قر پرەزيدەنت ەكٸمشٸلٸگٸ باسشىسىنىڭ بٸرٸنشٸ ورىنباسارى دەۋرەن اباەۆ «اشىق ديالوگ 2» سۇحباتىنىڭ كەزەكتٸ سانىندا پرەزيدەنت جولداۋىندا ايتىلعان جاڭا ەلەۋمەتتٸك كودەكستٸڭ ماڭىزىنا توقتالدى, دەپ حابارلايدى قازاقپارات.
«پرەزيدەنت ەسكەرگە بارۋ ماماندىق الۋدىڭ تاعى بٸر مٷمكٸندٸگٸ بولۋ كەرەكتٸگٸن ايتتى. بۇل دا ٶتە ماڭىزدى تەزيس دەپ ويلايمىن. ٶيتكەنٸ شۇعىل ەسكەري قىزمەتكەرلەردٸ دايارلاۋ ٸسٸنە تىڭعىلىقتى قاراۋعا جول اشادى. نەگٸزٸندە بۇل جەردە ازاماتتىق قىزمەتتٸڭ كەيبٸر ەلەمەنتتەرٸن كٸرگٸزۋ تۋرالى ايتىلىپ وتىر. ەسكەر قاتارىنان بوساعاننان كەيٸن ازاماتتار تەك قانا ساپتىق, جاۋىنگەرلٸك قابٸلەتتەردٸ عانا ەمەس, بازالىق, كەسٸبي قابىلەتتەردٸ مەڭگەرٸپ, ازاماتتىق ٶمٸردە جۇمىسقا ورنالاسا الۋى كەرەك. بٸزدە مەكتەپتەن كەيٸن مەملەكەتتٸڭ نازارىنان تىس قالاتىن ادامدار بار. بەلكٸم ساباق ٷلگەرٸمٸنٸڭ ناشارلىعىنان جوعارى وقۋ ورنىنا تٷسە المايتىن شىعار. ولاردى كٶپ جاعدايدا جۇمىسقا دا المايدى. ٶيتكەنٸ جوعارى بٸلٸمٸ مەن جۇمىس تەجٸريبەسٸ جوق دەگەن سيياقتى. ونداي جاندارعا نە ٸستەۋ كەرەك? نە قىلمىسقا ارالاسادى, نە ماسىلدىققا تاپ بولادى. كەزدەيسوق تابىستارعا ارقا سٷيەپ كٷنەلتۋٸ مٷمكٸن. وسى تۇستا ارمييا ەلەۋمەتتٸك تۇرعىدا ٶز مٷمكٸندٸگٸڭدٸ ٸسكە اسىرۋدىڭ جاقسى باسپالداعى بولا الادى. ەرينە, بۇل ەلەۋەتتٸ پايدالانۋ كەرەك», - دەدٸ پرەزيدەنت ەكٸمشٸلٸگٸ باسشىسىنىڭ بٸرٸنشٸ ورىنباسارى.
ونىڭ سٶزٸنە قاراعاندا, پرەزيدەنت جولداۋ ارقىلى جەتكٸزگٸسٸ كەلگەن تاعى بٸر ماڭىزدى مەسسەدج – جاڭا ەلەۋمەتتٸك كودەكس ەلەۋمەتتٸك باعدارلامالاردى سانالى تٷردە پايدالانۋ كەرەكتٸگٸ تۋرالى ايتقانى.
«ەڭگٸمە نە تۋرالى بولىپ وتىر? مىسالى, ٶڭٸرلەردەگٸ احۋالدىڭ مونيتورينگتەرٸ كەيدە مٷگەدەك مٷشەسٸ بار وتباسىلار, ٶكٸنٸشكە قاراي, ول ادامنىڭ ساۋىعۋىنا مٷددەلٸ ەمەس ەكەنٸن كٶرسەتكەن. مۇنداي جايتتار كەزدەسٸپ جاتىر. نەگە? ٶيتكەنٸ ول ەلەۋمەتتٸك كٸرٸس پەن جەڭٸلدٸكتٸڭ ماڭىزدى كٶزٸ. مٷگەدەكتٸك رەسٸمدەۋ ەلەۋمەتتٸك تۇرعىدا «تارتىمدى» ٸسكە اينالىپ بارادى. بۇل مەسەلەنٸڭ ەدەپ جاعىن قوزعاعىم كەلٸپ وتىرعان جوق. ەرينە, ٶمٸردە تٷرلٸ جاعداي بولادى. ەلەۋمەتتٸك قورعاۋ جٷيەسٸ ادامدى جۇمىسقا ورنالاسۋعا, وقۋعا, ەلەۋمەتتٸك ٶمٸرگە بەلسەندٸ كٸرٸسۋگە ىنتالاندىرمايتىنى ٶز الدىنا بٶلەك مەسەلە», - دەگەن سپيكەر بۇعان دەيٸن اتاملىش مەسەلە ەڭ وڭاي جولمەن رەتتەلٸپ كەلگەنٸن ەسكە الدى.
«دٶرەكٸ ەستٸلەتٸن شىعار, بٸراق بٸز ونداي ازاماتتاردىڭ پروبلەماسىنان ەلەۋمەتتٸك كٶمەك ارقىلى جالتارعىمىز كەلەدٸ. ال باسقا ەلدەردە, ەۋروپا ەلدەرٸندە ەلەۋمەتتٸك قولداۋدىڭ جۇمىسقا ورنالاستىرۋ, وقىتۋ سيياقتى باسقا فورمالارى قولدانىلادى. ياعني, پرەزيدەنت بۇل جەردە مەملەكەت ەلەۋمەتتٸك كٶمەكتٸ قايىرىمدىلىق پرينتسيپتەرٸنٸڭ نەگٸزٸندە ەمەس, ەلەۋمەتتٸك ەدٸلدٸك پريتسيپتەرٸنٸڭ نەگٸزٸندە قۇرۋدى ۇسىنادى. مەنٸڭ ويىمشا, كٶپتەگەن مٷگەدەكتەر بۇعان دا مۇقتاج. بۇل دا جوعارى قۇزىرەتتٸلٸكتٸ قاجەت ەتەتٸن كٷردەلٸ مٸندەت. بٸراق پروبلەما بار ەكەن, ونى شەشۋ مٸندەتٸ دە تۋىندايدى. پرەزيدەنت جولداۋىندا وسى مەسەلەنٸ قوزعادى», - دەدٸ دەۋرەن اباەۆ.
