موڭعولييادا 12-دەن 17 جاسقا دەيٸنگٸ بالالاردىڭ 74,8%-ى ۆاكتسينا الدى, دەپ حابارلايدى "ۇلت اقپارات" مونتسامە اگەنتتٸگٸنە سٸلتەمە جاساپ.
موڭعولييانىڭ ٷكٸمەتٸ 1 قىركٷيەكتە جاڭا وقۋ جىلىن باستاۋ تۋرالى شەشٸم قابىلدادى. وسىعان بايلانىستى ۇلانباتىردىڭ مەديتسينا قىزمەتكەرلەرٸ مەكتەپتەر مەن بالاباقشالاردا اشىلعان ۆاكتسينالاۋ مەن تەستٸلەۋ پۋنكتٸلەرٸن باسقا جەرگە اۋىستىرۋ جٶنٸندە شۇعىل جينالىس ٶتكٸزدٸ.
وقىتۋدى سىنىپتا جەنە قاشىقتان ۇيىمداستىرۋ ٷشٸن ەلدٸڭ بالاباقشالارى مەن مەكتەپتەرٸن تازارتۋ جەنە دەزينفەكتسييالاۋ جٷرگٸزٸلەدٸ.
قازٸرگٸ كەزدە مۇعالٸمدەر مەن بٸلٸم بەرۋ مەكەمەلەرٸ قىزمەتكەرلەرٸنٸڭ 90%-ى كوروناۆيرۋس ۆاكتسيناسىن العان.
موڭعولييانىڭ بٸلٸم جەنە عىلىم مينيسترٸلٸگٸنٸڭ حابارلاۋىنشا, وسى جىلى 232 مىڭ بالا 1 515 بالاباقشادا مەكتەپكە دەيٸنگٸ بٸلٸم الادى, سونىمەن قاتار 854 ورتا بٸلٸم بەرۋ مەكتەپتەرٸندە 718 817 وقۋشى بٸلٸم الادى. 40 165 ستۋدەنت 75 ورتا كەسٸبي بٸلٸم بەرۋ ورتالىعىندا, 150 100 ستۋدەنت 88 جوعارى وقۋ ورنىندا وقيدى.
2 تامىزداعى جاعداي بويىنشا, 12-دەن 17 جاسقا دەيٸنگٸ بالاردىڭ 74,8%-ى ۆاكتسينا العان.
