قازاقستاندا مۋزەيلەر مەن كٸتاپحانالارعا تابىس تابۋعا مٷمكٸندٸك بەرٸلەدٸ. بۇل تۋرالى سەناتتىڭ جالپى وتىرىسىندا قر مەدەنيەت جەنە سپورت مينيسترٸ اقتوتى رايىمقۇلوۆا ايتتى, دەپ حابارلايدى "ۇلت اقپارات".
«قولدانىستاعى «مەدەنيەت تۋرالى» زاڭدا مۋزەيلەر مەن كٸتاپحانالار ٸسكە اسىرۋعا قۇقىلى اقىلى قىزمەت تٷرلەرٸنٸڭ تٸزٸمٸ جەنە ولاردان پايدا تابۋ تەرتٸبٸ قاراستىرىلعان. تٸزٸم سول كەزدە مەملەكەتتٸك مەكەمە نىسانىندا جۇمىس ٸستەگەن كٸتاپحانالار مەن مۋزەيلەرگە قۇقىق بەرۋ ٷشٸن زاڭعا ەنگٸزٸلگەن بولاتىن. بيۋدجەت زاڭناماسىنىڭ تالاپتارىنا سەيكەس, ەگەر اقىلى قىزمەتتەر قۇقىعى سالالىق زاڭداردا كٶزدەلمەسە, كوممەرتسييالىق ەمەس بولىپ تابىلاتىن مەملەكەتتٸك مەكەمەلەردٸڭ نىسانىندا قۇرىلعان ۇيىمداردىڭ بۇنداي قىزمەتكە قۇقىعى جوق», - دەدٸ «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە مەدەنيەت مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» قر زاڭىنىڭ جوباسى جٶنٸندە بايانداما جاساعان مينيستر.
الايدا, ونىڭ ايتۋىنشا, بٷگٸنگٸ كٷنٸ قازاقستاننىڭ كٶپتەگەن مۋزەيلەرٸ مەملەكەتتٸك كەسٸپورىندارعا اينالعان. وسى ورايدا, قولدانىستاعى زاڭدا مۋزەيلەر مەن كٸتاپحانالارعا تابىس تابۋعا مٷمكٸندٸك بەرەتٸن نورما كەسٸپورىنداردىڭ اقىلى قىزمەتتەر كٶرسەتۋ اياسىن شەكتەپ وتىر.
«وسىعان وراي زاڭ جوباسىندا وسى نورمانىڭ قولدانىلۋىن مەكەمەلەر تٷرٸندە قۇرىلعان ۇيىمدارعا عانا قولدانۋ ۇسىنىلىپ وتىر. كەسٸپورىندار «مەملەكەتتٸك مٷلٸك تۋرالى» زاڭىنىڭ تالاپتارىنىڭ اياسىندا ٸسكە اسىراتىن بولادى. سونىمەن قاتار, وسى زاڭ جوباسى اياسىنداعى ەڭ ماڭىزدى نورمالاردىڭ بٸرٸ, ول مەملەكەت جٷز پايىز قاتىساتىن ۇيىمداردى جەكەشەلەندٸرۋگە تىيىم سالاتىن تٷزەتۋ بولىپ تابىلادى», - دەدٸ اقتوتى رايىمقۇلوۆا.
