Energetika ministrligi eldegi dizel baǵasyna qatysty resmi túsinikteme berdi, dep habarlaidy QazAqparat.
«Biyl 9 aidyń qorytyndysy boiynsha dizeldiń litri 188 teńgeni qurady. Ótken jyly osyǵan uqsas baǵa boldy, al 2019 jyly dizeldiń ortasha baǵasy 193 teńge (1 litr) turdy. Degenmen 2019-2020 jyldary qystygúni bul otynnyń litri 255-270 teńgege deiin kóterildi. Sońǵy ýaqytta baǵanyń ósýi baiqalýda, búginde elimizde dizeldiń ortasha baǵasy 214-330 teńge aralyǵyn qurap otyr. Maýsymdyq jaǵdai turaqtalsa baǵa da ornyna keledi dep boljanýda», - dedi QR Energetika vitse-ministri Áset Maǵaýov Ortalyq kommýnikatsiialar qyzmetinde ótken baspasóz máslihatynda.
Sondai-aq, vitse-ministr dizel baǵasynyń kúrt ósýine qatysty pikir bildirdi.
«Baǵanyń kúrt ósýine eki faktor sebep bolýy múmkin. Birinshiden, Reseiden dizel otynyn jetkizý qymbatqa túsip otyr. Qyrkúiekte Reseimen shekaradaǵy jazǵy dizeldiń litri 230 teńgege deiin kóterilse, qysqy dizeldiń litri 260 teńgege deiin jetip úlgirdi. Ekinshiden, ákelingen dizeldi elimiz boiynsha janarmai quiý stantsiialaryna jetkizý men basqa da operatsiialyq shyǵyndardy eskersek baǵanyń ósýi túsinikti. Osy oraida otandyq ónerkásipterdiń óndiris kólemin arttyrsaq, jaǵdai turaqtalady degep oidamyz», - deidi ol.
