قازاقستاننىڭ ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ اتىراۋداعى مۇناي گاز سالاسىن دامىتۋ جٶنٸندەگٸ كەڭەسكە قاتىستى, دەپ حابارلايدى "ۇلت اقپارات" مينيسترلٸكتٸڭ باسپاسٶز قىزمەتٸنە سٸلتەمە جاساپ.
شارا بارىسىندا مينيستر رەسپۋبليكاداعى مۇناي-گاز شارۋاشىلىعىنداعى نەگٸزگٸ ەكولوگييالىق پروبلەمالاردى, سونداي-اق ولاردى تٶمەندەتۋ جوسپارى تۋرالى باياندادى. كەڭەسكە قازاقستان پرەزيدەنتٸ قاسىم-جومارت توقاەۆ تا قاتىستى.
مەسەلەن, مينيستر م. مىرزاعاليەۆتٸڭ ايتۋىنشا, نەگٸزگٸ ەكولوگييالىق پروبلەمانىڭ بٸرٸ – ماڭعىستاۋ وبلىسىنداعى ەدەۋٸر جيناقتالىپ قالعان مۇناي قالدىعى.
«بۇل پروبلەما ونداعان جىل بويى شەشٸلمەي كەلەدٸ. وسىدان ٷش اپتا بۇرىن مينيسترلٸك پەن قازمۇنايگاز اراسىندا مەموراندۋمعا قول قويىلىپ, وعان سەيكەس, قازمۇنايگاز قالدىقتاردى 2030 جىلعا دەيٸن قايتا ٶڭدەۋگە مٸندەتتەلدٸ», - دەدٸ ەكولوگييا مينيسترٸ.
كٶكجيدە كەن ورنىنداعى جەراستى سۋلارىن لاستاۋعا جول بەرمەۋ – مينيسترلٸك موينىنداعى تاعى بٸر پروبلەما.
«كٶكجيدە كەنورنى – بٸرەگەي جوبا. ول باتىس ٶڭٸردەگٸ حالىقتىڭ قاجەتتٸلٸگٸن ٶتەي الادى. 1983 جىلدىڭ ٶزٸندە-اق مۇنداعى تەۋلٸكتٸك سۋ قورىنىڭ مٶلشەرٸ 196 مىڭ م3 ەكەنٸ تۇجىرىمدالعان. قازٸرگٸ ۋاقىتتا كەن ورنى اۋماعىندا 8 كٶمٸرسۋتەك شيكٸزاتىن ٶندٸرۋشٸ قارقىندى جۇمىس ٸستەۋدە. اۋىز سۋدىڭ تاماشا كٶزٸن لاستاپ الۋ قاتەرٸ بار», - دەدٸ مينيستر.
وسىعان وراي, ٷكٸمەت كٶكجيجەنٸ زەرتتەۋگە قارجى بٶلٸپ وتىر.
م.مىرزاعاليەۆتٸڭ ايتۋىنشا, ٷش جىل ٸشٸندە جەراستى سۋ قورىن باعالاۋ جٷرگٸزٸلٸپ, كەن ورنىنىڭ سۇلباسى ناقتىلانادى, ەكولوگييالىق اۋىرتپالىق تا ەسەپتەلەدٸ.
«مينيسترلٸك سونداي-اق مۇناي وپەراتسييالارىن باقىلاۋ مەن مونيتورينگٸلەۋدٸ كٷشەيتەدٸ», دەدٸ ول.
تاعى بٸر ەكولوگييالىق مٸندەت – اينالىمدى سۋمەن قامتاماسىز ەتۋ.
«مۇناي كومپانييالارىنىڭ ورتاشا اينالىمدى سۋمەن قامتاماسىز ەتۋ دەڭگەيٸ 30-40%. بٸز 2025 جىلعا قاراي بۇل كٶرسەتكٸشتٸ 70%-كە جەتكٸزۋ ماقساتىن قويىپ وتىرمىز.
سٸزدٸڭ تاپسىرماڭىز بويىنشا وسى جەنە ٶزگە دە ەكولوگييالىق مەسەلەلەردٸ شەشۋ ٷشٸن جاڭا ەكولوگييالىق كودەكس ەزٸرلەنٸپ جاتىر. قازٸرگٸ ۋاقىتتا ول جۇرتشىلىق اراسىندا تالقىلانۋدا. جىل سوڭىندا ونى پارلامەنتكە ەنگٸزەمٸز», - دەدٸ مينيستر.
