بٷگٸن ورتالىق كوممۋنيكاتسييالار قىزمەتٸندەگٸ بريفينگتە قر ەڭبەك جەنە حالىقتى ەلەۋمەتتٸك قورعاۋ مينيسترٸ بٸرجان نۇرىمبەتوۆ 42 500 تەڭگە ەلەۋمەتتٸك تٶلەمدٸ تٶلەۋ نەلٸكتەن كەشٸكتٸرٸپ جاتقانىن تٷسٸندٸردٸ, دەپ حابارلايدى قازاقپارات.
«ەلەۋمەتتٸك تٶلەمدەر نەگە كەشٸگٸپ جاتىر دەگەن سۇراقتار تۋىنداۋدا. «مەن بٸر اپتا بۇرىن بەرگەنمٸن», «4-5 كٷن ٶتٸپ كەتتٸ» دەگەندەر كٶپ. بۇل رەتتە مەن سٸزدەردٸڭ الدارىڭىزدا مينيستر رەتٸندە كەشٸرٸم سۇرايمىن. بٸز وسى كٷندەرٸ ٷلگەرمەدٸك. ونىڭ سەبەبٸ بار. نە سەبەپ, نەلٸكتەن ٷلگەرمەي جاتىرسىزدار? دەيسٸزدەر. ونىڭ بٸرنەشە سەبەبٸن تٷسٸندٸرٸپ كەتەيٸن. بٸرٸنشٸدەن, بٸز ٶزٸمٸزگە 3 كٷن بەلگٸلەدٸك. بٸراق, ودان دا كٶبٸرەك ۋاقىت قاجەت ەدٸ. 42 500 تەڭگە بيۋدجەتتەن ەمەس, مەملەكەتتٸك ساقتاندىرۋ قورىنان تٶلەنەدٸ. سول قور اقشا بەرەدٸ, سول قور تاعايىندايدى. ول بٶلەك مەكەمە», -دەدٸ بٸرجان نۇرىمبەتوۆ.
ونىڭ ايتۋىنشا, ەلٸمٸزدە بٷكٸل تٶلەمدەر «ازاماتتارعا ارنالعان ٷكٸمەت» كورپوراتسيياسى ارقىلى بانكتەرگە جٸبەرٸلەدٸ. ال بانكتەر ازاماتتاردىڭ ەسەپشوتتارىنا اۋدارادى.
«ال ٶتٸنٸشتٸ قابىلداپ جاتقان بٸزدٸڭ مينيسترلٸك بولعاندىقتان بارلىق قۇرىلىمدارىمەن ولاردى تەكسەرەدٸ. سودان كەيٸن سٸزدەرگە جٸبەرەمٸز. وسى ٷش مەكەمە اينالىسىپ جاتىر. باسقاشا بولمايدى. سٸزدەرگە ايتارىم, وسى ٷش مەكەمەنٸڭ ازاماتتارى كٷنٸ-تٷنٸ جۇمىس ٸستەپ جاتىر», - دەدٸ مينيستر.
