Foto: videodan alynǵan kadr
Ekologiia jáne tabiǵi resýrstar ministri Erlan Nysanbaev «Ohotzooprom» qyzmetkerleriniń aýyl jastarymen tóbelesine pikir bildirdi, dep habarlaidy Kazinform agenttigi.
«Istiń mán-jaiyn anyqtaityn tiisti organ bar. Ol — oblystaǵy politsiia departamenti. Meniń oiymsha, bul jerde árine, narazylyq bildirýge bolady. Biraq basqa jolmen. Bir top jas jigit birge araq ishken, janjal shyqqan… Búginde ministrlik tarapynan ókilderimizdi jiberip, aýdan ákimdiginiń, basqa da organdardyń ókilderimen birge halyqpen kezdesý ótkizdik. Árine, ol jerde turǵan másele — balalardyń taǵdyry. Bul másele jóninde sondaǵy tiisti organdarmen bailanystamyz. Bizdiń jigitterge (Ohotzooprom qyzmetkerleri — red.) kelisimge kelińder dep aittyq. Sol sebepten istiń aiaǵy jaqsy bolady dep oilaimyn. Biraq bul balalarǵa sabaq bolsyn», — dedi Erlan Nysanbaev Úkimet otyrysynan keiin ótken brifingide.
«Ohotzooprom» qyzmetkerleri sol oqiǵada zań aiasynda áreket etti dep esepteisiz be?» dep suraǵyn naqtylady jýrnalist.
Ministrdiń sózinshe, tóbelesti aýyl jastary bastaǵan.
«Videony qarasańyz, bizdiń inspektorlar tarapynan eshqandai artyq áreket bolmaǵan. Qarýǵa talasqannan keiin olar, árine, bermeýge tyrysqan. Janjaldy bastaǵan — aýyl jastary», — dedi Erlan Nysanbaev.
Eske sala keteiik, Ulytaý oblysy Jańaarqa aýdanynyń aýmaǵynda kriminaldyq politsiia Qyzyljar kentiniń tórt turǵynyn ustaǵan edi. Olar «Ohotzooprom» RKMK qyzmetkerleriniń zańdy talaptaryna baǵynbai, kúsh qoldanyp, qashyp ketken.
Bul janjaldyń videosy áleýmettik jelide tarady.
Olarǵa 12 jylǵa deiin bas bostandyǵynan aiyrý qaýpi tónip tur.
