QR Bilim jáne ǵylym ministri Ashat Aimaǵambetov mektep ustazdaryn negizgi mindetterinen bólek qosymsha jumysqa salýǵa qatysty pikir bildirdi, dep habarlaidy QazAqparat.
«Semeide muǵalimderdi senbilikke tartý isine qatysty biz óz kózqarasymyzdy bildirdik. Árine, biz muǵalimderge negizgi mindetinen bólek, qosymsha júk artylýyna qarsymyz. Biz basynda qandai da bir qatelik ketken shyǵar dep sheshim shyǵarýǵa asyqpadyq, keiin jaǵdai rastaldy. Tiisinshe shara qabyldadyq. Búginde muǵalimderdi senbilikke shyǵarǵan qyzmetkerler jaýapqa tartyldy. Osy oraida oqiǵa qaitalanbaýy úshin muǵalimderge qosymsha júk artýǵa qatysty jaýapkershilikti qatańdatý kerek», - dedi Ashat Aimaǵambetov OKQ-de ótken baspasóz máslihatynda.
«2019 jyldyń jeltoqsanynda qabyldanǵan zań sheńberinde pedagogterdi ózine tán emes fýnktsiialarǵa tartýǵa tyiym salynady. Sodan beri muǵalimder tek tikelei fýnktsionaldyq mindettermen ainalysýy kerek ekenin túsiný úshin ýaqyt jetkilikti boldy.Mundai buzýshylyqtar úshin eki júzge jýyq basshy jazalandy. Olar tártiptik jáne ákimshilik jaýapkershilikke tartylyp, tipti jumystan shyǵaryldy.Semei qalasyndaǵy oqiǵaǵa bailanysty bilim berý salasyndaǵy sapany qamtamasyz etý departamenti ákimshilik is qozǵap, tekserý júrgizilip jatyr. Qala ákimi orynbasarynyń bul jaǵdaiǵa qatystylyǵy rastalǵan jaǵdaida, atalǵan laýazymdy tulǵa jáne ózge tulǵalar ákimshilik jaýapkershilikke tartylady. Biz sondai-aq qajetti sharalar qabyldaý úshin Memlekettik qyzmet isteri agenttigine júginemiz. Sonymen qatar qalalyq bilim bóliminiń basshysy da jaýapkershilikke tartylady», - dep jazdy ministr jelide.
