قر وقۋ-اعارتۋ مينيسترلٸگٸنٸڭ بالالاردىڭ قۇقىقتارىن قورعاۋ كوميتەتٸ بەس بالانى ەلگە قايتاردى. ەلٸمٸزدٸڭ كەمەلەتكە تولماعان ازاماتتارى قىرعىزستاندا زاڭسىز جٷرگەن, دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
2022 جىلدىڭ باسىنان بەرٸ قىرعىز رەسپۋبليكاسىنان 3 قىز جەنە 2 ۇل ەلگە قايتارىلعان.
«بالالاردىڭ قۇقىقتارىن قورعاۋ كوميتەتٸ بالالاردىڭ مٷددەسٸ ٷشٸن اۋقىمدى جۇمىس اتقارىپ جاتىر. 2022 جىلدىڭ باسىنان بەرٸ قر وقۋ-اعارتۋ مينيسترلٸگٸنٸڭ بالالاردىڭ قۇقىقتارىن قورعاۋ كوميتەتٸ قىرعىز رەسپۋبليكاسىنىڭ اۋماعىنان بارلىعى 5 كەمەلەتكە تولماعان بالانى, سونىڭ ٸشٸندە 3 قىز جەنە 2 ۇل بالانى ەلگە قايتاردى. 2011 جىلى تۋعان قىز قىرعىزستاننىڭ پانفيلوۆ اۋدانىندا زاڭسىز بولعان. قولدا بار اقپاراتقا سەيكەس, بالانىڭ اناسى كٶرشٸ مەملەكەتكە بارىپ, قىزىن تەربيەلەۋگە تيٸستٸ قۇجاتتاردى رەسٸمدەمەي, بەيتانىس ادامدارعا تاپسىرعان. بالا جاقىن تۋىسىنىڭ ٶتٸنٸشٸ بويىنشا قازاقستانعا قايتارىلدى. سونداي-اق 2009 جەنە 2011 جىلدارى تۋعان ەپكەسٸ مەن ٸنٸسٸ بٸشكەكتە بولعان. قازاقستان رەسپۋبليكاسى مەن قىرعىز رەسپۋبليكاسىنىڭ مەملەكەتتٸك ورگاندارى ارقىلى بالالاردى ەلگە قايتارۋ قاجەتتٸلٸگٸ تۋرالى ٶتٸنٸش كەلٸپ تٷستٸ. تاعى بٸر جاعداي 2010 جەنە 2015 جىلى تۋعان اعاسى مەن قارىنداسى قىرعىز رەسپۋبليكاسىنىڭ وش وبلىسىنىڭ قارا-سۋي اۋدانىندا بولعان. بالالار تۋىستارىندا زاڭسىز بولعان جەنە ولار اناسىنىڭ ٶتٸنٸشٸ بويىنشا ەلگە قايتارىلدى, – دەدٸ قر وقۋ-اعارتۋ ۆيتسە-مينيسترٸ عاني بەيسەمباەۆ.
ٸس-شارا بارىسىندا كەمەلەتكە تولماعاننىڭ بارلىعى الماتى قالاسىنداعى بالالاردى قولداۋ ورتالىعىنا جەتكٸزٸلدٸ. قازٸرگٸ ۋاقىتتا قولدانىستاعى زاڭناماعا سەيكەس بالالاردى تۋىستارىنا بەرۋ جۇمىستارى اياقتالدى/نەمەسە جٷرگٸزٸلٸپ جاتىر.
قر وقۋ-اعارتۋ مينيسترلٸگٸنٸڭ بالالاردىڭ قۇقىقتارىن قورعاۋ كوميتەتٸ تەۋەلسٸز مەملەكەتتەر دوستاستىعىنا قاتىسۋشى مەملەكەتتەر اراسىنداعى كەمەلەتكە تولماعانداردى تۇراقتى تۇراتىن مەملەكەتتەرٸنە قايتارۋ مەسەلەلەرٸ بويىنشا ىنتىماقتاستىق تۋرالى كەلٸسٸمگە سەيكەس اتا-اناسىنىڭ نەمەسە زاڭدى ٶكٸلدەرٸنٸڭ ٶتٸنٸشٸ بويىنشا بالالاردى قايتارۋعا قولداۋ كٶرسەتەدٸ.
قازاقستان رەسپۋبليكاسى ازاماتتارىنان تاعى ٶتٸنٸشتەر تٷسكەن جاعدايدا مۇنداي جۇمىستار جالعاسىن تاپپاق.
