سىرتقى ٸستەر مينيسترلٸگٸ قىتايدا ەسٸرتكٸ كونترابانداسى ٷشٸن ۇستالعان اقجارقىن تۇرلىبايدى ەلگە قايتارۋ مەسەلەسٸن تٷسٸندٸردٸ.
مينيستردٸڭ بٸرٸنشٸ ورىنباسارى شاحرات نۇرىشەۆتٸڭ ايتۋىنشا, سوتتىڭ سوڭعى شەشٸمٸ ەلٸ شىققان جوق. ونسىز اقجارقىن تۇرلىبايدى ەكستراديتسييالاۋعا سۇراۋ سالۋ مٷمكٸن ەمەس.
«سوتتىڭ سوڭعى وتىرىسى قىركٷيەك ايىندا بولعان. بٸراق شەشٸم ەلٸ شىققان جوق. بٸز سونى كٷتٸپ وتىرمىز. سوتتىڭ شەشٸمٸ شىققاننان كەيٸن ەكستراديتسييالاۋعا بولادى. تەرتٸپ بويىنشا ونىڭ تۋعان-تۋىستارى باس پروكۋراتۋراعا اقجارقىندى ەكستراديتسييالاۋ تۋرالى ٶتٸنٸشحات جولدايدى. سونىڭ نەگٸزٸندە باس پروكۋراتۋرا قىتايداعى كونتر ەرٸپتەستەرگە سۇراۋ سالادى. ولار ٶز كەزەگٸندە سوتتالعان ادامدى بەرە مە, جوق پا, ٶزدەرٸ شەشەدٸ. وڭ شەشٸم بولسا, ەكستراديتسييا جاسالادى» دەدٸ نۇرىشەۆ Sputnik قازاقستانعا بەرگەن سۇقباتىندا.
ونىڭ سٶزٸنە قاراعاندا, اقجارقىن تۇرلىباي ەلگە قايتارىلعاننان كەيٸن ونىڭ ٸسٸن قازاقستاننىڭ سوتى قارايدى. سەبەبٸ ەكٸ ەلدٸڭ زاڭناماسى ەكٸ بٶلەك جەنە قىلمىس ٷشٸن بەرٸلەتٸن جازا ەرتٷرلٸ.
«يە, جازانىڭ مەرزٸمٸ ٶزگەرۋٸ مٷمكٸن. سەبەبٸ قازاقستان مەن قىتايدىڭ زاڭناماسى بٸر-بٸرٸنە ۇقسامايدى. بٸر قىلمىس ٷشٸن ەرتٷرلٸ جازا بەرٸلەدٸ. سوندىقتان بۇل جەردە ول ٶز جازاسىن قازاقستاننىڭ زاڭناماسى بويىنشا ٶتەۋٸ تيٸس» دەپ اتاپ كٶرسەتتٸ نۇرىشەۆ.
قازاقستان ازاماتى اقجارقىن تۇرلىباي 2014 جىلى ناۋرىزدا گۋانچجوۋ ەۋەجايىندا ۇستالعان بولاتىن. وعان شەكارادان 4,5 كەلٸ ەسٸرتكٸنٸ الىپ ٶتپەك بولدى دەگەن ايىپ تاعىلدى. ول كەزدە وتانداسىمىز 20 جاستا بولعان ەدٸ. 2015 جىلدىڭ ماۋسىمىندا قىتاي سوتى ونى ٶمٸر بويىنا باس بوستاندىعىنان ايىردى. سوتتا اقجارقىن شەتەلدٸك دوسى الداپ كەتكەنٸن ايتىپ, كٸنەسٸن مويىنداعان جوق.
2016 جىلى سوت شەشٸمٸ جويىلىپ, ٸس قايتا قاراۋعا جٸبەرٸلدٸ.بيىل 3 قىركٷيەكتە قىتايدىڭ گۋانچجوۋ قالالىق سوتىندا اقجارقىن تۇرلىبايدىڭ ٸسٸ بويىنشا وتىرىس ٶتتٸ. سوت وتىرىسى 2 ساعاتتان استام ۋاقىت بولدى. اقجارقىن تۇرلىباي قىتاي تٸلٸندە جاۋاپ بەرٸپ وتىردى.
ال 9 قىركٷيەكتە وتانداسىمىزدىڭ اناسى زۋحرا سەيتٸموۆا قازاقستان پرەزيدەنتٸنە كٶمەك سۇراپ حات جازعانى حابارلاندى. ارتىنشا قاسىم-جومارت توقاەۆ قىتايعا ساپارى كەزٸندە اقجارقىن تۇرلىبايدىڭ مەسەلەسٸن كٶتەردٸ.
قازاقستاننىڭ قىتايداعى ەلشٸلٸگٸنٸڭ مەلٸمەتٸنە سٷيەنسەك, تۇرلىباي قاسىنداعى سوتتالعاندارعا اعىلشىن تٸلٸن ٷيرەتٸپ جٷر.
سىرتقى ٸستەر مينيسترلٸگٸ Sputnik قازاقستان ساۋالىنا بەرگەن رەسمي جاۋابىندا اقجارقىن تۇرلىباي كٶركەم ەدەبيەت وقيتىنىن ايتتى. دەنە شىنىقتىرۋمەن دە اينالىسادى. قىتاي تٸلٸن جاقسى مەڭگەرٸپ العان. تٷزەتۋ مەكەمەسٸندەگٸ جاعدايعا قاتىستى شاعىمى جوق ەكەن.
قازاقستاننىڭ قىتايداعى ەلشٸلٸگٸنٸڭ قىزمەتكەرلەرٸ گۋانچجوۋداعى تٷرمەگە بارىپ, تۇرلىبايدىڭ قال-جاعدايىن بٸلٸپ تۇرادى. بۇعان قوسا, اقشالاي كٶمەك كٶرسەتٸپ, سۇراعان كٸتاپتارىن تاۋىپ بەرەدٸ.
