Muǵalimderdi qoldaý saiasatyn jalǵastyra beremiz. Bul týraly Memleket basshysy Qasym-Jomart Toqaev Qazaqstan halqyna Joldaýy barysynda aitty, dep habarlaidy QazAqparat.
«Osy jyldyń qańtarynan bastap pedagogika qyzmetkerleriniń jalaqysy 25 paiyzǵa ósti. Aldaǵy úsh jyldyń ishinde biz bul maqsatqa qosymsha 1,2 trln teńge baǵyttaimyz. Qabyldanǵan is-sharalar óz jemisin berip te jatyr. Pedagogika mamandyǵyna túsýshilerdiń ortasha bally kúrt ósti. Muǵalimderdi qoldaý saiasatyn jalǵastyra beretin bolamyz», - dedi Prezident.
Sonymen qatar, Memleket basshysy jahandyq ózgerister jaǵdaiynda alǵan bilim túlek eńbek naryǵyna shyqqansha eskirip ketý múmkindigi joǵary ekendigin basa aitty.
«Sondyqtan beiindi ministrlikterdiń aldynda oqý baǵdarlamalaryn jańa jaǵdailarǵa beiimdeý boiynsha shuǵyl mindet tur. Pandemiia kezindegi qashyqtan oqytý qorytyndysy ulttyq telekommýnikatsiia jelisi tiimdiliginiń jetkiliksizdigin kórsetti. Bul bazalyq qarapaiym bilimi joq oqýshylardyń úlken leginiń paida bolýyna alyp keldi»,- dedi Qasym-Jomart Toqaev.
