2026 جىلعى 21 ماۋسىم كٷنٸ روزا باعلانوۆا اتىنداعى «قازاقكونتسەرت» مەملەكەتتٸك اكادەمييالىق كونتسەرتتٸك ۇيىمىنىڭ ساحناسىندا «ASTANA MUSICAL» مەملەكەتتٸك تەاترىنىڭ «ميۋزيكل ەلەمٸنە ساياحات» اتتى تەاترلاندىرىلعان كونتسەرتتٸك باعدارلاماسى ٶتەدٸ, دەپ حابارلايدى ult.kz.
باعدارلاما كٶرەرمەندەردٸ ەلەمدٸك جەنە وتاندىق ميۋزيكل ٶنەرٸنٸڭ جارقىن تۋىندىلارىمەن قاۋىشتىرماق. كەش بارىسىندا كٶپشٸلٸككە تانىمال ميۋزيكلداردان ٷزدٸك كٶرٸنٸستەر, ەسەرلٸ مۋزىكالىق كومپوزيتسييالار مەن كەسٸبي ساحنالىق قويىلىمدار ۇسىنىلادى.
كونتسەرت باعدارلاماسىنا قازاقستاندىق «دوستار سەرتٸ», «روزا باعلانوۆا», «الدار كٶسە» ميۋزيكلدەرٸمەن قاتار, ەلەمدٸك مۋزىكالىق تەاتر ٶنەرٸنٸڭ جاۋھارلارى سانالاتىن «Moana», «Mamma Mia», «Moulin Rouge», «Romeo and Juliet», «Beauty and the Beast», «Notre Dame de Paris», «Aladdin», «Memphis», «Seasons of Love», «Waitress» جەنە «Hamilton» ميۋزيكلدەرٸنەن كٶرٸنٸستەر ساحنالانادى.
كٶرەرمەن سٷيٸكتٸ كەيٸپكەرلەرٸمەن قايتا قاۋىشىپ قانا قويماي, ەربٸر قويىلىمنىڭ تاڭداۋلى كٶرٸنٸستەرٸن جەنە جاندى مۋزىكالىق ورىنداۋلارىن تاماشالاي الادى.
ايتا كەتۋ كەرەك, اتالعان باعدارلاما بۇعان دەيٸن انشلاگپەن ٶتٸپ, كٶرەرمەندەردٸڭ جوعارى باعاسىنا يە بولعان ەدٸ. كٶپشٸلٸكتٸڭ سۇرانىسىنا وراي «ميۋزيكل ەلەمٸنە ساياحات» باعدارلاماسى قايتادان ساحناعا ورالىپ وتىر.
بۇل كەش ميۋزيكل جانرىنىڭ سان قىرلى ەلەمٸن تانىستىرىپ, ٶنەر سٷيەر قاۋىمعا ۇمىتىلماس ەسەر سىيلايتىن مەدەني دەمالىس سىيلاماق.
