پارلامەنت مەجٸلٸسٸنٸڭ جالپى وتىرىسىندا قر مەدەنيەت جەنە سپورت مينيسترٸ ارحەولوگتارعا قويىلىپ وتىرعان قاتاڭ تالاپتار تۋرالى ايتىپ بەردٸ, دەپ حابارلايدى "قازاقپارات".
ايتا كەتەيٸك, بٷگٸن مەجٸلٸستە «تاريحي-مەدەني مۇرا وبەكتٸلەرٸن قورعاۋ جەنە پايدالانۋ تۋرالى» زاڭ جوباسى بٸرٸنشٸ وقىلىمدا ماقۇلداندى.
«نەگە جاڭا عانا وقۋ بٸتٸرگەن جاس ازامات بٸردەن ٶزٸ جەتەكشٸ بولىپ, ليتسەنزييا الۋى كەرەك? ەرينە, بٸز ونى توقتاتۋىمىز كەرەك. بۇل سالادا جيٸ ورىن الاتىن قاتەلٸكتەر بار. بٸزدٸڭ ارحەولوگتار ىدىس-اياق نەمەسە التىن بۇيىمداردى ٸزدەيدٸ. كٶبٸنەسە, كيٸمنٸڭ جەنە ادامنىڭ شاشىنىڭ قۇرامى نازاردان تىس قالادى. ال ادام ٶمٸرٸن زەرتتەگەندە قۇندى مەلٸمەتتەر وسى شاشتان الىنادى. سول سەبەپتەن ارحەولوگتاردىڭ الدىنا تيٸستٸ تالاپتاردى تٶتەسٸنەن قويىپ وتىرمىز», - دەدٸ مينيستر جالپى وتىرىس كەزٸندە قويىلعان ساۋالعا جاۋاپ بەرە وتىرىپ.
ونىڭ سٶزٸنە قاراعاندا, ارحەولوگييالىق ليتسەنزييانى الۋ ٷشٸن ماماندا مٸندەتتٸ تٷردە 5 جىلدىق تەجٸريبەسٸ, عىلىمي دەرەجەسٸ, ەڭبەگٸ بولۋى كەرەك. بۇل تالاپ بٷگٸندە ٶتە قاجەت بولىپ تۇر.
بۇل مەسەلەدە ا. مۇحامەديۇلى زاڭ جوباسىندا ارحەولوگييالىق جەنە عىلىمي-رەستاۆراتسييالاۋ جۇمىستارىن ليتسەنزييالاندىرۋ مەسەلەسٸنە بٶلەك نازار اۋدارىلعانىن اتاپ ٶتتٸ.
«تەجٸريبە كٶرسەتكەندەي, بٸر ادامنىڭ ەر ٶڭٸردە بٸر مەزەتتە ەرتٷرلٸ وبەكتٸلەرگە جەتەكشٸلٸك ەتۋٸ تاريح جەنە مەدەنيەت ەسكەرتكٸشتەرٸنٸڭ جاي-كٷيٸنە تەرٸس ىقپالىن تيگٸزەدٸ. بۇدان ٶزگە, سول ادامدى تارتۋ ارقىلى ارحەولوگييا, عىلىمي-رەستاۆراتسييالاۋ جۇمىستارىنا ليتسەنزيياعا ٶتٸنٸم بەرۋشٸ ۇيىم بۇل سالادا مٷلدەم تەجٸريبەسٸ جوق بولا وتىرىپ, عىلىمي جەتەكشٸلٸك جاسايتىن تۇلعانىڭ تەجٸريبەسٸن ٶز تەجٸريبەسٸ رەتٸندە ۇسىنادى. وسى ورايدا, كٶپتەگەن جاعدايلاردا ارحەولوگييالىق جەنە عىلىمي-رەستاۆراتسييالاۋ جۇمىستارىمەن ەشقانداي تەجٸريبەسٸ مەن بٸلٸمٸ جوق, ديلەتانت ۇيىمدار اينالىسا بەرەدٸ. بۇل تاريح جەنە مەدەنيەت ەسكەرتكٸشتەرٸنٸڭ تاريحي كەلبەتٸن بۇزۋ, ەرەكشەلەنەتٸن ەلەمەنتتەرٸن جويۋعا ەكەلٸپ جاتادى», - دەدٸ مينيستر.
