بوكستان قازاقستان ۇلتتىق قۇراماسىنىڭ باس باپكەرٸ مىرزاعالي ايتجانوۆ يندونەزييادا ٶتكەن ازييا ويىندارىنىڭ قورىتىندىسى بويىنشا ٶز پٸكٸرٸن بٸلدٸردٸ, دەپ حابارلايدى قازاقپارات.
«ۇلتتىق قۇرامانىڭ باسى-قاسىندا جٷرگەننەن كەيٸن, سپورتشىلاردىڭ قانداي جاعدايدا ەكەنٸن بەرٸن بٸلەمٸن. جٸگٸتتەرٸمٸز ٶتە جاقسى دايىندالدى. قانشا تەر تٶگٸلدٸ, بٸراق ەڭبەك اقتالمادى. بۇنىڭ كٶپ سەبەپتەرٸ بار. سول سەبەپتەردٸڭ كٶبٸسٸ تٶرەشٸلەر تاراپىنان بولدى. ۇلتتىق قۇرامانىڭ ەربٸر مٷشەسٸ, ياعني جەتٸ سالماقتىڭ بارلىعى جاقسى دايىندىقپەن باردى. مىسالى, 2014 جىلى ازييا ويىندارىندا بٸزدٸڭ ۇلتتىق قۇراما التى التىن مەدال الدى. ەدٸل تٶرەشٸلەر بولعاندا ٷنەمٸ بوكستان بەس التىن مەدالدان كەم العان ەمەسپٸز», - دەپ توقتالدى م. ايتجانوۆ.
ونىڭ سٶزٸنە قاراعاندا, ازييا ويىندارىنا قازاقستان بوكسشىلارى كەم دەگەندە 2 التىن مەدال الۋ جوسپارىمەن بارعان.
«بٸز قانشا تىرىسقانىمىزبەن, اياقتان شالاتىن ادامدار بولدى. بۇل جاعداي بٸرٸنشٸ كٷننەن باستاپ كٶرٸندٸ. وسىنداي كەلەڭسٸز جاعدايلارعا مويىماي, العا جىلجۋ كەرەك», - دەدٸ باس باپكەر.
ايتا كەتەيٸك, ازيادا فينالىندا جۇدىرىقتاسقان اسلانبەك شىمبەرگەنوۆ (69 كەلٸ) پەن ەبٸلحان امانقۇل (75 كەلٸ) تٶرەشٸلەر شەشٸمٸمەن جەڭٸلٸس تاپتى. كٶپشٸلٸك ماماندار مەن جانكٷيەرلەر قازاق بوكسشىلارىنا قييانات جاسالعانىن ايتۋدا. ەكٸ بوكسشى دا فينالدا التىنعا لايىقتى ٶنەر كٶرسەتكەن بولاتىن.
ەسكە سالساق, ازييا ويىندارىندا قازاقستان قۇراماسى 15 التىن, 17 كٷمٸس جەنە 44 قولا مەدال الىپ (بارلىق مەدالدار سانى - 76), جالپى رەيتينگتە توعىزىنشى ورىننان كٶرٸنگەن بولاتىن.
