فوتو: نارگيز سەۆەرنايا/facebook.com
اقپارات جەنە قوعامدىق دامۋ مينيسترٸ دارحان قىدىرەلٸ جۋرناليستەردٸڭ ۇستالۋىنا قاتىستى ويىن ايتتى, - دەپ حابارلايدى Tengrinews.kz سايتى.
قازاقستان حالقى اسسامبلەياسىنىڭ حححٸٸ سەسسيياسى كۋلۋارىندا باق ٶكٸلدەرٸ مينيستردەن الماتىدا ەرٸپتەستەرٸنٸڭ ۇستالۋ وقيعالارى جيٸلەپ كەتكەنٸنە, سونداي-اق جۋرناليستەر ۆلاديمير مەن نارگيز سەۆەرنىيعا قاتىستى پٸكٸر بٸلدٸرۋدٸ سۇرادى.
"بٸز قاشاندا جۋرناليستەردٸڭ قۇقىعىن قورعاپ كەلدٸك. كەيبٸر ەرٸپتەستەرگە جۋرناليستٸك قىزمەتٸنە قاتىستى ەمەس ايىپ تاعىلدى. بارلىعى تەرگەۋ اياسىندا. اقپارات بولسا ايتامىز, تيٸستٸ ورگانداردان سۇرايمىز. ولارعا جۋرناليستٸك قىزمەتٸنە قاتىستى ەمەس ايىپ تاعىلدى", - دەدٸ دارحان قىدىرەلٸ.
ەسكە سالايىق, الماتىدا قازاقستاندىق جۋرناليستەر ۆلاديمير مەن نارگيز سەۆەرنىي ۇستالعان ەدٸ. الماتى سوتىنىڭ باسپاسٶز قىزمەتٸ ۆلاديمير سەۆەرنىيدىڭ ەكٸ ايعا قاماۋعا الىنعانىن حابارلادى. ال ەيەلٸ نارگيز ٷيقاماققا الىندى.
