بوكستان قازاقستان ۇلتتىق قۇراماسىنىڭ باس باپكەرٸ يندونەزييادا ٶتٸپ جاتقان ازيادا اياسىنداعى جەكپە-جەكتەر تۋرالى ٶز ويىمەن بٶلٸسٸپ, شاعىن سۇحبات بەردٸ.
- مىرزاعالي قۇلانۇلى, ازييا ويىندارىنداعى بوكسشىلارىڭىزدىڭ اياق الىسى قالاي?
- مەن ٶزٸم باپتايتىن ەرلەر قۇراماسىنان جەتٸ بوكسشىعا ٷمٸت ارتىپ, دجاكارتاعا الىپ كەلدٸم. سول جەتەۋدٸڭ التاۋى جارىس جولىندا. كەشە, بٸر بوكسشىمىز قايرات ەراليەۆ قانا جارىس جولىنان شىعىپ قالدى. قالعان التى بوكسشى شيرەك فينالعا ٶتتٸ. ونى ٶزدەرٸڭٸز دە بايقاپ, كٶرٸپ وتىرعان بولارسىزدار.
- قايرات قاي جەردە مٷلت كەتتٸ?
- ٶز شەكٸرتٸمنٸڭ جەكپە-جەگٸنە كٶڭٸلٸم تولدى. ول كەشە جامان جۇدىرىقتاسقان جوق. بارىنشا ەل نامىسىن ابىرويمەن قورعاۋعا تىرىستى. قارسىلاسىنان ٷش راۋند بويى باسىم بولدى. ٶكٸنٸشكە قاراي, تٶرەشٸلەر شەشٸمٸ باسقاشا بولدى. ارتىنان وسىندا جٷرگەن ەرٸپتەستەرٸمٸز قايراتقا قييانات جاسالعانىن ايتىپ جاتتى. قىتاي, جاپون سپورتشىلارى دا, باپكەرلەرٸ دە بٸزگە قايراتتىڭ قارسىلاسىنىڭ جەڭٸسٸنە كٷمەنمەن قاراعانىن ايتتى. بٸراق, ول دا وسال بوكسشى ەمەس, ەلەم چەمپيوناتىنىڭ قولا جٷلدەگەرٸ, ازييا چەمپيوناتىنىڭ جەڭٸمپازى. وليمپيادا ويىندارىندا ٶنەر كٶرسەتٸپ جٷرگەن بوكسشى. كەزٸندە سەرٸك سەپيەۆكە, باقتييار ارتاەۆقا دا وسىنداي قىسىمدار جاسالعان بولاتىن. بٸراق, ولار سول تٶرەشٸلەردٸڭ قيياناتىنان قيراپ قۇلاپ كەتكەن جوق. ارتىنان تالاي بيٸكتەردٸ باعىندىردى. وليمپيادا چەمپيونى بولدى. سوندىقتان, بٸر سەتسٸزدٸككە بولا بٸز مويىنسۇنايىق دەپ تۇرعان جوقپىز. قايرات ەلٸ وتىزعا دا تولعان جوق. الار اسۋى ەلٸ الدا دەپ سەنەمٸن. بٸزدە وليمپيادا, ەلەم چەمپيوندارى ساناۋلى عانا. سول ساناۋلى بوكسشىلاردىڭ بٸرٸ وسى - قايرات ەراليەۆ.
- ٶزگە جٸگٸتتەرٸمٸزدٸڭ جەكپە-جەگٸنە قالاي باعا بەرەسٸز?
- بارلىق بوكسشىلار ٶتە جاقسى دايىندىقپەن كەلدٸ. العاشقى جەكپە-جەكتەرٸن جەڭٸسپەن باستاپ, شيرەك فينالعا شىقتى. ەندٸ, بٸر-ەكٸ قادامىن سەتتٸ ٶتسە, ارى قاراي مەدالعا دا قول جەتكٸزەمٸز. سول ٷشٸن قالعان بوكسشىلاردىڭ دايىندىعىمەن جۇمىسىمىزدى جالعاستىرىپ جاتىرمىز.
- بۇيىرسا نەشە التىن الامىز دەپ جوسپارلاپ وتىرسىزدار?
- وسىعان دەيٸن جوسپارىمىزدى ايتقان بولاتىنمىن. بۇل - ازييا ويىندارى, «سارىقۇرلىقتىڭ» كٸل مىقتىلارى جينالعان دودا. سوندىقتان وسال قارسىلاستار جوق. بۇيىرتقانىن الامىز. ۋاقىتىندا كٶرە جاتارسىزدار...
- ەڭگٸمەڭٸزگە راحمەت!
