مەدەنيەت جەنە اقپارات مينيسترٸ ايدا بالاەۆا پروكاتى بٸر اپتاعا ۇزارتىلعان "مٸرجاقىپ. ويان, قازاق!" فيلمٸنە قاتىستى پٸكٸر بٸلدٸردٸ, - دەپ حابارلايدى "ۇلت اقپارات".
ٷكٸمەت بريفينگٸندە جۋرناليستەر مينيستردەن "زال تولى كٶرەرمەن جيناعانىنا قاراماستان, فيلمنٸڭ پروكاتى باسقا كينوتۋىندىلارعا قاراعاندا نەگە قىسقا بولعانىن" سۇرادى.
"بارلىق پروكاتتىق ۇيىمنىڭ ٶز كەستەسٸ بار. بٸز مۇنداي دٷرلٸگۋ بولادى دەپ ويلاعان جوقپىز. شىنىندا دا, ۋاقىتى الدىن الا تاڭدالدى. كٶرەرمەندەر وسى فيلمنٸڭ كٶرسەتٸلٸمٸ ودان ەرٸ جالعاسقانىن قالاعان سوڭ, تاعى بٸر اپتاعا ۇزارتتىق.
قازٸر پروكات ۋاقىتى اياقتالدى. كٶرەرمەندەرٸن كٷتٸپ تۇرعان باسقا دا فيلمدەر بار. سول سەبەپتٸ بۇل جەردە قانداي دا بٸر پروبلەما بار دەپ ويلامايمىن.
پارادوكس سول - بۇل فيلم Qazaqstan تەلەارناسىندا ٷش رەت كٶرسەتٸلدٸ, بٸراق ەرەكشە قىزىعۋشىلىق بولمادى. قازٸر بۇل فيلم كٶپشٸلٸككە قولجەتٸمدٸ. ونى YouTube-ارنادان كٶرۋگە بولادى. سوندىقتان مەن مۇندا ەشقانداي پروبلەما كٶرٸپ تۇرعان جوقپىن", - دەدٸ مينيستر جۋرناليستەردٸڭ سۇراقتارىنا جاۋاپ بەرە وتىرىپ.
بالاەۆانىڭ ايتۋىنشا, قازاقستاندىقتاردىڭ بۇل فيلمگە دەگەن قىزىعۋشىلىعى جوعارى.
"ەرينە, قازاقستاندىق سەريالدار دا تابىستى بولسا دەگەن ٷمٸت بار. بۇعان دەيٸن بٸزدە تەك ناشار جەنە ساپاسى تٶمەن ٶنٸمدەر تٷسٸرٸلەدٸ دەگەن ستەرەوتيپ بولعان. بٸزدٸڭ رەجيسسەرلەر مەن پروديۋسەرلٸك كومپانييالار دا ماقتاۋعا لايىقتى فيلمدەر تٷسٸرە الادى", - دەدٸ مينيستر.
