Al men Aidos Sarymnyń aitqanymen kelisem. Men úshin qashanda KIM aitqany mańyzdy emes, NE aitqany mańyzdy. Adamnyń ózi emes, aitqan pikiri qyzyqtyrady meni. Aidostyń bul jolǵy ekspressivtik sózi sál-pál qarabaiyrlaý shyqty, árine. Óz deńgeiinde emes. Degenmen aitar oiyn bárine jeterliktei etip túsinikti jetkizdi. Qur bos "balabol-zadýshevnik" bolmai, iske aralas, syrttan synai bermei, ishten aralasyp, jumyspen dálelde jigit ekenińdi dedi. Onda turǵan ne bar?..
Olai dep talap etetinindeii bar Dosymnan.
Dosym Satpaev, shyn mánisinde, syrttan turyp synaýdyń professionaly. Aidan anyq aiǵaqtalǵan faktilerdi konstatatsiialaýdyń has sheberi, dálelderdi qajet etpeitin, elge ábden belgili bolǵan problemalardy maiyn tamyzyp jariialaýdyń mamany. Shynyna kelgende, óte yńǵaily pozitsiia. Bilik tarapynan pretenziia bola qalsa, "men ne istep qoiyppyn, jurttyń bári sony aityp júr ǵoi" deýge jaqsy. Al sol aitylǵan problemalardy sheshýdiń joldaryn surasań, ol balanyń aitary asa joq. Qalbalaqtaidy da qalady. Ondai adamdardy negizinde "popýlist" deidi. Biraq, ádildik úshin aita keteiik, oqyǵany bar, kózi ashyq, kez kelgen temany kámpit qusatyp, ádemi orap sata alatyn daryndy popýlist.
Ony da qoishy, kim popýlist bolmai júr bul kúnde. Dosymnyń ómirlik pozitsiiasynda meni birshama kúmándandyratyn bir fakt bar. Bul jigittiń saiasattanýshy atanyp, el aldyna shyǵyp júrgenine mine shirek ǵasyrdan asty. Negizgi qaýzaityn taqyryby - Qazaqstan, onyń ishki-syrtqy saiasaty. Oqyrmandary da negizinen qazaq aýditoriiasy. Pir tutatyn da sol qazaq.
Al sol Dosymnyń osy eldiń azamaty bola otyryp osy eldiń saiasi ómirine belsendi aralasyp júrip, sodan nápaqasyn taýyp júrip, ózi de memleket quraýshy ulttyń ókili bola tura, sol eldiń memlekettik tilin, óziniń ana tilin meńgerip alýǵa zaýqy joq. Sóitip júrip Dosym aǵylshyn tilin úirengenin, basqa da tilderdi óz betinshe igerip júrgenin maqtanyshpen aitady. Demek tilderge qabileti joq emes, bar. Bar bolsa da, qazaq tiline qulqy joq. Mundai kózqarasty men ne naqurystyqtyń nyshany nemese óz tiliniń bolashaǵyna senbeýdiń, sodan baryp syilamaýdyń belgisi der edim.
Basqalar úshin bul fakt kórsetkish bolyp kórinbeýi múmkin árine. Biraq men úshin bul kórsetkish. Adamnyń azamattyq pozitsiiasynyń, qundylyqtar jiyntyǵynyń kórsetkishi, ultyna, eline degen qatynasynyń ólshemi.
Meniń aitpaǵym, aǵaiyn, kimnen bolsa da, meili ol saiasatker bolsyn, meili aspaz bolsyn, ne depýtat bolsyn, qoldan pir jasaǵandy qoisaq. Al solar úshin jaǵa jyrtysýdyń tipten qajeti joq. Syilańdar, syilamańdar, unatyńdar, unatpańdar, tek kókke kótermeńder. Jalpy jaqsy ádet emes ol. Talaidy pir sanadyq, sodan ne boldy al? Esterińizde bolsyn, perishteler qara jerdi basyp júrmeidi. Olardyń mekeni basqa jaqta.
Al keshegi oqiǵaǵa qatysty aitar bolsam, shyr-pyr bolýǵa esh sebep joq. Adam óz oiyn aitty. Qajet bolsa, Dosym ózi-aq jaýap berer Aidosqa.
Muhtar Túmenbaidyń Facebook-taǵy jazbasynan
