دات كاريكاتۋراشىسى كۋرت ۆەستەرگور 87 جاسىندا قايتىس بولدى, دەپ جازادى ازاتتىق.
ونىڭ مۇحاممەد پايعامباردى بەينەلەگەن سۋرەتٸ مۇسىلمان ەلەمٸنٸڭ نارازىلىعىن تۋعىزعان.
مارقۇمنىڭ تۋىستارىنىڭ ايتۋىنشا, سۋرەتشٸ سوزىلمالى اۋرۋدان قايتىس بولعان. بۇل تۋرالى "بەرلينگسكە" دات باسىلىمى حابارلادى.
1980-جىلداردىڭ باسىندا كۋرت ۆەستەرگور كونسەرۆاتيۆتٸك باعىتتاعى "يۋللاندس-پوستەن" گازەتٸندە ٸستەگەن. 2005 جىلى دەل وسى باسىلىمدا مۇحاممەد پايعامداردىڭ 12 كاريكاتۋراسى جارييالاندى. سۋرەتتەر مۇسىلمان ەلەمٸنٸڭ نارازىلىعىن تۋعىزدى. مۇسىلماندار پايعامباردىڭ سۋرەتٸن سالۋعا بولمايدى دەپ ەسەپتەيدٸ.
دٸندارلار ەلەم ەلدەرٸندەگٸ دات ەلشٸلٸكتەرٸنە شابۋىلدادى. 2006 جىلعى اقپاندا وسىنداي بٸر شابۋىل سالدارىنان ونداعان ادام قازا تاپتى. دانييانىڭ ٶزٸندە دە نارازىلىق اكتسييالارى ٶتتٸ.
2015 جىلعى قاڭتاردا پاريجدەگٸ Charlie Hebdo اپتالىعىنىڭ رەداكتسيياسىنا جاسالعان شابۋىل كەزٸندە 12 ادام قازا تاپتى. اپتالىق "يۋللاندس-پوستەن" باسىلىمدا جارييالانعان كاريكاتۋرالاردى كٶشٸرٸپ باسقان.
كۋرت ۆەستەرگورعا دا بٸرنەشە مەرتە قاستاندىق ۇيىمداستىرىلعان. سۋرەتشٸ ٶمٸرٸنٸڭ سوڭعى جىلدارىن كٷزەتپەن, قۇپييا ورىندا ٶتكٸزدٸ.
