فوتو: ۆيدەودان الىنعان كادر
ەكولوگييا جەنە تابيعي رەسۋرستار مينيسترٸ ەرلان نىسانباەۆ «وحوتزووپروم» قىزمەتكەرلەرٸنٸڭ اۋىل جاستارىمەن تٶبەلەسٸنە پٸكٸر بٸلدٸردٸ, دەپ حابارلايدى Kazinform اگەنتتٸگٸ.
«ٸستٸڭ مەن-جايىن انىقتايتىن تيٸستٸ ورگان بار. ول — وبلىستاعى پوليتسييا دەپارتامەنتٸ. مەنٸڭ ويىمشا, بۇل جەردە ەرينە, نارازىلىق بٸلدٸرۋگە بولادى. بٸراق باسقا جولمەن. بٸر توپ جاس جٸگٸت بٸرگە اراق ٸشكەن, جانجال شىققان… بٷگٸندە مينيسترلٸك تاراپىنان ٶكٸلدەرٸمٸزدٸ جٸبەرٸپ, اۋدان ەكٸمدٸگٸنٸڭ, باسقا دا ورگانداردىڭ ٶكٸلدەرٸمەن بٸرگە حالىقپەن كەزدەسۋ ٶتكٸزدٸك. ەرينە, ول جەردە تۇرعان مەسەلە — بالالاردىڭ تاعدىرى. بۇل مەسەلە جٶنٸندە سونداعى تيٸستٸ ورگاندارمەن بايلانىستامىز. بٸزدٸڭ جٸگٸتتەرگە (وحوتزووپروم قىزمەتكەرلەرٸ — رەد.) كەلٸسٸمگە كەلٸڭدەر دەپ ايتتىق. سول سەبەپتەن ٸستٸڭ اياعى جاقسى بولادى دەپ ويلايمىن. بٸراق بۇل بالالارعا ساباق بولسىن», — دەدٸ ەرلان نىسانباەۆ ٷكٸمەت وتىرىسىنان كەيٸن ٶتكەن بريفينگٸدە.
«وحوتزووپروم» قىزمەتكەرلەرٸ سول وقيعادا زاڭ اياسىندا ەرەكەت ەتتٸ دەپ ەسەپتەيسٸز بە?» دەپ سۇراعىن ناقتىلادى جۋرناليست.
مينيستردٸڭ سٶزٸنشە, تٶبەلەستٸ اۋىل جاستارى باستاعان.
«ۆيدەونى قاراساڭىز, بٸزدٸڭ ينسپەكتورلار تاراپىنان ەشقانداي ارتىق ەرەكەت بولماعان. قارۋعا تالاسقاننان كەيٸن ولار, ەرينە, بەرمەۋگە تىرىسقان. جانجالدى باستاعان — اۋىل جاستارى», — دەدٸ ەرلان نىسانباەۆ.
ەسكە سالا كەتەيٸك, ۇلىتاۋ وبلىسى جاڭاارقا اۋدانىنىڭ اۋماعىندا كريمينالدىق پوليتسييا قىزىلجار كەنتٸنٸڭ تٶرت تۇرعىنىن ۇستاعان ەدٸ. ولار «وحوتزووپروم» ركمك قىزمەتكەرلەرٸنٸڭ زاڭدى تالاپتارىنا باعىنباي, كٷش قولدانىپ, قاشىپ كەتكەن.
بۇل جانجالدىڭ ۆيدەوسى ەلەۋمەتتٸك جەلٸدە تارادى.
ولارعا 12 جىلعا دەيٸن باس بوستاندىعىنان ايىرۋ قاۋپٸ تٶنٸپ تۇر.
