قر بٸلٸم جەنە عىلىم مينيسترٸ اسحات ايماعامبەتوۆ مەكتەپ ۇستازدارىن نەگٸزگٸ مٸندەتتەرٸنەن بٶلەك قوسىمشا جۇمىسقا سالۋعا قاتىستى پٸكٸر بٸلدٸردٸ, دەپ حابارلايدى قازاقپارات.
«سەمەيدە مۇعالٸمدەردٸ سەنبٸلٸككە تارتۋ ٸسٸنە قاتىستى بٸز ٶز كٶزقاراسىمىزدى بٸلدٸردٸك. ەرينە, بٸز مۇعالٸمدەرگە نەگٸزگٸ مٸندەتٸنەن بٶلەك, قوسىمشا جٷك ارتىلۋىنا قارسىمىز. بٸز باسىندا قانداي دا بٸر قاتەلٸك كەتكەن شىعار دەپ شەشٸم شىعارۋعا اسىقپادىق, كەيٸن جاعداي راستالدى. تيٸسٸنشە شارا قابىلدادىق. بٷگٸندە مۇعالٸمدەردٸ سەنبٸلٸككە شىعارعان قىزمەتكەرلەر جاۋاپقا تارتىلدى. وسى ورايدا وقيعا قايتالانباۋى ٷشٸن مۇعالٸمدەرگە قوسىمشا جٷك ارتۋعا قاتىستى جاۋاپكەرشٸلٸكتٸ قاتاڭداتۋ كەرەك», - دەدٸ اسحات ايماعامبەتوۆ وكق-دە ٶتكەن باسپاسٶز مەسليحاتىندا.
«2019 جىلدىڭ جەلتوقسانىندا قابىلدانعان زاڭ شەڭبەرٸندە پەداگوگتەردٸ ٶزٸنە تەن ەمەس فۋنكتسييالارعا تارتۋعا تىيىم سالىنادى. سودان بەرٸ مۇعالٸمدەر تەك تٸكەلەي فۋنكتسيونالدىق مٸندەتتەرمەن اينالىسۋى كەرەك ەكەنٸن تٷسٸنۋ ٷشٸن ۋاقىت جەتكٸلٸكتٸ بولدى.مۇنداي بۇزۋشىلىقتار ٷشٸن ەكٸ جٷزگە جۋىق باسشى جازالاندى. ولار تەرتٸپتٸك جەنە ەكٸمشٸلٸك جاۋاپكەرشٸلٸككە تارتىلىپ, تٸپتٸ جۇمىستان شىعارىلدى.سەمەي قالاسىنداعى وقيعاعا بايلانىستى بٸلٸم بەرۋ سالاسىنداعى ساپانى قامتاماسىز ەتۋ دەپارتامەنتٸ ەكٸمشٸلٸك ٸس قوزعاپ, تەكسەرۋ جٷرگٸزٸلٸپ جاتىر. قالا ەكٸمٸ ورىنباسارىنىڭ بۇل جاعدايعا قاتىستىلىعى راستالعان جاعدايدا, اتالعان لاۋازىمدى تۇلعا جەنە ٶزگە تۇلعالار ەكٸمشٸلٸك جاۋاپكەرشٸلٸككە تارتىلادى. بٸز سونداي-اق قاجەتتٸ شارالار قابىلداۋ ٷشٸن مەملەكەتتٸك قىزمەت ٸستەرٸ اگەنتتٸگٸنە جٷگٸنەمٸز. سونىمەن قاتار قالالىق بٸلٸم بٶلٸمٸنٸڭ باسشىسى دا جاۋاپكەرشٸلٸككە تارتىلادى», - دەپ جازدى مينيستر جەلٸدە.
