قر ۇلتتىق ەكونوميكا مينيسترٸ ەلٸبەك قۋانتىروۆ ٷكٸمەت وتىرىسىنان كەيٸن باق ٶكٸلدەرٸنە بەرگەن سۇحباتىندا ۋكرايناداعى جاعدايدىڭ قازاقستانداعى ينفلياتسيياعا قالاي ەسەر ەتەتٸنٸن ايتتى, دەپ حابارلايدى قازاقپارات.
«قازٸر بٸزدە ينفلياتسييا دەلٸزٸ 5-7 پايىزدىڭ شاماسىندا بولسا, تاعى 1-2 پايىزعا كٶتەرٸلەتٸن شىعار. بٸز ايتىپ وتىرعان نەگاتيۆتٸ ستسەناريي بويىنشا ودان دا ٷلكەن بولۋى مٷمكٸن. قازٸر ناقتى بٸردەڭە ايتۋعا ەرتە. ٶيتكەنٸ جاعداي نە كٷرت ناشارلاۋى مٷمكٸن, نە كٷرت جاقسارۋى مٷمكٸن. بۇل قازٸر ەكٸ ەل اراسىندا ٶتٸپ جاتقان كەلٸسسٶزدەرگە بايلانىستى. ۋكراينا-رەسەي اينالاسىنداعى جاعداي قانشالىق ۇزاققا سوزىلسا, ەكونوميكاعا ەسەرٸ دە سونشالىق كٷشتٸ بولادى. ياعني, پروبلەما نەعۇرلىم تەز شەشٸلسە, ٶڭٸردەگٸ ەلدەر دە سوعۇرلىم از زارداپ شەككەلٸ تۇر», - دەگەن مينيستر ٶڭٸردەگٸ گەوساياسي احۋال جىلجىمايتىن مٷلٸك باعاسىنا دا ەسەر ەتۋٸ مٷمكٸن ەكەنٸن مەلٸم ەتتٸ.
«تەڭگە ەلسٸرەگەن كەزدە جىلجىمايتىن مٷلٸك نارىعىندا كەيبٸر قۇرىلىس ماتەريالدارىنىڭ باعاسىنا قىسىم تٷسەدٸ. قۋانىشقا وراي, قازٸر ماتەريالداردىڭ كٶبٸن ٶزٸمٸزدە ٶندٸرەمٸز. تٸپتٸ كەيبٸر كٶرسەتكٸشتەر بويىنشا 80 نەمەسە 100 پايىز الماستىرۋعا قول جەتكٸزدٸك. كەراميكا, شىنى سيياقتى بۇرىن مٷلدە قازاقستاندا ٶندٸرٸلمەگەن تاۋارلار بويىنشا 1-2 زاۋىت سالۋ ارقىلى-اق يمپورتتى 100 پايىز الماستىرۋعا قول جەتكٸزٸپ جاتىرمىز», - دەدٸ ەلٸبەك قۋانتىروۆ.
