Foto: Nargiz Severnaia/facebook.com
Aqparat jáne qoǵamdyq damý ministri Darhan Qydyráli jýrnalisterdiń ustalýyna qatysty oiyn aitty, - dep habarlaidy Tengrinews.kz saity.
Qazaqstan halqy Assambleiasynyń HHHII sessiiasy kýlýarynda BAQ ókilderi ministrden Almatyda áriptesteriniń ustalý oqiǵalary jiilep ketkenine, sondai-aq jýrnalister Vladimir men Nargiz Severnyiǵa qatysty pikir bildirýdi surady.
"Biz qashanda jýrnalisterdiń quqyǵyn qorǵap keldik. Keibir áriptesterge jýrnalistik qyzmetine qatysty emes aiyp taǵyldy. Barlyǵy tergeý aiasynda. Aqparat bolsa aitamyz, tiisti organdardan suraimyz. Olarǵa jýrnalistik qyzmetine qatysty emes aiyp taǵyldy", - dedi Darhan Qydyráli.
Eske salaiyq, Almatyda qazaqstandyq jýrnalister Vladimir men Nargiz Severnyi ustalǵan edi. Almaty sotynyń baspasóz qyzmeti Vladimir Severnyidyń eki aiǵa qamaýǵa alynǵanyn habarlady. Al áieli Nargiz úiqamaqqa alyndy.
