ۇلتتىق جوبالار اياسىندا 50 ٶڭٸرلٸك وقۋ ورنىنىڭ IT-فاكۋلتەتتەرٸ بەيٸندٸ IT-ۋنيۆەرسيتەتتەرگە نەمەسە قالىپتاسىپ ٷلگەرگەن IT-كومپانييالاردىڭ قامقورلىعىنا بەرٸلەدٸ. بۇل تۋرالى قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين ايتىپ بەردٸ, دەپ حابارلايدى قازاقپارات.
«بەرٸمٸز جاقسى تٷسٸنٸپ وتىرمىز, قازٸر IT سالاسى ٷشٸن جوو-لار دايارلايتىن مامانداردىڭ دەڭگەيٸ اسا جوعارى ەمەس – ياعني جوو-لار ساپاسى تٶمەن مامانداردى بەرٸپ وتىر. بۇل دا بٸزدٸڭ ورتاق پروبلەمامىز. سوندىقتان بٸز بٸلٸم جەنە عىلىم مينيسترلٸگٸمەن بٸرلەسٸپ, 50 ٶڭٸرلٸك جوو-نىڭ IT-فاكۋلتەتتەرٸن بەيٸندٸ IT-ۋنيۆەرسيتەتتەرگە نەمەسە قالىپتاسىپ ٷلگەرگەن IT-كومپانييالاردىڭ قامقورلىعىنا بەرۋ جۇمىستارىن جٷرگٸزەتٸن بولامىز», - دەدٸ مينيستر ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
سونىمەن بٸرگە مينيستر IT ستارتاپشىلار ٷشٸن «رەتتەۋشٸ ورتانىڭ» بولۋى ماڭىزدى ەكەنٸن جەتكٸزدٸ.
«مىسالى, ستارتاپشى پيتستسانى درونمەن جەتكٸزگٸسٸ كەلسە, بۇل ٷشٸن ەلٸمٸزدە زاڭناما بازاسى جوق. نەمەسە بٸرەۋ اۆتونومدى كٶلٸكتٸ ەش جٷرگٸزۋشٸسٸز سىناپ كٶرگٸسٸ كەلەدٸ. وعان دا قازاقستاندا زاڭناما نەگٸزٸ جوق. مۇنداي تەحنولوگييالاردى سىناقتان ٶتكٸزۋ ٷشٸن بەلگٸلٸ بٸر اۋماقتا «رەتتەۋشٸ ورتا» قۇرۋ قاجەت. سول اۋماقتا مۇنداي جاڭا تەحنولوگييالاردى قولدانۋعا بولادى جەنە ستارتاپتار ٶز جاڭالىقتارىمەن جۇمىس ٸستەي الادى», - دەپ تٷسٸندٸردٸ مۋسين.
ايتا كەتەيٸك, مەملەكەت باسشىسىنىڭ جولداۋى اياسىندا «تسيفرلاندىرۋ, عىلام جەنە يننوۆاتسييالار ەسەبٸنەن تەحنولوگييالىق سەرپٸلٸس» ۇلتتىق جوباسى ەزٸرلەنٸپ, بەكٸتٸلدٸ. ۇلتتىق جوبا 10 باعىتتان, 226 تاپسىرمادان, 44 كٶرسەتكٸشتەن جەنە 211 ٸس-شارادان تۇرادى, ولاردى ٸسكە اسىرۋ 2025 جىلعا دەيٸن جوسپارلانعان.
ۇلتتىق جوبا اياسىندا حالىققا قىزمەت كٶرسەتۋ ورتالىقتارى دا تسيفرلىق جەنە ۆيدەوقىزمەتتەرٸن ٸسكە قوسادى. قازاقستاننىڭ بارلىق بالالارى ينفورماتيكا جەنە باعدارلامالاۋ بويىنشا ساپالى بٸلٸم الۋى ٷشٸن «ۆيرتۋالدى ينفورماتيكا مۇعالٸمٸ» جوباسى ٸسكە اسىرىلماق.
سونىمەن بٸرگە, ۇلتتىق جوبالار اياسىندا حالىققا IT داعدىلارىن تەگٸن ٷيرەتەتٸن 20 يننوۆاتسييالىق مەكتەپ اشىلادى.
