مۇناي ٶڭدەۋ تٸزبەگٸن بٸرنەشە كەسٸپورىنعا بٶلشەكتەۋ ارقىلى باعا قولدان قىمباتتاتىلعان. قر بەسكەلەستٸكتٸ قورعاۋ جەنە دامىتۋ اگەنتتٸگٸنٸڭ تٶراعاسى سەرٸك جۇمانعارين مەجٸلٸستە ٶتكەن دٶڭگەلەك ٷستەلدە وسىنداي مەلٸمەت بەردٸ, دەپ حابارلايدى قازاقپارات.
«مۇناي جەنە مۇناي ٶنٸمدەرٸ نارىعىندا تٸكەلەي ينتەگراتسييالانعان كومپانييالار نەگٸزگٸ ويىنشى بولىپ وتىر. بۇل جەردە CNPC كومپانييالار توبى مەن «قازمۇنايگازدىڭ» ٷلەسٸ 80 پايىز.
مۇناي جەنە مۇناي ٶنٸمدەرٸ نارىعىن «ۇڭعىمادان بەنزين كولونكاسىنا دەيٸن» قاعيداتى بويىنشا جۇمىس ٸستەيتٸن تٸكەلەي ينتەگراتسييالانعان كومپانييالار تٷزٸپ وتىر. بۇل جەردە CNPC كومپانييالارىنىڭ توبى مەن «قازمۇنايگاز» مۇناي 80%-ىن ٶندٸرەدٸ. ونى ٶزدەرٸنٸڭ مۇناي ٶڭدەۋ زاۋىتتارىندا قايتا ٶڭدەپ, Petrosun, قمگ, Petroleum Operating سيياقتى تاراتۋ كومپانييالارى ارقىلى Sinooil, Petro Retail, اۆتوگاز ترەيد (GazEnergy) سيياقتى ٷلەستەس جەنە ٸرٸ كومپانييالارعا جانارماي تٷرٸندە ساتادى.
جالپى, ٸشكٸ مۇناي نارىعىنداعى باعا نارىقتىق ەمەس جولمەن قالىپتاسادى», - دەدٸ اگەنتتٸك تٶراعاسى.
ونىڭ مەلٸمەتٸ بويىنشا, ٸشكٸ نارىققا بەرٸلەتٸن مۇناي باعاسىن رەتتەۋدٸڭ جاسىرىن تەسٸلٸ قولدانىلىپ وتىر.
«باعانى ايقىنداۋ مۇناي ٶنٸمدەرٸ سەبەتٸنٸڭ قۇنىن كەرٸ ەسەپتەۋ نەگٸزٸندە جٷزەگە اسىرىلادى. باسقاشا ايتقاندا, مۇنايدى ساتىپ الۋ باعاسى مۇناي ٶنٸمدەرٸنە وڭتايلى باعا بەلگٸلەۋ ارقىلى قالىپتاسادى.
ورتالىقتاندىرىلعان ساۋدا مەن نارىقتىڭ بيرجالىق ينديكاتورلارىن قولدانباي تٸكەلەي شارتتار قولدانىلادى.
بۇل رەتتە, قايتا ٶڭدەۋدٸڭ نەگٸزگٸ ٷلەسٸ «CNPC» جەنە «قازمۇنايگاز» كومپانييالارىنا تيەسٸلٸ. بۇل مۇناي ٶنٸمدەرٸنٸڭ كٶتەرمە جەنە بٶلشەك ساۋدا نارىقتارىندا بەسەكەلەستٸكتٸ دامىتۋ مٷمكٸندٸكتەرٸن شەكتەيدٸ.
وعان قوسا وتاندىق مۇناي ٶڭدەۋ زاۋىتتارىندا مۇناي ٶڭدەۋدٸڭ بٸرتۇتاس تەحنولوگييالىق تسيكلىن بٶلشەكتەپ جٸبەرگەن. وسىلايشا, بۇرىن اتىراۋ مۇناي ٶڭدەۋ زاۋىتىنا تيەسٸلٸ زاۋىت ساقتاۋ پاركٸ مەن قۇيۋ ەستاكادالارىن ٷشٸنشٸ تۇلعالارعا ٶتكٸزٸپ جٸبەرگەن. بۇل زاۋىتتان شىققان سۇيىتىلعان گازدىڭ بەرٸ «سۇيىتىلعان مۇناي گازىن ساقتاۋ پاركٸ» جشس-نٸڭ قويمالارىنا تٸكەلەي بارىپ تٷسەدٸ», - دەدٸ سەرٸك جۇمانعارين.
وسىلايشا مۇناي ٶڭدەۋ تەحنولوگيياسىن بٶلشەكتەۋ ارقىلى پايدا بولعان ٷستەم پوزيتسيياعا يە كومپانييانىڭ كەسٸرٸنەن ٶنٸمنٸڭ تٷپكٸلٸكتٸ قۇنى ارتىپ وتىرعان كٶرٸنەدٸ.
اگەنتتٸك باسشىسىنىڭ ايتۋىنا قاراعاندا, كٶتەرمە نارىقتا دا مۇناي مەن مۇناي ٶنٸمدەرٸ تٷرلٸ كەدەرگٸلەر ارقىلى قولدان كٶتەرٸلٸپ كەلگەن.
«كٶتەرمە ساۋدا نارىعىندا نەگٸزگٸ مۇناي جەتكٸزۋشٸلەر – «Petrosun» جشس, «Petroleum Operating» جشس بولعانىمەن, «قازمۇنايگاز» اق ٸشكٸ نارىققا جەتكٸزٸلەتٸن مۇنايدىڭ 80%-ىن الىپ ساتىپ الىپ وتىر. 11 ملن توننا مۇناي ٶنٸمدەرٸنٸڭ ٷشتەن ەكٸسٸ تٸكەلەي بٶلشەك ساۋدا جەلٸلەرٸنە, ٷشتەن بٸرٸ نەگٸزٸنەن قانداي دا بٸر ينفراقۇرىلىمى جوق قايتالاما كٶتەرمە ساۋدا جەتكٸزۋشٸلەرٸنە ساتىلادى.
تٸكەلەي شارتتار قولدانۋ ارقىلى بيرجالىق ساۋدا ٸشكٸ نارىقتىڭ جالپى كٶلەمٸنٸڭ 10%-نا عانا تارالادى.
مۇنداي جاعدايلاردا ٸرٸ مۇناي جەتكٸزۋشٸلەردٸڭ مارجينالدىلىعى 30%-عا, ال ٷلەستەس دەلدالداردٸكٸ 10-15%-عا جەتەدٸ», - دەدٸ سەرٸك جۇمانعارين.
