سەمەيدە پەداگوگتەردٸ كٶشە سىپىرۋعا جٸبەرگەن لاۋازىمدى تۇلعالار ەكٸمشٸلٸك جاۋاپقا تارتىلدى, دەپ حابارلايدى "ۇلت اقپارات" بٸلٸم جەنە عىلىم مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
ەڭگٸمە سەمەي قالاسى ەكٸمٸنٸڭ ورىنباسارى د.ا. گاريكوۆ تۋرالى بولىپ وتىر. سونىمەن بٸرگە ەكٸمنٸڭ ورىنباسارىنا قاتىستى تەرتٸپتٸك شارالار قولدانۋ تۋرالى حات جولداندى.
سەمەي قالاسى بٸلٸم بٶلٸمٸنٸڭ باسشىسى ن.ا. فەسەنكوعا قاتىستى سٶگٸس تٷرٸندە تەرتٸپتٸك جازا قولدانىلدى. سونداي-اق ول ەكٸمشٸلٸك جازاعا تارتىلدى.
№ 9 وم ديرەكتورى ن.ۆ. تەگاي جەنە №43 وم ديرەكتورىنىڭ م. ا. ا.ۆ. يسكرينا ەكٸمشٸلٸك جاۋاپقا تارتىلدى.
ەستەرٸڭٸزگە سالا كەتەيٸك, ەلەۋمەتتٸك جەلٸلەردە 16 قازاندا سەمەي قالاسىنىڭ №43 مەكتەبٸندە وقۋ پروتسەسٸنە كەدەرگٸ كەلتٸرٸپ, مۇعالٸمدەردٸ سەنبٸلٸككە كٶشە سىپىرۋعا جٸبەرگەنٸ تۋرالى جارييالانىمدار تاراعان بولاتىن.
پەداگوگتەردٸ قىزمەتٸنەن تىس جۇمىستارعا تارتۋ, ونىڭ ٷستٸنە وقۋ پروتسەسٸنە كەدەرگٸ كەلتٸرۋ «پەداگوگ مەرتەبەسٸ تۋرالى» زاڭ تالاپتارىنا قايشى كەلەدٸ.
قر بعم بٸلٸم جەنە عىلىم سالاسىندا ساپانى قامتاماسىز ەتۋ كوميتەتٸنٸڭ, سونداي-اق شقو بٸلٸم سالاسىندا ساپانى قامتاماسىز ەتۋ دەپارتامەنتٸنٸڭ قىزمەتكەرلەرٸ ەكٸمشٸلٸك ٸستٸ قارادى.
تەكسەرۋ بارىسىندا سەنبٸلٸككە №43 مەكتەبٸنٸڭ پەداگوگتەرٸنەن باسقا №9 مەكتەبٸنٸڭ مۇعالٸمدەرٸ دە جٸبەرٸلگەنٸ انىقتالدى.
ەكٸمشٸلٸك ٸستٸ قاراۋ بارىسىندا پەداگوگتەر قالانى اباتتاندىرۋ جۇمىستارىنا سەمەي قالاسى ەكٸمٸنٸڭ ورىنباسارى د.ا. گاريكوۆتىڭ حاتى نەگٸزٸندە شىققانى انىقتالدى. حاتتا پەداگوگتەردٸڭ سەنبٸلٸككە تاڭعى ساعات 09.00-دە شىعۋىن قامتاماسىز ەتۋ تاپسىرىلعان. سونداي-اق حاتتىڭ ەكٸم ورىنباسارىنىڭ قولى قويىلعان قوسىمشاسىنا سەيكەس ەر مەكتەپكە اۋماقتى تازارتۋ جۇمىستارىن جٷرگٸزۋ ٷشٸن بەلگٸلٸ بٸر ۋچاسكە بەرٸلگەن. تاپسىرمانىڭ ورىندالۋىن باقىلاۋ ەكٸمدٸكتەگٸ بٶلٸمشەلەردٸڭ بٸرٸنە جٷكتەلگەن.
«بٸلٸم جەنە عىلىم مينيسترلٸگٸ وبلىستار مەن رەسپۋبليكالىق ماڭىزى بار قالالاردىڭ ەكٸمدٸكتەرٸنە پەداگوگتەردٸ پايدالانۋ جەنە ولاردى قىزمەتٸنەن تىس جۇمىستارعا تارتۋ بويىنشا وسىنداي ەرەكەتتەرگە جول بەرٸلمەۋٸ تيٸس ەكەندٸگٸ تۋرالى تٷسٸندٸرٸلگەن حات جولدادى», - دەلٸنگەن حابارلامادا.
