© Bluraymania.com.ua
28-قاراشادان باستاپ ەلٸمٸزدٸڭ كينوتەاترلارىنان Walt Disney Pictures كينوكومپانيياسى تٷسٸرگەن “موانا 2” انيماتسييالىق مۋلتفيلمٸ كٶرسەتٸلە باستادى. ونى Disney كومپانيياسى ٶز قاراجاتىنا قازاق تٸلٸنە دۋبلياجدادى. مۋلتفيلم جاقسى قارالىم جيناسا كومپانييا باسقا دا ٶنٸمدەرٸن قازاق تٸلٸنە دۋبلياج جاساپ شىعارماق ويدا.
الايدا مۋلتفيلم ٷلكەن ەكراننان كٶرستٸلە باستاعاننان داۋعا قالدى. مەسەلە تاعى دا قازاق تٸلٸندەگٸ كٶرەرمەندەردٸڭ قۇقىعىنا كەلٸپ تٸرەلدٸ. كٶرەرمەندەر بۇل مۋلتفيلمٸنٸڭ قازاق تٸلٸندەگٸ كٶرسەتٸلٸمٸ از, ەرٸ ىڭعايسىز ۋاقىتقا قويىلعانىنا شاعىمدانىپ, جەلٸدە جازبا جارييالاپ جاتىر.
«قايدا بارساڭ دا ٶلمەستٸڭ كٷنٸن كٶرٸپ تۇرعان قازاق تٸلٸ»
جازۋشى, جۋرناليست سەرٸكبول حاسان Facebook تاعى جازباسىندا مۋلتحيكايانىڭ “قازاقشا دۋبلياجى شىقتى دەگەن اتى عانا” دەپ وتىر.
“كينوتەاترلار “موانا 2” مۋلتفيلمٸنٸڭ قازاقشا سەانسىن ٶتە از ۋاقىتقا قويعان. كەشكٸگە مٷلدەم جوق. ورىسشاسى 80 پايىز, قازاقشاسى 20 پايىزعا دا جەتپەيدٸ. ەڭ بولماسا 50 دە 50 قىلسا قايتەر ەدٸ? قازاق تٸلٸن دامىتايىق دەيدٸ, مىناداي كٶزقاراسپەن قالاي داميدى? قايدا بارساڭ دا ٶلمەستٸڭ كٷنٸن كٶرٸپ تۇرعان قازاق تٸلٸ”- دەدٸ ول.
ال, SMM مامانى, جەلٸ قولدانۋشى جالعاس ەرتاي قازاق تٸلٸندە كٶرسەتٸلەتٸن فيلمدەرگە سۇرانىس ارتقانىن ايتىپ, بيلٸككە تالاپتى كٷشەيتۋ كەرەك دەپ ەسەپتەيدٸ.
“ قىزىمدى ەرتٸپ, موانا 2 فيلمٸنە بارىپ كەلدٸم. ادام قاراسى كٶپ, بالالى وتباسى كٶپ, قازاقشا دۋبلياجدالعان فيلمدەرگە بارۋ دەستٷرٸ قالىپتاسىپ كەلە جاتقان سيياقتى. قازاقشا سەانستاردى ىڭعايسىز ۋاقىتقا قويۋعا تىرىسىپ, كەستەدەن ىعىستىرىپ تاستاۋعا اسىققان كينوپروكاتشىلاردىڭ ەرەكەتٸنە قاراماستان, قازاقشاسىنا باراتىن داعدى قالىپتاسا باستادى. ەندٸ 18 جاسقا دەيٸنگٸ بالالارعا ارنالعان فيلمنٸڭ بەرٸن قازاقشا دۋبلياجداۋعا مٸندەتتەۋ كەرەك. بيلٸكتەن وسىنى تالاپ ەتەيٸك”- دەيدٸ, جالعاس ەرتاي جەلٸدە.
ال جۋرناليست ەسەل ەرگەش “موانا 2” مۋلتفيلمٸنٸڭ قازاق تٸلٸندەگٸ سەانسىنا تٸپتٸ كٸرە الماعانىن جازىپتى.
“ موانانىڭ قازاقشا سەانسىنا بارايىن دەسەك, 17:35-تە عانا بار ەكەن. ول بٸزگە ٶتە ىڭعايسىز ۋاقىت. ال ورىسشا سەانسى بٸر كينوتەاتردىڭ ٶزٸندە بٷگٸن 8 رەت قويىلادى. ٶزٸمٸزگە ىڭعايلى ۋاقىتتا, ورىسشاسىنا بارا بەرەيٸن دەپ تۇرمىز. ال سٸزدەر قازاقشاسىن قولدايىق دەيسٸزدەر”, - دەپ جازدى جۋرناليست.
قوعامدىق بەلسەندٸ بەللا ورىنبەتوۆا قر مەدەنيەت جەنە اقپارات مينيسترٸ ايدا بالاەۆاعا, بٸرقاتار مەجٸلٸس دەپۋتاتتارىنا, سونىمەن قاتار Kinopark, Theatres, Kinoplex, Lumiera cinema-نى بەلگٸلەي وتىرىپ:
“ Disney كينوكومپانيياسىنىڭ قازاق تٸلٸنە (ٶز ەسەبٸنەن!) دۋبلياجداعان «موانا 2» انيماتسييالىق فيلمٸ 28 قاراشادان باستاپ كينوپروكاتتا كٶرسەتٸلەدٸ. الايدا كٶپتەن كٷتكەن فيلمدٸ قىزىم ەكەۋٸمٸز جۇرت قاتارلى پرەمەرا كٷنٸ كٶرە المايمىز. سەبەبٸ قازٸر 28 قاراشا كٷنٸ كينوتەاترلاردا موانانىڭ قازاقشا سەانسىنا جۇمىستان كەيٸن ٶزٸمٸز قالاعان ۋاقىتتا بارا المايمىز. كينو.كز سايتىنداعى كەستەنٸ قارايىق (الماتى قالاسى):
Lumiera Cinema (تسۋم) 16 سەانستىڭ 3 عانا قازاقشا (كەشكٸ سوڭعى سەانس 17.15-تە),
Kinoplexx 7 Sary Arka 14 سەانستىڭ 14 دە ورىسشا,
Kinopark 8 Moskva 8 سەانستىڭ 8 دە ورىسشا,
Kinoforum 10 (ترتس Forum) 14 سەانستىڭ 14 دە ورىسشا.
وسى ەلدٸڭ ازاماتى رەتٸندە اشىنباي, شۋلاماي, كٷرەسپەي, جاي عانا تىپ-تىنىش قازاقشا كينوعا بارا الاتىن كٷن تۋا ما ەكەن? نەگە قاراپايىم ادام قۇقىمدى پايدالانۋ ٷشٸن كٷرەسكەر رەجيمٸن قوسۋىم كەرەك?!” -دەدٸ ول جەلٸدەگٸ پاراقشاسىندا.
قازاق تٸلٸندە 3 كٶرسەتٸلٸم, ال ورىسشا 10-نان اسادى
وسى مەسەلەنٸڭ مەن-جايىن بٸلۋ ٷشٸن ult.kz تٸلشٸسٸ ەلدەگٸ بٸرقاتار كينوتەاترلارعا حابارلاسىپ, «مونانا 2» مۋلتفيلمٸنٸڭ قازاق تٸلٸندەگٸ نۇسقاسى نەگە ٷلكەن ەكراننان از كٶرسەتٸلٸپ جاتقانىن سۇراعان ەدٸ. الايدا: «سۇراعىڭىزدى WhatsApp-قا جازىپ جٸبەرٸڭٸز» دەگەن جاۋاپ الدىق:
«ونى بٸز ەمەس, رۋكوۆودستۆو قويادى عوي. بٸزدە ٷش سەانس بار», -دەپ قىسقا قايىرعان Kinopark كينوتەارتىنىڭ ٶكٸلٸ تٸلشٸ سۇراعىنا ٶزدەرٸ ايتقان «رۋكوۆودستۆوسى» قاشان جاۋاپ بەرەتٸندەرٸن ناقتىلاپ ايتپادى.
نازار اۋدارىڭىز, Kinopark.kz سايتىندا ەلورداداعى سەانستاردا قازاق تٸلٸندە كٶرسەتٸلەتٸن «موانا 2» مۋلتحيكاياسى ورىس تٸلدەگٸ دۋبلياجعا قاراعاندا ەلدە قايدا از. قازاق تٸلدە كٶرسەتٸلەتٸن مۋلتفيلمنٸڭ سانى 3 بولسا, ورىس تٸلدەگٸ كٶرسەتٸلٸمنٸڭ سانى 10-نان استام.
«جىلىنا 443 ملن تەڭگە بٶلٸنەدٸ»
بۇعان دەيٸن سەنات دەپۋتاتى ايگٷل قاپپاروۆا شەتەل فيلمدەرٸنٸڭ قازاقشا دۋبلياجىنا بٶلٸنەتٸن اقشا يگەرٸلمەي قالعانىن ايتقان بولاتىن. ول ٶز سٶزٸندە شەتەلدٸك 15 بلوكباستەردٸ قازاق تٸلٸنە دۋبلياجداۋعا مەملەكەتتٸك قولداۋعا شامامەن جىلىنا 443 ملن تەڭگە بٶلٸنەدٸ دەگەن ەدٸ.
“كەلەر 2025-2027 جىلدارى دۋبلياجعا وسى سومادا قاراجات ەسكەرٸلگەن. الايدا 2023-2024 جىلدارى اتالعان قاراجات يگەرٸلمەي, بيۋدجەتكە قايتارىلدى. ياعني ەكٸ جىلدا شەتەلدٸك فيلمدەر دۋبلياجدانباعان. بۇل رەتتە كٶرەرمەننٸڭ ەلەمدٸك دەڭگەيدەگٸ تۋىندىلاردى انا تٸلٸندە كٶرۋ قۇقىعى ەسكەرٸلمەي وتىر. اتاپ ايتقاندا, قاراجاتتىڭ بيۋدجەتكە قايتارىلۋى سەبەبٸ نەدە?”- دەپ سەنەتورعا سۇراق قويعان ەدٸ ايگٷل قاپپاروۆا.
ال, ۆيتسە-مينيستر قانات ىسقاقوۆ ەڭ الدىمەن, گولليۆۋدتىق نەمەسە انيماتسييالىق فيلمدەردٸ قازاق تٸلٸنە اۋدارۋ ٷشٸن بٸرنەشە قاتاڭ شارت بارىن. ەرينە, وسى شارتتار بٸزدٸڭ سالت-دەستٷرٸمٸزگە, زاڭنامامىزعا سەيكەس كەلەتٸنٸن. بٸراق ەكٸ كٷردەلٸ تالاپتىڭ بارىن, ياعني ٸرٸ ديستريبيۋتورلىق كومپانييالار ولاردى جٷزەگە اسىرا الماي جاتقانىن جەتكٸزگەن ەدٸ.
“بٸرٸنشٸدەن, ەربٸر گولليۆۋدتىق نەمەسە انيماتسييالىق تۋىندىنى قازاقشاعا اۋداراردىڭ الدىندا ونلاين ساۋالناما بولۋى كەرەك. وعان بٸرنەشە اي كەرەك. ەكٸنشٸدەن, تەك قانا جوعارى رەيتينگ الۋعا قاۋقارلى فيلمدەر اۋدارىلۋى قاجەت دەگەن شارت بار. وسى ەكٸ تالاپتى ورىنداۋ ٷشٸن 3-4 اي ۋاقىت ٶتەدٸ. بۇل ۋاقىت تىم ۇزاق بولعاندىقتان, وعان ەشكٸم قىزىعۋشىلىق تانىتپايدى. سوندىقتان مينيسترلٸك پارلامەنت مەجٸلٸسٸنە تيٸستٸ زاڭ جوباسىن ەنگٸزٸپ, بۇل ەكٸ نورمانى جەڭٸلدەتۋ جۇمىسىن اتقارىپ جاتىر”, - دەگەن ەدٸ قانات ىسقاقوۆ.
ايتا كەتەيٸك, قازاقستاندا قازاق تٸلٸ مەسەلەسٸ ٶزەكتٸ پروبلەما. مەملەكەتتٸك قازاق تٸلٸ مەن رەسمي ورىس تٸلٸنٸڭ مەديادا قولدانىلۋ اياسىندا الشاقتىق ٶتە كٶپ, جەنە تٸل تالاپتارى جيٸ بۇزىلادى دەپ شاعىمدانۋشىلار دا كٶپ.
وقي وتىرىڭىز: "نورمالنو كينو تٷسٸرٸڭدەر": "موانا" نەگە داۋ بولدى?
