بوكستان قازاقستان كومانداسى ازييا ويىندارىنىڭ تاريحىندا تۇڭعىش رەت التىنسىز قالدى. بٷگٸن فينالدا جۇدىرىقتاسقان ەكٸ بوكسشىمىز دا كٷمٸستٸ قاناعات تۇتقان بولاتىن. وسى ورايدا, ۇلتتىق قۇرامانىڭ باس باپكەرٸ مىرزاعالي ايتجانوۆ Olympic.kz سايتىنا سۇحبات بەرٸپ, جەڭٸلٸستٸڭ سەبەبٸن تٷسٸندٸردٸ.
«ازييا ويىندارىنا بەس جٷلدە الامىز دەپ كەلگەنبٸز. وعان شامامىز دا جەتەتٸن ەدٸ. الايدا, تىم تٶمەن نەتيجە كٶرسەتٸپ وتىرمىز. ەر ەل ٶز سپورتشىسىن قورعايدى. سول سەبەپتٸ, بٸر ەلدٸڭ سوڭىنا تٷسٸپ العانىمىز دۇرىس بولماس. جٸگٸتتەر بار كٷشٸن سالدى, ولارعا ايتارىم جوق. كٶپتەگەن كەدەرگٸلەر مەن كەلەڭسٸز جايتتار ورىن الىپ وتىر. فينالعا دەيٸن ٷش بوكسشىمىزدىڭ جولىن كەسكەن. ەندٸ, مٸنە, ەكٸ جٸگٸتٸمٸزدٸڭ التىنىن تارتىپ الدى. سابىر قىلعاننان باسقا امال جوق.
جالپى, بٸزگە شارشى الاڭداعى قارسىلاستارمەن عانا ەمەس, باسقالارمەن دە كٷرەسۋگە تۋرا كەلدٸ. قايرات ەرەليەۆتٸ الىپ تاستاعاننان كەيٸن-اق, قيىن سوعارىن سەزدٸم. تٸپتٸ, ازييا ويىندارىنا اتتانار كەزدە دە بۇل بەلگٸلٸ بولعان. سەبەبٸ, بٸزدٸڭ بٸر ٶكٸلٸمٸز جوق. قازاقستاندىق تٶرەشٸلەر دە الىنباعان. سوندىقتان, ازييا ويىندارىندا ساياسات جەڭدٸ.
اسلانبەك شىمبەرگەنوۆكە جوق جەردەن ەسكەرتۋ بەرٸپ, ۇپايىن الىپ تاستادى. بوكسشىعا ٷش-تٶرت رەت اۋىزشا ەسكەرتۋ بەرٸلگەن سوڭ عانا, ۇپايىن الىپ تاستاۋشى ەدٸ. بۇل جولى بٸردەن...
جٸگٸتتەرگە ايتار ٶكپەم جوق. بار كٷشٸن سالدى», - دەدٸ مىرزاعالي ايتجانوۆ.
ەسكە سالا كەتەيٸك, بٷگٸن ازيادا فينالىندا جۇدىرىقتاسقان اسلانبەك شىمبەرگەنوۆ (69 كەلٸ) پەن ەبٸلحان امانقۇل (75 كەلٸ) تٶرەشٸلەر شەشٸمٸمەن جەڭٸلٸس تاپتى.
كٶپشٸلٸك ماماندار مەن جانكٷيەرلەر قازاق بوكسشىلارىنا قييانات جاسالعانىن ايتۋدا. ەكٸ بوكسشى دا فينالدا التىنعا لايىقتى ٶنەر كٶرسەتكەن بولاتىن.
