قالانىڭ باس مەملەكەتتٸك سانيتارلىق دەرٸگەرٸ جانداربەك بەكشين الماتىلىقتاردى ميتينگٸلەر مەن جاپپاي جيىندارعا قاتىسپاۋعا شاقىرادى, دەپ حابارلايدى "ۇلت اقپارات".
«قالادا كوروناۆيرۋس ٸندەتٸ بويىنشا تٸركەلگەن وقيعالار ەلٸ جالعاسۋدا, تەك ٶتكەن تەۋلٸك ٸشٸندە بەلگٸسٸ بار 49 ادامنان ينفەكتسييا انىقتالدى, ال بٸر اپتا ٸشٸندە – 334 ادام تٸركەلدٸ. وسىلايشا, الماتىدا بارلىعى 2790 ادامنان كوروناۆيرۋس تٸركەلدٸ, 10 ادام قايتىس بولدى», – دەيدٸ جانداربەك بەكشين.
ونىڭ ايتۋىنشا, ٸندەتتٸ جۇقتىرۋشىلار ستاتيستيكاسى پاندەمييا اۋقىمىنىڭ ەلٸ دە ازايماعانىن كٶرسەتەدٸ.
«وسىنى ەسكەرە وتىرىپ, قالانىڭ باس سانيتارلىق دەرٸگەرٸ ەرٸ سانيتارلىق-ەپيدەميولوگييالىق جاعدايدىڭ ناشارلاۋىنا جول بەرمەيتٸن جاۋاپتى ادام رەتٸندە, سوڭعى كەزدەرٸ ەلەۋمەتتٸك جەلٸلەردە تاراپ جاتقان ادامدار كٶپ جينالاتىن بۇقارالىق شارالار مەن ميتينگكە شاقىرۋدىڭ تٶزگٸسٸز ەكەندٸگٸنە نازار اۋدارامىن. قالادا ەپيدەمييا ەلٸ دە جالعاسىپ جاتقان كەزدە ادامداردىڭ ٶمٸرٸ مەن دەنساۋلىعىنا قاۋٸپ تٶندٸرۋ بارىپ تۇرعان جاۋاپسىزدىق», – دەيدٸ ول.
ەلەمدٸك تەجٸريبە كٶرسەتٸپ وتىرعانداي, كٶپ جينالۋ, جاقىن ارالاسۋ ازاماتتاردىڭ ٸندەتتٸ جاپپاي جۇقتىرۋىنا ەكەپ سوعادى.
«ٶيتكەنٸ, ميتينگتەر جۇقتىرۋ وشاعى بولىپ تابىلادى. ەگەر, مۇنداي بۇقارالىق شارالار ٸندەتتٸ جۇقتىرۋعا سەبەپشٸ بولسا, وندا ميتينگتەردٸ ۇيىمداستىرۋشىلار زاڭناماعا سەيكەس جاۋاپقا تارتىلادى, تٸپتٸ قىلمىستىق ٸس قوزعالادى. وسىنداي بۇقارالىق شارالارعا قاتىسۋشىلار ٸندەت جۇقتىراتىن بولسا, وندا ەپيدەميولوگييالىق تەكسەرۋ اياسىندا شەتتەتٸلەدٸ», – دەدٸ ول.
COVID-19 جۇقتىرعاندار ينفەكتسييالىق اۋرۋحاناعا جاتقىزىلادى.
«ولارمەن ارالاسقاندار, مەيلٸ ولار ٸندەتتٸ كەپشٸلٸك جەردە نەمەسە ٷيدە جۇقتىرسىن, پروۆيزورلىق جەنە كارانتيندٸك گوسپيتالدا وقشاۋلانادى. سانيتارلىق-ەپيدەميولوگييالىق حاتتامانىڭ تالاپتارى وسىنداي, بٸز ونى مٸندەتتٸ تٷردە ورىندايمىز. حاتتاماعا سەيكەس, سانيتارلىق-ەپيدەميولوگييالىق قىزمەتكەرلەر كارانتين رەجيمٸندە جاپپاي جيىندارعا قاتىسقان ازاماتتاردى تٸركەپ, ۆيدەوتٷسٸرٸلٸم جٷرگٸزەدٸ. ال, تٸركەۋ قاتىسۋشىلار سانىن ەسەپتەپ, جۇقتىرۋ وشاعىنىڭ ەپيدەميولوگييالىق تەكسەرۋٸن ودان ارى جٷرگٸزٸپ, كوروناۆيرۋستىڭ تارالۋىنىڭ الدىن الۋ ٷشٸن قاجەت», – دەدٸ باس سانيتار دەرٸگەر.
سونىمەن قاتار, ول بۇقارالىق شارالارعا, ميتينگتەرگە قاتىسۋشىلار كوروناۆيرۋس جۇقتىرۋدىڭ ەپيدەمييالىق تٸزبەگٸن قۇرايتىنىن اتاپ ٶتتٸ. وسىنىڭ سالدارىنان ٸندەت سٸزدٸڭ ٷيٸڭٸزگە, وتباسىڭىزعا تارايدى, ەڭ الدىمەن بالالارعا جەنە قارت ادامدارعا قاۋٸپ تٶندٸرەدٸ.
«مٸنە, سوندىقتان مەن بۇرىندارى الماتى قالاسىنىڭ اۋماعىندا تٷرلٸ بۇقارالارىق شارالاردى ٶتكٸزۋگە تىيىم سالۋ جٶنٸندە قاۋلى قابىلداعان ەدٸم. قارت ادامدار مەن بۇرىننان قالىپتاسقان سىرقاتى بار جانداردان ادامدار كٶپ جينالاتىن جەرلەردەن اۋلاق جٷرۋدٸ سۇرايمىن. ٶيتكەنٸ, سٸز ٸندەتتٸ تەز جۇقتىراتىندار ساناتىنا جاتاسىز. بۇدان ٶزگە, جاپپاي جۇقتىرۋ قاۋپٸنٸڭ بولۋى مٷمكٸن ەكەندٸگٸن ەسكەرە وتىرىپ, تيٸستٸ قىزمەتتەردەن ادامدار كٶپ جينالاتىن ورىندارعا دەزينفەكتسييا جٷرگٸزۋدٸ كٷشەيتۋدٸ تالاپ ەتەمٸن», – دەدٸ ول.
ونىڭ ايتۋىنشا, تالاپتار مەن ٶتٸنٸشتەر قالانىڭ ەر تۇرعىنىنىڭ دەنساۋلىعىن قورعاۋ مەن سانيتارلىق-ەپيدەميولوگييالىق جاعدايلاردى جاقسارتۋعا نەگٸزدەلگەن.
«سوندىقتان بارلىق الماتىلىقتاردان جاۋاپكەرشٸلٸك تانىتۋدى ٶتٸنەمٸن. ٶيتكەنٸ, قوعامنىڭ دەنساۋلىعى ەرقايسىمىزدىڭ جەكە قاۋٸپسٸزدٸك شارالارىن مٷلتٸكسٸز ورىنداۋىمىزدان قۇرالادى», – دەپ قورتىندىلادى ج. بەكشين.
