فوتو: pexels.com
ٸشكٸ ٸستەر مينيسترلٸگٸ بارشا اتا-انالارعا ٷندەۋ جاسادى, – دەپ حابارلايدى Polisia.kz.
"قۇرمەتتٸ اتا-انالار! بيىلعى سەگٸز ايدا پوليتسييا ەسٸرتكٸ تاراتۋعا قاتىسقانى ٷشٸن 30 كەمەلەتكە تولماعان بالانى ۇستادى. ەسٸرتكٸ جاسىرۋمەن اينالىساتىن 14 جاستاعى جاسٶسپٸرٸمدەر دە كەزدەسەدٸ. ولار ەسٸرتكٸ قىلمىسىنىڭ جەكەلەگەن تٷرلەرٸ بويىنشا ەرەسەكتەرمەن بٸردەي قىلمىستىق جاۋاپكەرشٸلٸككە تارتىلادى", - دەلٸنگەن مەلٸمدەمەدە.
سوندىقتان پوليتسييا قىزمەتكەرلەرٸ بارلىق وقۋ ورىندارىندا قۇقىقتىق تٷسٸندٸرۋ جۇمىستارىن جٷرگٸزەدٸ.
ۆەدومستۆو مەلٸمەتٸنشە, جىل باسىنان بەرٸ 725 مىڭ ادامدى قامتيتىن 9738 تٷرلٸ پروفيلاكتيكالىق ٸس-شارا ٶتكٸزٸلگەن.
"باستى نازاردا جوعارى سىنىپ وقۋشىلارى جەنە اتا-انالارىنان جىراقتا تەۋەلسٸز ٶمٸردٸ باستاعان 1-2 كۋرس ستۋدەنتتەرٸ. پوليتسييا كٶبٸنە بولىپ قويعان فاكتٸلەرمەن جۇمىس جاسايدى. ال ۇستالعان جاسٶسپٸرٸمدەر ٷشٸن قۇقىقتىق سالدار تۋىندايدى. وسىعان بايلانىستى بٸز سٸزدەردٸ بالالارىڭىزبەن ولاردىڭ بارلىق ەرەكەتتەرٸنٸڭ قۇقىقتىق سالدارى تۋرالى سٶيلەسۋگە شاقىرامىز. جاسٶسپٸرٸمدەردٸڭ ٶمٸرٸنە بارىنشا قاتىسىڭىز. ەگەر ولار زاڭسىز ەرەكەتكە تارتىلسا, سٸزگە ايتۋدان قورىقپاۋى كەرەك. بالالارىڭىزدىڭ ورتاسىن بٸلٸپ, ولار پايدالاناتىن ينتەرنەت-رەسۋرستاردى باقىلاۋىڭىز قاجەت", - دەيدٸ پوليتسەيلەر.
جاسٶسپٸرٸمنٸڭ زاتتارىنداعى كەز كەلگەن دەرٸ-دەرمەك قاپتامالارىنا, فولگاعا, شىنى تٷتٸكتەرگە, تامشۋىرلارعا نازار اۋدارۋ كەرەگٸ ايتىلادى. مۇنىڭ بەرٸ سينتەتيكالىق ەسٸرتكٸنٸ قولدانۋعا ارنالعان قۇرال بولا الادى ەكەن.
"ەگەر جاسٶسپٸرٸمنٸڭ ٷلگەرٸمٸ كٷرت تٶمەندەپ, ساباققا بارماۋى ارتىپ, قارىم-قاتىناس اينالاسى ٶزگەرسە, بۇل اتا-انالاردىڭ كٷدٸگٸن تۋعىزۋى تيٸس. ەسٸرتكٸنٸ قولدانۋدىڭ جاناما بەلگٸلەرٸ كٶڭٸل-كٷيدٸڭ جيٸ ٶزگەرۋٸ, اشۋلانشاقتىق, اپاتييا بولۋى مٷمكٸن. جاسٶسپٸرٸمنٸڭ ەسٸرتكٸ تاراتۋمەن اينالىساتىنىنىڭ تاعى بٸر بەلگٸسٸ – كٶپ اقشا, قىمبات زاتتاردى ساتىپ الۋى. ەگەر بالانىڭ تەلەفونىندا, مەسسەندجەرلەردە گەولوكاتسييالارى بار بەلگٸلەر, ەسٸرتكٸ جاسىرىلعان جەرلەردٸڭ فوتوسۋرەتتەرٸ, ٷي قابىرعالارىندا, ستەندتەرٸندەگٸ باسقا دا جازبالار بولسا, بۇل دا كٷدٸك تۋعىزۋى كەرەك", - دەيدٸ پوليتسەيلەر.
ەستەرٸڭٸزگە سالا كەتەيٸك, ەسٸرتكٸ قىلمىستارى ٷشٸن قىلمىستىق جاۋاپكەرشٸلٸك 16 جاستان, ال قىلمىستاردىڭ جەكەلەگەن قۇرامى بويىنشا 14 جاستان باستالادى.
