سۋرەت اشىق دەرەككٶزدەن الىندى
رەجيسسەر بولات قالىمبەتوۆتٸڭ "مۇقاعالي" كٶركەم فيلمٸ SاFF كينوفەستيۆالٸندە گران-پري جٷلدەسٸن جەڭٸپ الدى, دەپ حابارلايدى Massaget.kz پورتالى.
بەلگٸلٸ قازاق اقىنى مۇقاعالي ماقاتاەۆتىڭ 90 جىلدىعىنا ارنالعان "مۇقاعالي" كارتيناسى ونىڭ ٶمٸرٸنٸڭ سوڭعى جىلدارى تۋرالى باياندايدى. فيلمدٸ قر مەدەنيەت جەنە سپورت مينيسترلٸگٸنٸڭ تاپسىرىسى بويىنشا ش.ايمانوۆ اتىنداعى "قازاقفيلم" كينوستۋديياسى تٷسٸرگەن. ول قازاقستاندىق پروكاتقا 2021 جىلدىڭ 21 قازانىندا شىققان بولاتىن.
فيلمنٸڭ ەلەمدٸك پرەمەراسى 25-شٸ (PÖFF) تاللين كينوفەستيۆالٸ اياسىندا ٶتتٸ, وندا قازاقستاندىق كارتينا ەكۋمەنيكالىق قازىلار القاسىنىڭ جٷلدەسٸنە يە بولدى.
كينوتۋىندىنىڭ ستسەنارييٸن بەلگٸلٸ جازۋشى جٷسٸپبەك قورعاسبەك, بولات قالىمبەتوۆ جەنە عازيز ناسىروۆ جازعان. رەجيسسەر بۇل فيلمگە 13 جىلدان اسا دايىندالعانىن ايتادى.
"مۇقاعالي – قازاقتىڭ ماقتانىشى. ول پوەزييانى تاعى بٸر شىڭعا كٶتەرگەن اقىن. ونىڭ تاعدىرى دا وڭاي بولعان جوق. تالاي سىناقتارعا تٶتەپ بەردٸ, سىنبادى, تٸزە بٷكپەدٸ. ونىڭ جىرلارىمەن بالا كەزٸمنەن تانىسپىن. كەيدە قينالعاندا اقىن جىرلارىن قايتالاپ وقيمىن. بۇل ماعان كٶمەكتەسەدٸ. 13 جىلدان اسا دايىندالدىم. سوڭىندا فيلم تٷسٸرۋ كەرەك دەپ شەشتٸم. وسى ۋاقىت ارالىعىندا اقىن تۋرالى مەلٸمەتتەر جينادىم, كٶزٸن كٶرگەن ادامدارمەن كەزدەستٸم", - دەدٸ كارتينانىڭ رەجيسسەرٸ بولات قالىمبەتوۆ.
فيلم وقيعالارى ٶتكەن عاسىردىڭ 60-70 جىلدارىن سۋرەتتەيدٸ. سوندىقتان ەرمەك ٶتەگەنوۆ باستاعان سۋرەتشٸلەر توبىنىڭ دا ەڭبەگٸ زور. ولار سول ۋاقىتتىڭ بەينەسٸن جيناپ, تۇرمىسىن, ينفراقۇرىلىمىن دەل كٶرسەتكەن. فيلمنٸڭ قويۋشى وپەراتورى - ەدٸگە نٷسٸپبەكوۆ.
2019 جىلى "مۇقاعالي" فيلمٸنٸڭ تٷسٸرٸلٸمٸ باستالعانى تۋرالى حابارلانعان بولاتىن. رەجيسسەر كينوعا قاجەتتٸ الماتىنىڭ سول كەزدەگٸ قالپىن تابۋ وڭايعا سوقپاعانىن ايتادى. تٷسٸرٸلٸم توبى بٷكٸل قازاقستاندى ارالاپ, اقىر سوڭىندا ەسكٸ الماتىنى بەينەلەيتٸن, كٶشەلەر مەن ٷيلەرٸ جاقسى ساقتالعان ٶسكەمەن قالاسىنا توقتاعان. ودان بٶلەك تٷسٸرٸلٸم الماتى, پەتەربور قالاسى مەن الماتى وبلىسىندا ٶتكەن.
جالپى, "مۇقاعالي" فيلمٸ بٸر جىل ٸشٸندە 10 حالىقارالىق ماراپاتقا يە بولدى.
ايتا كەتەيٸك, سەنت-ەندريۋس كينوفەستيۆالٸ (SاFF) - حالىقارالىق كينوفەستيۆال جەنە شوتلاندييالىق قايىرىمدىلىق ۇيىمى.
