Dat karikatýrashysy Kýrt Vestergor 87 jasynda qaitys boldy, dep jazady Azattyq.
Onyń Muhammed paiǵambardy beinelegen sýreti musylman áleminiń narazylyǵyn týǵyzǵan.
Marqumnyń týystarynyń aitýynsha, sýretshi sozylmaly aýrýdan qaitys bolǵan. Bul týraly "Berlingske" dat basylymy habarlady.
1980-jyldardyń basynda Kýrt Vestergor konservativtik baǵyttaǵy "Iýllands-posten" gazetinde istegen. 2005 jyly dál osy basylymda Muhammed paiǵamdardyń 12 karikatýrasy jariialandy. Sýretter musylman áleminiń narazylyǵyn týǵyzdy. Musylmandar paiǵambardyń sýretin salýǵa bolmaidy dep esepteidi.
Dindarlar álem elderindegi dat elshilikterine shabýyldady. 2006 jylǵy aqpanda osyndai bir shabýyl saldarynan ondaǵan adam qaza tapty. Daniianyń ózinde de narazylyq aktsiialary ótti.
2015 jylǵy qańtarda Parijdegi Charlie Hebdo aptalyǵynyń redaktsiiasyna jasalǵan shabýyl kezinde 12 adam qaza tapty. Aptalyq "Iýllands-posten" basylymda jariialanǵan karikatýralardy kóshirip basqan.
Kýrt Vestergorǵa da birneshe márte qastandyq uiymdastyrylǵan. Sýretshi ómiriniń sońǵy jyldaryn kúzetpen, qupiia orynda ótkizdi.
