ٶزبەكستان پرەزيدەنتٸ شاۆكات ميرزيياەۆ 25 قاڭتاردا ەلدٸڭ العاشقى پرەزيدەنتٸ يسلام كاريموۆتٸ مەڭگٸ ەستە قالدىرۋ تۋرالى قاۋلى شىعاردى, دەپ حابارلايدى "ۇلت اقپارات" centralasian.org اگەنتتٸگٸنە سٸلتەمە جاساپ.
قاۋلى بويىنشا, ٶزبەكستاندا بٸرنەشە مەكەمە مەن نىسانعا, ونىڭ ٸشٸندە تاشكەنت مەملەكەتتٸك تەحنيكالىق ۋنيۆەرسيتەتٸنە, اساكتاعى كٶلٸك قۇراستىرۋ زاۋىتىنا, فەرعاناداعى ٶنەر سارايىنا, تاشكەنتتەگٸ حالىقارالىق ەۋەجايعا, قاراقالپاقستان, تاشكەنت پەن بٸرنەشە قالالارداعى ورتالىق كٶشەلەرگە كاريموۆتٸڭ ەسٸمٸ بەرٸلمەك. قۇجاتتا سونىمەن قاتار سامارقاندا يسلام كاريموۆ جەرلەنگەن جەرگە مەموريالدى كەشەن تۇرعىزىلاتىنى ايتىلعان.
ٶتكەن جىلدىڭ سوڭىندا ٶزبەكستان بيلٸگٸ كاريموۆكە ەسكەرتكٸش تۇرعىزۋعا كونكۋرس جارييالانعان. ونىڭ قورىتىندىسى بويىنشا تاشكەنتتە, كاريموۆ تۋىپ-ٶسكەن سامارقاندا, قاشقادارييا وبلىسىنىڭ جەتەكشٸسٸ بولىپ قىزمەت ٸستەگەن كارشي قالاسىندا ەسكەرتكٸشتەر ورناتىلاتىن بولعان.
ميرزيياەۆتٸڭ جاڭا قاۋلىسى بويىنشا, ٶزبەكستاندا جىل سايىن 30 قىركٷيەكتە كاريموۆتٸڭ تۋعان كٷنٸ تويلانىپ, 2 قىركٷيەك تۇڭعىش پرەزيدەنتتٸ ەسكە الۋ كٷنٸ كٷنٸ دەپ جارييالانادى. ٶزبەكستان بيلٸگٸ مەملەكەتتٸك باق-تى كاريموۆتٸ ەسكە الۋمەن بايلانىستى شارالاردان حابار تاراتۋعا مٸندەتتەدٸ.
ٶزبەكستاندى 1989 جىلدان بەرٸ 27 جىلعا جۋىق ۋاقىت باسقارعان يسلام كاريموۆ 79 جاسىندا قايتىس بولدى. ونىڭ ٶلٸمٸ تۋرالى العاشقى حابار 2016 جىلى 29 تامىزدا شىقتى. كاريموۆتٸڭ قايتىس بولعانى تۋرالى رەسمي تٷردە 2 قىركٷيەكتە حابارلاندى. كاريموۆتٸڭ ٶلٸمٸنەن سوڭ پرەزيدەنت مٸندەتٸن ۋاقىتشا سول كەزدەگٸ پرەمەر-مينيستر شاۆكات ميرزيياەۆ اتقارىپ, كەيٸن ول پرەزيدەنت بولىپ سايلاندى.
