فوتو: اشىق دەرەككٶز
الماتى دەرٸگەرلەرٸ اللەرگييانىڭ ٶرشٸگەنٸن ايتىپ, دابىل قاقتى. ايتۋلارىنشا, قالادا ٷنەمٸ تٷشكٸرەتٸن جەنە جٶتەلەتٸن ادامداردىڭ سانى كٷرت ٶسكەن. كٶپتەگەن ادامدار قىشۋ, قىزارۋ, ٸسٸنۋ جەنە تىنىس الۋدىڭ قيىنداۋىنا شاعىمدانىپ جاتىر ەكەن. بۇل تۋرالى "ۇلت اقپارات" كتك ارناسىنا سٸلتەمە جاساپ حابارلايدى.
بٸرنەشە كٷننٸڭ ٸشٸندە اللەرگولوگتارعا كەلۋشٸلەردٸڭ سانى ەكٸ ەسەگە ارتقان. نازاربەك ەۋەسحان بۇل دەرتتەن سەگٸز جىلدان بەرٸ زارداپ شەگٸپ كەلەدٸ.
"باسىندا تەك مۇرىننىڭ بٸتەلۋٸ مەن تاماقتا ازداپ جٶتەل سيياقتى بولدى. بٸراق كەيٸن كٶزدەرٸم قاتتى قىزارىپ, تاڭدايىم قىشي باستادى. بۇل مەندە اللەرگييانىڭ تيپتٸك بەلگٸلەرٸ. دوستارىمنان سۇراپ كٶرٸپ ەدٸم, ولاردا دا كەنەتتەن وسىنداي بەلگٸلەر پايدا بولىپتى", — دەپ اتاپ ٶتتٸ ول.
ال شىنار ەبزەلبەك سوزىلمالى اللەرگييامەن مٷلدە اۋىرماعان. بٸراق سوڭعى ۋاقىتتاردا دەنساۋلىعى سىر بەرگەن. سەرۋەن كەزٸندە ول ٷنەمٸ تٷشكٸرۋدٸ شىعارعان.
"شامامەن ەكٸ اپتا بۇرىن مەندە ٷزدٸكسٸز تٷشكٸرۋ باستالدى. سىرتقا شىقسام اسقىنادى. عيماراتتا وتىرعاندا اسا بايقالمايدى. سىرتقا شىققاندا بٸردەن رەاكتسييا پايدا بولادى. كٶزدەرٸم قىشىپ, مۇرنىم بٸتەلەدٸ. تىنىس الۋىم دا قيىنداي تٷستٸ", – دەدٸ شىنار ەبزەلبەك.
الماتىلىق اللەرگولوگتار ناۋقاستاردىڭ كٶپتٸگٸنەن ٷلگەرمەيدٸ ەكەن. بٸر اپتا ٸشٸندە اۋرۋلاردىڭ سانى ەكٸ ەسەگە ارتقان. مامانداردىڭ ايتۋىنشا اللەرگييالىق رەاكتسييالاردى كٶبٸنە ارامشٶپتەر قوزدىرادى. ولار ەدەتتە تامىزعا دەيٸن گٷلدەيدٸ. بٸراق بيىل گٷلدەۋ كەشٸككەن.
"بٸزدٸڭ ەلدە, ەسٸرەسە, قالامىزدا توزاڭدىق اللەرگييانىڭ نەگٸزگٸ سەبەبٸ ارامشٶپتەر – پولىن جەنە امبروزييا. ولاردىڭ گٷلدەۋ ۋاقىتى تامىز-قىركٷيەك ايلارىنا كەلەدٸ. بٸراق بيىلعى جىلى ەرەكشە جاز بولدى. شٸلدە سۋىق بولدى. سوندىقتان گٷلدەنۋ ماۋسىمى تامىزدىڭ سوڭىنا تٸپتٸ قىركٷيەككە ىعىسىپ وتىر", – دەدٸ اللەرگولوگ دەرٸگەر تەمٸرجان نۇرپەيسوۆ.
ساراپشىلاردىڭ ايتۋىنشا, قازاقستاندا اللەرگييا قالاداعى حالىقتىڭ شامامەن جارتىسىندا بايقالادى. ستاندارتتى بەلگٸلەرگە مۇرىن بٸتەلۋٸ, تٷشكٸرۋ, قىشۋ جەنە كٶزدٸڭ قىزارۋى جاتادى. جيٸ اللەرگييامەن اۋىراتىندار جٶتەل, تاماق قىشۋى جەنە تىنىس الۋدىڭ بۇزىلۋى سەكٸلدٸ بەلگٸلەرمەن كەلەدٸ.
الماتىدا اللەرگييانىڭ ٶرشۋٸ باستالعاننان بەرٸ دەرٸگەرلەرگە ەرٸن, قاباقتىڭ ٸسٸنۋٸ جەنە استما ۇستامالارىمەن كٶپتەگەن ادامدار جٷگٸنۋدە.
"قازٸرگٸ ۋاقىتتا كٶپتەگەن ناۋقاستار ماۋسىمدىق اللەرگيياسىنىڭ اۋىر, كەشٸككەن اعىمىنا شاعىمدانۋدا. ٶز بەتٸنشە ەمدەلۋدٸ مٷلدەم ۇسىنبايمىن. الايدا دەرٸگەرگە بارعانشا نەمەسە جەدەل جەردەمنٸڭ كەلۋٸن كٷتكەن كەزدە ەسكٸ جاقسى انتيگيستامين دەرٸلەرٸن قابىلداۋعا بولادى", – دەدٸ اللەرگولوگ دەرٸگەر.
دەرٸگەردٸڭ كەڭەسٸنسٸز دەرٸ قابىلداۋ قاتاڭ تىيىم سالىنعان. ەيتپەسە, باسقا ورگانداردىڭ اۋرۋلارى پايدا بولۋى مٷمكٸن.
