٶرٸبەكوۆا» جك-نە 83 340 تەڭگەگە ەكٸمشٸلٸك حاتتاما تولتىرىلدى.
سونداي-اق, الماتى پروكۋراتۋراسى «Sulpak» دٷكەنٸنە ٸرگەلەس اۋماقتى اباتتاندىرۋ كەزٸندە جەكە كەسٸپكەردٸڭ اعاشتى زاڭسىز كەسۋٸن تەكسەرۋگە كٸرٸستٸ.
