ەنەرگەتيكا مينيسترلٸگٸ ەلدەگٸ ديزەل باعاسىنا قاتىستى رەسمي تٷسٸنٸكتەمە بەردٸ, دەپ حابارلايدى قازاقپارات.
«بيىل 9 ايدىڭ قورىتىندىسى بويىنشا ديزەلدٸڭ ليترٸ 188 تەڭگەنٸ قۇرادى. ٶتكەن جىلى وسىعان ۇقساس باعا بولدى, ال 2019 جىلى ديزەلدٸڭ ورتاشا باعاسى 193 تەڭگە (1 ليتر) تۇردى. دەگەنمەن 2019-2020 جىلدارى قىستىگٷنٸ بۇل وتىننىڭ ليترٸ 255-270 تەڭگەگە دەيٸن كٶتەرٸلدٸ. سوڭعى ۋاقىتتا باعانىڭ ٶسۋٸ بايقالۋدا, بٷگٸندە ەلٸمٸزدە ديزەلدٸڭ ورتاشا باعاسى 214-330 تەڭگە ارالىعىن قۇراپ وتىر. ماۋسىمدىق جاعداي تۇراقتالسا باعا دا ورنىنا كەلەدٸ دەپ بولجانۋدا», - دەدٸ قر ەنەرگەتيكا ۆيتسە-مينيسترٸ ەسەت ماعاۋوۆ ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
سونداي-اق, ۆيتسە-مينيستر ديزەل باعاسىنىڭ كٷرت ٶسۋٸنە قاتىستى پٸكٸر بٸلدٸردٸ.
«باعانىڭ كٷرت ٶسۋٸنە ەكٸ فاكتور سەبەپ بولۋى مٷمكٸن. بٸرٸنشٸدەن, رەسەيدەن ديزەل وتىنىن جەتكٸزۋ قىمباتقا تٷسٸپ وتىر. قىركٷيەكتە رەسەيمەن شەكاراداعى جازعى ديزەلدٸڭ ليترٸ 230 تەڭگەگە دەيٸن كٶتەرٸلسە, قىسقى ديزەلدٸڭ ليترٸ 260 تەڭگەگە دەيٸن جەتٸپ ٷلگٸردٸ. ەكٸنشٸدەن, ەكەلٸنگەن ديزەلدٸ ەلٸمٸز بويىنشا جانارماي قۇيۋ ستانتسييالارىنا جەتكٸزۋ مەن باسقا دا وپەراتسييالىق شىعىنداردى ەسكەرسەك باعانىڭ ٶسۋٸ تٷسٸنٸكتٸ. وسى ورايدا وتاندىق ٶنەركەسٸپتەردٸڭ ٶندٸرٸس كٶلەمٸن ارتتىرساق, جاعداي تۇراقتالادى دەگەپ ويدامىز», - دەيدٸ ول.
