بٸر بانكتەگٸ اقاۋ وسالدىق قر زاڭناماسىنا قايشى ەرەكەت رەتٸندە باعالانباۋى كەرەك. بۇل پٸكٸردٸ قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين ايتتى, دەپ حابارلايدى قازاقپارات.
«بۇل - جەكە اقپاراتتىق جٷيە. ەگەر جەكە دەرەكتەردٸ ٶڭدەۋگە جەنە زاڭسىز پايدالانۋعا قاتىستى ناقتى شاعىمدار بولسا, بٸز ٶز ٶكٸلەتتٸگٸمٸز اياسىندا جاۋاپ قاتامىز. تيٸسٸنشە, قازٸر جەكە دەرەكتەردٸڭ تارالۋى نەمەسە قر ازاماتتارىنا جەكە دەرەكتەردٸ تەرٸس پايدالانۋ بويىنشا زارداپ كەلگەنٸ تۋرالى اقپارات جوق. بٸز ارنايى ٸس-شارا ٶتكٸزگەن جوقپىز, بٸراق اقپاراتتىق ورتادا تٷرلٸ جاعداي بولاتىنىن ەسكە سالعىم كەلەدٸ. ەگەر جولداردا كٶلٸك جٷرسە, اپات بولادى. سوندىقتان دەل وسى ماقساتتا اقپاراتتىق قاۋٸپسٸزدٸك كوميتەتٸ قۇرىلعان», - دەدٸ مينيستر ورتالىق كوممۋنيكاتسييالار قىزمەتٸندە ٶتكەن بريفينگتە.
ونىڭ ايتۋىنشا, قانداي دا بٸر وقيعالار ورىن السا, مينيسترلٸك جاۋاپ بەرەدٸ.
«بٸر بانكتەگٸ اقاۋ تۇتاس وسالدىق نەمەسە قر زاڭناماسىنا قايشى كەلەتٸن ەرەكەت رەتٸندە باعالانباۋى كەرەك دەپ ەسەپتەيمٸز», - دەپ اتاپ ٶتتٸ باعدات مۋسين.
«بۇل – ەكٸنشٸ دەڭگەيلٸ بانكتەردٸڭ قر ازاماتتارى الدىنداعى ازاماتتىق-قۇقىقتىق جاۋاپكەرشٸلٸگٸ. ەگەر قانداي دا بٸر قاۋٸپتەر تۋىنداسا, ولار جٷيەگە كٸرۋدٸ ۋاقىتشا توقتاتىپ, مەسەلەلەرٸن شەشەدٸ. كەز كەلگەن اقپاراتتىق جٷيە جەنە كەز كەلگەن ەكٸنشٸ دەڭگەيلٸ بانك نەمەسە ەلەكتروندى ٷكٸمەت پورتالى – دەربەس نىساندار. وندا مەسەلە تۋىنداسا, ستاندارت بويىنشا بەلگٸلٸ بٸر ەرەكەتتەردٸ جاساۋى قاجەت. بٸزدٸڭ مينيسترلٸك اقپاراتتىق قاۋٸپسٸزدٸككە جاۋاپتى ورگان, ەگەر اقپاراتتىق قاۋٸپسٸزدٸك بويىنشا شاعىمدار بولسا, بٸز دە شارا قابىلداۋعا مٸندەتتٸمٸز», - دەپ تٷسٸندٸردٸ ب.مۋسين.
ەسكە سالا كەتەيٸك, 28 قازاندا Kaspi.kz وپەراتسييالارىندا تەحنيكالىق اقاۋلار ورىن العان ەدٸ. بانك ٶكٸلدەرٸ ونى تەزٸرەك جويۋعا ۋەدە بەردٸ.
