ال مەن ايدوس سارىمنىڭ ايتقانىمەن كەلٸسەم. مەن ٷشٸن قاشاندا كٸم ايتقانى ماڭىزدى ەمەس, نە ايتقانى ماڭىزدى. ادامنىڭ ٶزٸ ەمەس, ايتقان پٸكٸرٸ قىزىقتىرادى مەنٸ. ايدوستىڭ بۇل جولعى ەكسپرەسسيۆتٸك سٶزٸ سەل-پەل قارابايىرلاۋ شىقتى, ەرينە. ٶز دەڭگەيٸندە ەمەس. دەگەنمەن ايتار ويىن بەرٸنە جەتەرلٸكتەي ەتٸپ تٷسٸنٸكتٸ جەتكٸزدٸ. قۇر بوس "بالابول-زادۋشەۆنيك" بولماي, ٸسكە ارالاس, سىرتتان سىناي بەرمەي, ٸشتەن ارالاسىپ, جۇمىسپەن دەلەلدە جٸگٸت ەكەنٸڭدٸ دەدٸ. وندا تۇرعان نە بار?..
ولاي دەپ تالاپ ەتەتٸنٸندەيٸ بار دوسىمنان.
دوسىم ساتپاەۆ, شىن مەنٸسٸندە, سىرتتان تۇرىپ سىناۋدىڭ پروفەسسيونالى. ايدان انىق ايعاقتالعان فاكتٸلەردٸ كونستاتاتسييالاۋدىڭ حاس شەبەرٸ, دەلەلدەردٸ قاجەت ەتپەيتٸن, ەلگە ەبدەن بەلگٸلٸ بولعان پروبلەمالاردى مايىن تامىزىپ جارييالاۋدىڭ مامانى. شىنىنا كەلگەندە, ٶتە ىڭعايلى پوزيتسييا. بيلٸك تاراپىنان پرەتەنزييا بولا قالسا, "مەن نە ٸستەپ قويىپپىن, جۇرتتىڭ بەرٸ سونى ايتىپ جٷر عوي" دەۋگە جاقسى. ال سول ايتىلعان پروبلەمالاردى شەشۋدٸڭ جولدارىن سۇراساڭ, ول بالانىڭ ايتارى اسا جوق. قالبالاقتايدى دا قالادى. ونداي ادامداردى نەگٸزٸندە "پوپۋليست" دەيدٸ. بٸراق, ەدٸلدٸك ٷشٸن ايتا كەتەيٸك, وقىعانى بار, كٶزٸ اشىق, كەز كەلگەن تەمانى كەمپيت قۇساتىپ, ەدەمٸ وراپ ساتا الاتىن دارىندى پوپۋليست.
ونى دا قويشى, كٸم پوپۋليست بولماي جٷر بۇل كٷندە. دوسىمنىڭ ٶمٸرلٸك پوزيتسيياسىندا مەنٸ بٸرشاما كٷمەنداندىراتىن بٸر فاكت بار. بۇل جٸگٸتتٸڭ ساياساتتانۋشى اتانىپ, ەل الدىنا شىعىپ جٷرگەنٸنە مٸنە شيرەك عاسىردان استى. نەگٸزگٸ قاۋزايتىن تاقىرىبى - قازاقستان, ونىڭ ٸشكٸ-سىرتقى ساياساتى. وقىرماندارى دا نەگٸزٸنەن قازاق اۋديتوريياسى. پٸر تۇتاتىن دا سول قازاق.
ال سول دوسىمنىڭ وسى ەلدٸڭ ازاماتى بولا وتىرىپ وسى ەلدٸڭ ساياسي ٶمٸرٸنە بەلسەندٸ ارالاسىپ جٷرٸپ, سودان نەپاقاسىن تاۋىپ جٷرٸپ, ٶزٸ دە مەملەكەت قۇراۋشى ۇلتتىڭ ٶكٸلٸ بولا تۇرا, سول ەلدٸڭ مەملەكەتتٸك تٸلٸن, ٶزٸنٸڭ انا تٸلٸن مەڭگەرٸپ الۋعا زاۋقى جوق. سٶيتٸپ جٷرٸپ دوسىم اعىلشىن تٸلٸن ٷيرەنگەنٸن, باسقا دا تٸلدەردٸ ٶز بەتٸنشە يگەرٸپ جٷرگەنٸن ماقتانىشپەن ايتادى. دەمەك تٸلدەرگە قابٸلەتٸ جوق ەمەس, بار. بار بولسا دا, قازاق تٸلٸنە قۇلقى جوق. مۇنداي كٶزقاراستى مەن نە ناقۇرىستىقتىڭ نىشانى نەمەسە ٶز تٸلٸنٸڭ بولاشاعىنا سەنبەۋدٸڭ, سودان بارىپ سىيلاماۋدىڭ بەلگٸسٸ دەر ەدٸم.
باسقالار ٷشٸن بۇل فاكت كٶرسەتكٸش بولىپ كٶرٸنبەۋٸ مٷمكٸن ەرينە. بٸراق مەن ٷشٸن بۇل كٶرسەتكٸش. ادامنىڭ ازاماتتىق پوزيتسيياسىنىڭ, قۇندىلىقتار جيىنتىعىنىڭ كٶرسەتكٸشٸ, ۇلتىنا, ەلٸنە دەگەن قاتىناسىنىڭ ٶلشەمٸ.
مەنٸڭ ايتپاعىم, اعايىن, كٸمنەن بولسا دا, مەيلٸ ول ساياساتكەر بولسىن, مەيلٸ اسپاز بولسىن, نە دەپۋتات بولسىن, قولدان پٸر جاساعاندى قويساق. ال سولار ٷشٸن جاعا جىرتىسۋدىڭ تٸپتەن قاجەتٸ جوق. سىيلاڭدار, سىيلاماڭدار, ۇناتىڭدار, ۇناتپاڭدار, تەك كٶككە كٶتەرمەڭدەر. جالپى جاقسى ەدەت ەمەس ول. تالايدى پٸر سانادىق, سودان نە بولدى ال? ەستەرٸڭٸزدە بولسىن, پەرٸشتەلەر قارا جەردٸ باسىپ جٷرمەيدٸ. ولاردىڭ مەكەنٸ باسقا جاقتا.
ال كەشەگٸ وقيعاعا قاتىستى ايتار بولسام, شىر-پىر بولۋعا ەش سەبەپ جوق. ادام ٶز ويىن ايتتى. قاجەت بولسا, دوسىم ٶزٸ-اق جاۋاپ بەرەر ايدوسقا.
مۇحتار تٷمەنبايدىڭ Facebook-تاعى جازباسىنان
