ۆيدەودان الىنعان كادر
قورعانىس مينيسترلٸگٸ پارلامەنت مەجٸلٸسٸنٸڭ دەپۋتاتى دەۋلەت تۇرلىحانوۆتىڭ ۇلىنىڭ ەسكەري بٶلٸمنەن قاشىپ كەتكەنٸ تۋرالى اقپاراتتى راستادى, دەپ حابارلايدى "ۇلت اقپارات".
"2 شٸلدەدە قوناەۆ گارنيزونىنىڭ ەسكەري بٶلٸمدەرٸنٸڭ بٸرٸندە مەرزٸمدٸ قىزمەتٸن ٶتكەرٸپ جاتقان قاتارداعى جاۋىنگەر ب. قاماۋعا الۋ مەرزٸمٸ اياقتالعاننان كەيٸن (بۇيرىققا باعىنباۋ نەمەسە ونى ٶزگەدەي ورىنداماعانى ٷشٸن گاۋپتۆاحتادا ۇستاۋ تٷرٸندە ەكٸمشٸلٸك جاۋاپكەرشٸلٸككە تارتىلدى) ەسكەري قىزمەتشٸنٸڭ سٷيەمەلدەۋٸمەن ەسكەري بٶلٸمنٸڭ ورنالاسقان جەرٸنە قايتىپ بارا جاتقان كەزٸندە بەلگٸسٸز باعىتقا قاشىپ كەتكەن" - دەلٸنگەن مينيسترلٸك حابارلاماسىندا.
ۆەدومستۆو مەلٸمەتٸنشە, ەسكەري قىزمەتشٸنٸڭ ورنالاسقان جەرٸن انىقتاۋ بويىنشا ٸزدەستٸرۋ ٸس-شارالارى ۇيىمداستىرىلدى. اتالعان دەرەككە قاتىستى قىزمەتتٸك تەكسەرٸس تاعايىندالعان.
ايتا كەتەيٸك, بۇعان دەيٸن دەپۋتاتتىڭ ۇلىنىڭ ەسكەري بٶلٸمنەن قاشىپ كەتكەنٸن زاڭگەر اننا چەرنوۆا حابارلاعان بولاتىن.
"ماعان مەجٸلٸس دەپۋتاتى دەۋلەت تۇرلىحانوۆتىڭ ۇلى نۇراسىل بولاتتىڭ ەسكەري بٶلٸمنەن قاشىپ كەتكەنٸ بەلگٸلٸ بولدى. وعان ەسكەري بٶلٸم باسشىسىنىڭ باقىلاۋىندا بولسىن دەگەن بۇلتارتپاۋ شاراسى تاعايىندالعان. بٸراق ونى كەشەدەن بەرٸ تابا الماي جاتىر. BMW كٶلٸگٸنە وتىرىپ, كەتٸپ قالىپتى. بالا تەرگەۋدە ەكەنٸن ۇمىتىپ كەتكەن سيياقتى. ونى كٶرگەندەر بولسا, ايتىڭىزدارشى", - دەپ جازدى ول Instagram-داعى پاراقشاسىندا.
ەسكە سالايىق, بيىل اقپاندا الماتىدا زاڭگەر اننا چەرنوۆا مەن ونىڭ كٷيەۋٸ ولەگ چەرنوۆ سوققىعا جىعىلعان ەدٸ.
الماتى قالالىق پوليتسييا دەپارتامەنتٸ اتالعان دەرەك قر قك-نٸڭ 293-بابى («بۇزاقىلىق») بويىنشا سوتقا دەيٸنگٸ تەرگەۋدٸڭ بٸرىڭعاي تٸزٸلٸمٸنە تٸركەلگەنٸن حابارلادى.
كەيٸن ەرلٸ-زايىپتىلاردى ۇرعان ادام مەجٸلٸس دەپۋتاتى دەۋلەت تۇرلىحانوۆتىڭ ۇلى نۇراسىل بولات ەكەنٸ انىقتالعان.
