بيىل مەكتەپ تٷلەكتەرٸ ۇلتتىق بٸرىڭعاي تەستٸلەۋدٸ 2 رەت تاپسىرا الادى. بۇل تۋرالى بٷگٸن قر بٸلٸم جەنە عىلىم ۆيتسە-مينيسترٸ ميراس دەۋلەنوۆ ايتتى, دەپ حابارلايدى "ۇلت اقپارات".
«ناۋرىزدىڭ 10-ى مەن سەۋٸردٸڭ 10-ى ارالىعىندا ۇبت اقىلى نەگٸزدە ٶتەدٸ. وعان ٷمٸتكەرلەر بٸر رەت قانا قاتىسا الادى. ال 15 سەۋٸر مەن 30 ماۋسىم ارالىعىندا ۇبت تەگٸن بولادى. بۇل رەتتە ٷمٸتكەرلەر ۇبت-نى ەكٸ رەت تاپسىرۋ مٷمكٸندٸگٸنە يە. ولار بٸلٸم گرانتتارىن بٶلۋگە قاتىسادى. سەۋٸر-ماۋسىم ارالىعىنداعى ۇبت-عا بيىل مەكتەپ بٸتٸرەتٸن 120 مىڭ تٷلەكتٸڭ قاتىساتىندىعى جوسپارلانعان», - دەدٸ ول مينيسترلٸكتٸڭ اپپارات جينالىسىندا.
ونىڭ اتاپ ٶتۋٸنشە, ەلٸمٸزدٸڭ ٶڭٸرلەرٸندە ۇبت ٶتكٸزۋ پۋنكتەرٸنٸڭ سانى جەتكٸلٸكتٸ.
بيىل ۇبت-نى مەكتەپ بٸتٸرۋشٸلەر, ٶتكەن جىلى ورتا بٸلٸم ۇيىمدارىن بٸتٸرگەندەر, كەسٸبي-تەحنيكالىق ورتا بٸلٸم العاندار, قازاقستان ازاماتى ەمەس تۇلعالار, شەتەلدەردەگٸ بٸلٸم ۇيىمىن بٸتٸرگەندەر تاپسىرادى.
«ٶتكەن جىلى بٸز ولارعا ۇبت-نى پاندەميياعا بايلانىستى قاشىقتان ٶتكٸزگەن ەدٸك. سوندىقتان ولاردا ۇبت-نى ەلەكتروندى فورماتتا تاپسىرۋ تەجٸريبەسٸ بار جەنە بۇل ولار ٷشٸن جاڭالىق ەمەس», - دەدٸ ميراس دەۋلەنوۆ.
