«جەر جاپپاي ساتىلادى جەنە شەتەلدٸكتەرگە جالعا بەرٸلەدٸ» دەگەن ماعىناداعى ەلەۋمەتتٸك جەلٸدە تاراعان اقپاراتتار جالعان. وكق-دا ٶتكەن باسپاسٶز مەسليحاتىندا قوعام قايراتكەرٸ مۇحتار تايجان وسىلاي مەلٸم ەتتٸ, دەپ حابارلايدى قازاقپارات تٸلشٸسٸ.
«بۇل زاڭ ەرەكشە زاڭ دەۋگە بولادى. ٶيتكەنٸ, بۇل زاڭ جەر كوميسسيياسىنىڭ شەشٸمدەرٸ بويىنشا دايىندالعان. مەن وسىندا وتىرعان ادامدارمەن (اشم ٶكٸلدەرٸمەن - اۆت.) بٸر جارىم جىل ۋاقىت جۇمىس ٸستەگەنمٸن. ٶكٸنٸشكە قاراي, سوڭعى كٷندەرٸ ەلەۋمەتتٸك جەلٸلەردە «اقپاننىڭ 14-نەن كەيٸن جەر جاپپاي ساتىلادى جەنە شەتەلدٸكتەرگە جالعا بەرٸلەدٸ» دەگەن ارانداتۋشى اقپاراتتار پايدا بولدى. رەسمي تٷردە ايتىپ وتىرمىن: ول جالعان, ٶتٸرٸك ەرٸ ارانداتۋشى اقپارات دەپ ەسەپتەيمٸن», - دەيدٸ ول.
مۇحتار تايجاننىڭ ايتۋىنشا, زاڭ جوباسىندا ول تۋرالى بٸردە-بٸر سٶز جوق.
«مەن وعان ٶز باسىم كەپٸل بەرە الامىن. كەرٸسٸنشە, بٸز قاراعان زاڭ جوباسىندا حالىققا پايدالى ەرٸ تيٸمدٸ نەرسەلەر بار. مىسالى, جايىلىمدىق جەر, 10 سوتىق جەر تۋرالى, لاتيفۋنديزمگە قارسى ناقتى نورمالار بار. سوندىقتان, بٸزدٸڭ زاڭىمىز قابىلدانعاننان كەيٸن «جەر جاپپاي ساتىلادى نەمەسە شەتەلدٸكتەرگە جالعا بەرٸلەدٸ» دەگەن سٶز جالعان. سودان كەيٸن حاتتىڭ (اقپاراتتىڭ) اۆتورى دا جوق. قاراپايىم سٶزبەن ايتساق, بۇل - انونيمكا. ەگەر بۇل حاتتىڭ اۆتورىندا فاكتٸلەر مەن دەلەلدەر بولاتىن بولسا, نەگە حالىقتىڭ الدىنا شىقپايدى? نەگە دەلەلدەرٸن كٶرسەتپەيدٸ?», - دەيدٸ مۇحتار تايجان.
ول سونىمەن بٸرگە, وسى مەسەلەگە قاتىستى اقپاننىڭ 16-سىندا وسىندا ٷلكەن جيىن, قوعامدىق تالقىلاۋ ٶتكٸزٸلەتٸنٸن ايتتى.
«جان-جاقتان, ايماقتاردان بەدەلدٸ, سالماقتى ازاماتتار كەلەدٸ. بٸلٸكتٸ زاڭگەرلەر تەۋەلسٸز ساراپتاما دايىنداپ, قوعام تالقىلاۋىندا بايانداپ بەرەدٸ. سوندىقتان, بۇل زاڭدا ەش حالىقتان جاسىراتىن نەمەسە حالىققا زيياندى نەرسەلەر جوق. مۇنى مەن سەنٸمدٸلٸكپەن ايتىپ وتىرمىن», - دەپ تٷيدٸ مۇحتار تايجان.
ايتا كەتسەك, قازٸرگٸ ۋاقىتتا قر پارلامەنت مەجٸلٸسٸنٸڭ جۇمىسىندا «جەر قاتىناستارىن رەتتەۋ مەسەلەلەرٸ بويىنشا قر كەيبٸر زاڭنامالىق اكتٸلەرٸنە ٶزگەرٸستەر مەن تولىقتىرۋلار ەنگٸزۋ» تۋرالى زاڭ جوباسى قارالۋدا.
