Mońǵoliiada 12-den 17 jasqa deiingi balalardyń 74,8%-y vaktsina aldy, dep habarlaidy "Ult aqparat" MONTsAME agenttigine silteme jasap.
Mońǵoliianyń Úkimeti 1 qyrkúiekte jańa oqý jylyn bastaý týraly sheshim qabyldady. Osyǵan bailanysty Ulanbatyrdyń meditsina qyzmetkerleri mektepter men balabaqshalarda ashylǵan vaktsinalaý men testileý pýnktilerin basqa jerge aýystyrý jóninde shuǵyl jinalys ótkizdi.
Oqytýdy synypta jáne qashyqtan uiymdastyrý úshin eldiń balabaqshalary men mektepterin tazartý jáne dezinfektsiialaý júrgiziledi.
Qazirgi kezde muǵalimder men bilim berý mekemeleri qyzmetkerleriniń 90%-y koronavirýs vaktsinasyn alǵan.
Mońǵoliianyń Bilim jáne ǵylym ministriliginiń habarlaýynsha, osy jyly 232 myń bala 1 515 balabaqshada mektepke deiingi bilim alady, sonymen qatar 854 orta bilim berý mektepterinde 718 817 oqýshy bilim alady. 40 165 stýdent 75 orta kásibi bilim berý ortalyǵynda, 150 100 stýdent 88 joǵary oqý ornynda oqidy.
2 tamyzdaǵy jaǵdai boiynsha, 12-den 17 jasqa deiingi balardyń 74,8%-y vaktsina alǵan.
