ٸشكٸ ٸستەر مينيسترٸ ەرلان تۇرعىمباەۆ قازا تاپقانداردىڭ وتباسىنا كٶڭٸل ايتتى, دەپ حابارلايدى "ۇلت اقپارات".
«بٸز ٷشٸن بٷگٸن ٶتە اۋىر كٷن, ورنى تولماس قايعى. ايدىڭ كٷننٸڭ امانىندا الماتى قالاسىنداعى قايعىلى وقيعا نەتيجەسٸندە 5 ازاماتىمىز وققا ۇشتى. ونىڭ ٸشٸندە ٸشكٸ ٸستەر ورگاندارىنىڭ ەكٸ قىزمەتكەرٸ بار. پوليتسييا مايورى دارحان سٷلەەۆ پەن پوليتسييا كاپيتانى نۇربول بايعازيەۆ ٶز جۇمىستارىن ادال اتقارىپ جٷرگەن قاتارداعى قىزمەتكەرلەر ەدٸ.
قازاقتىڭ داڭقتى باتىرى باۋىرجان مومىشۇلىنىڭ «ادام بولۋ – قاسيەت, ازامات بولۋ – مٸندەت, پاتريوت بولۋ – پارىز» دەگەن قاناتتى سٶزٸ بار.
ولار ادامگەرشٸلٸكتەرٸمەن اينالاسىنا ابىرويلى بولىپ, وتانسٷيگٸشتٸكتەرٸمەن تالايعا ٷلگٸ بولا بٸلدٸ. ادام رەتٸندە قالىپتاستى, ازامات بولىپ اتقا قوندى, پاتريوتتىق بولمىسىمەن ەل تىنىشتىعىن قورعادى.
دارحان سٷلەەۆ ٸشكٸ ٸستەر سالاسىندا 18 جىل قىزمەت اتقارسا, نۇربول بايعازيەۆ 7 جىلدان بەرٸ ساپتا قىزمەت ەتٸپ كەلدٸ. ولاردى ەرٸپتەستەرٸ قىزمەتٸنە ادال, دوستىققا بەرٸك, جٷرەگٸ ٷلكەن ازامات رەتٸندە مەڭگٸ ەستە ساقتايدى.
مارقۇمداردىڭ ەكە-شەشەسٸ, وتباسى, تۋعان-تۋىستارىنا كٶڭٸل ايتىپ, قايعىلارىنا ورتاقتاسقىم كەلەدٸ.
جانى جەنناتتا, توپىراعى تورقا, يمانى جولداس بولسىن», - دەپ جازدى ەرلان تۇرعىمباەۆ ەلەۋمەتتٸك جەلٸدەگٸ پاراقشاسىندا.
ايتا كەتەيٸك, 20 قىركٷيەكتە كەشكە الماتىدا اتىس بولدى. 54 جاستاعى ەر ادام ٷيدەن شىعارۋ تۋرالى سوت شەشٸمٸن ورىنداۋعا كەلگەن سوت ورىنداۋشىسىنا, پوليتسييا قىزمەتكەرلەرٸنە جەنە اۋلادا بولعان ٶزگە ەكٸ ادامعا اڭشى مىلتىعىنان وق جاۋدىرعان. نەتيجەسٸندە بەس ادام قازا تاپتى. ەكٸ پوليتسييا قىزمەتكەرٸ, بٸر جەكە سوت ورىنداۋشىسى جەنە ەكٸ تۇرعىن. ولاردىڭ بٸرٸ - ٷيدٸڭ جاڭا يەسٸ, ەكٸنشٸسٸ - ونىڭ تانىسى.
1967 جىلى تۋعان كٷدٸكتٸ ۇستالدى. ول 20 جىلعا نەمەسە ٶمٸر بويىنا دەيٸن باس بوستاندىعىنان ايىرىلۋى مٷمكٸن.
