كوللاج: azattyq-ruhy.kz
ۋكراينانىڭ بۋچا قالاسىندا تٸگٸلگەن كيٸز ٷيگە قازاقستان ەلشٸلٸگٸنٸڭ قاتىسى جوق. جەكەمەنشٸك قازاقستاندىق كومپانييالاردىڭ باستاماسى. بۇل تۋرالى قازاقستان سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ مەلٸمدەدٸ, دەپ حابارلايدى Sputnik قازاقستان.
ٷكٸمەت كۋلۋارىندا سماديياروۆ بۋچاداعى اكتسييانى قازاقستاندىق بيزنەسمەندەر ۇيىمداستىرعانىن ايتتى.
"كيٸز ٷي قويىلدى, بۇدان قانداي پروبلەما تۋىندادى. بۇل جەكە قازاقستاندىق كومپانييالاردىڭ باستاماسى. ٶزدەرٸ اپارىپ, ٶزدەرٸ جيناپ, ٶزدەرٸ كٶمەكتەسٸپ جاتىر. كيٸز ٷي دەگەن تەز جينالاتىن, ورنىن اۋىستىرا سالاتىن ٷي. سوندىقتان بٸزدٸڭ بيزنەسمەندەر ۋكراين حالقىنا كٶمەكتەسۋ ٷشٸن وسىنداي باستاما كٶتەرگەن", - دەپ تٷسٸندٸردٸ سماديياروۆ.
ونىڭ ايتۋىنشا, قازاقستاننىڭ سىرتقى ٸستەر مينيسترلٸگٸ كيٸز ٷيدەن ەشقانداي پروبلەما كٶرٸپ تۇرعان جوق.
بۇل رەتتە ول قازاقستاندا 300 مىڭعا جۋىق ۋكراين دياسپوراسى تۇراتىنىن, ۋكراينا اۋماعىندا دا قازاقستاننىڭ دياسپوراسى بار ەكەنٸن اتاپ ٶتتٸ.
"ولار بٸر-بٸرٸمەن ارالاسادى. ۇلتارالىق وتباسىلار بار, بٸر-بٸرٸنە كٶمەكتەسەدٸ. ەرينە, قازٸر ۋكراينادا جاعداي قيىن, سوندىقتان بۇل اقپارات قازٸر باسقاشا كٶرٸنٸپ جاتقان شىعار. بٸراق بٸز بۇدان ەشقانداي پروبلەما كٶرٸپ تۇرعان جوقپىز", - دەدٸ سماديياروۆ.
بۇعان دەيٸن رەسەي سٸم رەسمي ٶكٸلٸ مارييا زاحاروۆا ۋكراينانىڭ بۋچا قالاسىندا "مىزعىماستىق كيٸز ٷيٸ" تٸگٸلگەنٸنە نازار اۋدارعان ەدٸ. ول قازاقستاننىڭ سىرتقى ٸستەر مينيسترلٸگٸنەن وسى مەسەلەگە قاتىستى رەسمي تٷسٸنٸكتەمە بەرۋدٸ سۇرادى.
