بٷگٸن پارلامەنت مەجٸلٸسٸندە تۋريستٸك سالانى دامىتۋعا ارنالعان ٷكٸمەت ساعاتىندا مەدەنيەت جەنە سپورت مينيسترٸ ارىستانبەك مۇحامەديۇلى ەلەكتروندىق ۆيزا تەتٸگٸ قاشان ەنگٸزٸلەتٸنٸن ايتتى, دەپ حابارلايدى "ۇلت اقپارات".
«قازاقستانعا تۋريستٸك اعىمداردىڭ ارتىپ وتىرعانىنا بەرٸمٸز كۋەگەرمٸز, ول EXPO-2017 ٶتكەن جىلداعى جوعارى بازانىڭ اياسىندا تاريحي قۇبىلىس بولىپ تابىلادى. قاڭتار-ماۋسىم ايلارىندا بىلتىرعى جىلدىڭ وسىنداي كەزەڭٸمەن سالىستىرعاندا كەلۋ تۋريزمٸ 22 پايىزعا ٶسٸپ, 4,2 ملن ادامعا جەتتٸ. ال وتاندىق تۋريزم 7 پايىزعا ارتقانىن ماقتانىشپەن ايتامىز», - دەدٸ مينيستر.
ا. مۇحامەديۇلى, ساياسي تۇراقتى جەنە دامىعان 64 ەلدٸڭ ازاماتتارى تۋريستٸك جەنە باسقا ماقساتتار ٷشٸن قازاقستانعا ۆيزاسىز كٸرۋگە قۇقىلى ەكەنٸن ەسكە سالىپ ٶتتٸ.
«2018 جىلدىڭ سوڭىنا دەيٸن الماتى مەن استانا قالالارى ارقىلى قىتاي مەن ٷندٸستان ازاماتتارى ٷشٸن 72 ساعاتتىق ۆيزاسىز ترانزيت ەنگٸزٸلدٸ. نەتيجەسٸندە, قازاقستاننان قىتايعا ترانزيت اعىمى 60 پايىزعا ٶستٸ, قالاعا 17 مىڭنان استام شەتەلدٸك كەلدٸ. جىل سوڭىنا دەيٸن استانا مەن الماتى ەۋەجايلارىندا قاناتقاقتى رەجٸمدە 128 مەملەكەت ازاماتتارىنا, سونىڭ ٸشٸندە ٷندٸستان, قىتاي, يران, پارسى شىعاناعى ەلدەرٸنە ارنالعان ەلەكتروندىق ۆيزا تەتٸگٸ ٸسكە قوسىلاتىن بولادى. ٶكٸنٸشكە قاراي, بٷكٸل دٷنيەجٷزٸ ەلەكتروندىق ۆيزامەن جۇمىس ٸستەپ جاتقاندا, بٸز ەلٸ دە كەزەككە تۇرىپ, قولمەن تولتىرىپ جاتىرمىز. بۇل ۆيزانى الۋ مەرزٸمٸن بەس كٷنگە قىسقارتادى جەنە پروتسەستٸ ەدەۋٸر جەڭٸلدەتەدٸ», - دەدٸ ۆەدومستۆو باسشىسى.
ونىڭ اتاپ ٶتۋٸنشە, ٶزبەكستانمەن شەكارالىق تۋريستٸك مارشرۋتتاردى ٸلگەرلەتۋ ٷشٸن «Silk Way Visa» اياسىندا ۆيزالاردى ٶزارا تانۋ مەحانيزمٸ تالقىلانۋدا. قازاقستان-قىرعىزستان مەملەكەتتٸك شەكاراسىندا ۋاقىتشا تۋريستٸك ٶتكەلدەردٸڭ اشىلۋىنا جەنە تٸكۇشاق پاركٸنٸڭ قىزمەت كٶرسەتۋٸنە بايلانىستى قازاقستان 17 جىل ٸشٸندە العاش رەت ورتالىق تيان-شاندا ستراتەگييالىق ارتىقشىلىققا يە بولدى.
