مۇعالٸمدەردٸ قولداۋ ساياساتىن جالعاستىرا بەرەمٸز. بۇل تۋرالى مەملەكەت باسشىسى قاسىم-جومارت توقاەۆ قازاقستان حالقىنا جولداۋى بارىسىندا ايتتى, دەپ حابارلايدى قازاقپارات.
«وسى جىلدىڭ قاڭتارىنان باستاپ پەداگوگيكا قىزمەتكەرلەرٸنٸڭ جالاقىسى 25 پايىزعا ٶستٸ. الداعى ٷش جىلدىڭ ٸشٸندە بٸز بۇل ماقساتقا قوسىمشا 1,2 ترلن تەڭگە باعىتتايمىز. قابىلدانعان ٸس-شارالار ٶز جەمٸسٸن بەرٸپ تە جاتىر. پەداگوگيكا ماماندىعىنا تٷسۋشٸلەردٸڭ ورتاشا باللى كٷرت ٶستٸ. مۇعالٸمدەردٸ قولداۋ ساياساتىن جالعاستىرا بەرەتٸن بولامىز», - دەدٸ پرەزيدەنت.
سونىمەن قاتار, مەملەكەت باسشىسى جاھاندىق ٶزگەرٸستەر جاعدايىندا العان بٸلٸم تٷلەك ەڭبەك نارىعىنا شىققانشا ەسكٸرٸپ كەتۋ مٷمكٸندٸگٸ جوعارى ەكەندٸگٸن باسا ايتتى.
«سوندىقتان بەيٸندٸ مينيسترلٸكتەردٸڭ الدىندا وقۋ باعدارلامالارىن جاڭا جاعدايلارعا بەيٸمدەۋ بويىنشا شۇعىل مٸندەت تۇر. پاندەمييا كەزٸندەگٸ قاشىقتان وقىتۋ قورىتىندىسى ۇلتتىق تەلەكوممۋنيكاتسييا جەلٸسٸ تيٸمدٸلٸگٸنٸڭ جەتكٸلٸكسٸزدٸگٸن كٶرسەتتٸ. بۇل بازالىق قاراپايىم بٸلٸمٸ جوق وقۋشىلاردىڭ ٷلكەن لەگٸنٸڭ پايدا بولۋىنا الىپ كەلدٸ»,- دەدٸ قاسىم-جومارت توقاەۆ.
